منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
المواضيع الأخيرة
» فقير وسط اثرياء.....قلبا منكسر..
مجرد حلم Icon_minitime1الأربعاء 04 ديسمبر 2019, 10:03 am من طرف مدمر_جدا

» الي زوجي العزيز
مجرد حلم Icon_minitime1الأربعاء 04 ديسمبر 2019, 9:42 am من طرف habiba maged

» نُونْ
مجرد حلم Icon_minitime1الأربعاء 04 ديسمبر 2019, 9:37 am من طرف habiba maged

» ســجـــل حــضــورك ادامــ الــمــرايــــة ًًًًً
مجرد حلم Icon_minitime1الثلاثاء 03 ديسمبر 2019, 6:28 pm من طرف 3del

» مجرد حلم
مجرد حلم Icon_minitime1الأربعاء 27 نوفمبر 2019, 10:15 pm من طرف بدور علي

» مجرد حلم
مجرد حلم Icon_minitime1الأربعاء 27 نوفمبر 2019, 10:10 pm من طرف بدور علي

» نرجس الأخير
مجرد حلم Icon_minitime1الجمعة 22 نوفمبر 2019, 1:15 pm من طرف 3del

» فيروزيات ( متجدد )
مجرد حلم Icon_minitime1الخميس 21 نوفمبر 2019, 8:36 pm من طرف 3del

» برنامج رهيب لجلـــب ملف iptv بضغطة زر واحدة شغال % 100
مجرد حلم Icon_minitime1الخميس 21 نوفمبر 2019, 2:59 pm من طرف imxmi

انت الزائر رقم ..

Website counter

مجرد حلم

استعرض الموضوع السابق استعرض الموضوع التالي اذهب الى الأسفل

مجرد حلم Empty مجرد حلم

مُساهمة من طرف بدور علي في الأربعاء 27 نوفمبر 2019, 10:10 pm

قصة دموع تبتسم🌹
الكاتبة روان

#واقعية 🥀

🌸الجزء الأول والثاني والثالث🌸

لا سلطة لنا على قلوبنا، هي تنبض لمن أرادت ومتى أرادت وكيف ما أرادت، بعضهم ينبض القلب له، وبعضهم ينبض القلب به، وبعضهم هم نبض القلوب.

عصام. بدي موتك ههههه
مرام. مجنون بعد عني يا امي اه لك اتركني
عصام. جاوبيني ليش مابتردي علي

مرام. اميييي تعي عندك ابنك عم يوجعني
عصام. هههههه

اجا اخي التاني محمد اصغر من عصام بسنتين

محمد. اتركها لأختك ليش عم تضربها
مرام. منيح انك اجيت وخلصتني منو

عصام. زعلتي ؟
مرام. اي حل عني ولا تحكي معي
عصام. انتي متأكدة
مرام. اي
عصام. تسطفلي كنت بدي اخدك مشوار حلو كتير

مرام. لا شكرا محمد بياخدني
محمد. تكرم عينك بس المسا مو هلأ
مرام. اي موافقة

انا مرام عمري 16 سنة وحيدة ع اربع شباب ومدللة كتير من عيلتي لأنو مافي غيري بنت ماحدا بزعلني او بيرفضلي طلب واذا صارت وحدا زعلني فورا بشكيه لأخي محمد دائما بدافع عني ومابحب حدا يلمسني
طبعا بالبيت كتيررر بحبوني اخوتي واكتر شي محمد
مابيقدر يشوف حدا مزعلني
بعاملوني كأني طفلة صغيرة لأن شايفيني ومانهم مسدئين لانو مافي غيري وبتدلل ع الكل

وضعنا المادي كتير منيح وحياتنا حلوة كتير وماناقصنا شي
والحمدلله الكل قلوبنا ع بعض

ستي امو لأبي عايشة معنا بنفس البيت لأنو ابي هوا اصغر شي بأولادها
وكتيرر كتير بنحبها
اعمامي وعماتي كل يوم بيجو لعنا ليسلمو ع امهم وبتصير سهرات كتير حلوة
يعني حياه بسيطة كتير

محمد. انا رايح مشوار مع صحابي ويمكن اتأخر
مرام. ما عأساس تاخدني معك
محمد. اي ماشي بس ارجع

عصام. استنا في كم غرض تجبلي ياهم معك بما انك رايح
محمد. ماشي بجبلك شو مابدك بس امانة لا تزعلها لمرام

دخلت ع المطبخ لعند امي وانا مالة ومو عارفة شو اعمل الدنيا صيف والنهارات طويلة ومافي شي اتسلا فيه

ام عصام. مرام يلا تعي خلينا نجهز الغدا
يلا خلصيني شو بتستني

مرام. بستنا محمد
ام عصام. ليش وينو
مرام. راح لعند رفقاتو
ام عصام. اي شو بدك منو
مرام. بدو ياخدني مشوار بس يجي والله مالة كتير

ام عصام. طيب روحي لعند بنات عمك اتسلي معهن
مرام. هيك قولتك لكن خليني جهز حالي وروح

دخلت ع غرفتي وظليت نص ساعة وانا جهز بحالي لحتى يمضى الوقت
طلعت وبدي روح ع بيت عمي الي كانو جيرانا
عمي عندو 7 بنات و ولد صغير
كنت كتير حب روح لعندهم لانو مافي غير بنات وبتسلا معهن

مرام. ماما بدك شي قبل ماروح
ام عصام. لا سلامتك

مشيت اول خطوتين قلبي نقزني وحسيت في شي كتم ع نفسي
قربت اوصل ع بيت عمي لقيت قدام بيتهم جمعة ناس كتيررر وكلهم قرايبنا اولاد اعمامي وعماتي
قلت الله اعلم شو في

مرام. مرحبا كيفك ايات
ايات. اهلين مرام تعي معي ندخل ع البيت

مرام. ليش شو في
ايات. ولشي تعي معي
مرام. ليش الشباب مجتمعين عندكم شو في
ايات. ولشي

اجتمعو حواليي بنات عمي وكانت وجوهم مابتتفسر ونظراتهم غريبة
مرام. شبكم شو في يعني هي اول مره بتشوفوني

قربت مني مرتو لعمي

ام قاسم. مرام حبيبتي وينهن امك وابوكي
مرام. امي بالبيت وابي بالمحل خير شو في

ام قاسم. مافي شي ادخلي مع البنات ع البيت

حاولو يدخلوني مارضيت لاني حاسة انو في شي ماخلوني قرب واسمع شو بيحكو
وقفت انا والبنات ع جنب ومافاهمة شي

مرام. امانة تحكو شو في
ايات. لك والله مافي شي بس

انقطع حكيها وقت اجا ابن عمتي ع الموتور وكان لابس قميص ابيض ومليان دم

احمد. وينو خالي ابو عصام خبرتوه ؟
بدي شباب تنين يطلعو معي بسرعة

حكا كلمتين بسرعة واخد شباب تنين معو وراحو

الكل كان يسألو طمنا شو صار بس مارد ع حدا كان مستعجل كتير
قربت منهم وسألتهم

مرام. بشو بدكم تخبروه لبابا وليش احمد كل تيابو عليها دم
شو صاير احكو

قرب مني عمي ابوقاسم الي كان متل ابي

ابوقاسم. مو صاير شي عمي
يلا يا بنات ادخلو انتو ومرام ع البيت نحنا رايحين ع بيت عمكم

مرام. اي لكن بروح معكم هلأ ماما بتحتاجني
ابو قاسم. لا خليكي هون
مرام. طيب

مشيو كل الي كانو موجودين بأتجاه بيتنا

مرام. اذا انا غالية عليكم احكولي شو في وليش تياب احمد عليهم دم وليش كان مستعجل

بنات عمي حاولو يخبو الموضوع ومايحكولي بس في اصغر بنت عمرها اقل من 8 سنين جاوبتني جواب وكان قاسي عليي كتيرر قالتلي

ندى. مرام اخوكي محمد مات بحادث سيارة والله

مرام. شووووو قلتي

الجزء الثاني

مرام. لاااااا محمد يااااربي

ايات. لا تردي عليها هي غبية ومافاهمة شي لهيك عم تخبص

مرام. والله انكن عم تكذبو محمد مات انا شفت الدم ع تيابو لأحمد وكيف كان مستعجل

صارو دموعي ينزلو وانا مصدومة وحاسة كل شي حوليي عم يفتل
صارو يحكو معي بنات عمي ويقولولي انو كذب ومحمد ما مات

مرام. لك حاج تكذبو علي
ايات. والله ماعم نكذب اي صحيح محمد اخوكي عمل حادث صغير بس ما مات وهلأ وضعو منيح
وشفتي الكل كانو طبيعيين

مرام. بعدو عني بدي روح ع البيت
ايات. استني خليكي يمكن ما تلاقي حدا بكونو راحو ع المشفى لعندو

تركتهم ومشيت ولحقوني دخلت ع البيت شفت عماتي كلهن والكل ساكتين وبس امي وستي عم يبكو
صرت ابكي معهم
واسألهم اذا محمد مات او لأ
يقولولي محمد ما مات وضعو منيح

ام عصام. خدوني لعندو مشان الله خليني شوفو
ام قاسم. طولي بالك يا ام عصام والله محمد بخير والشباب طمنونا عنو لا تخافي
وهلأ بس يجي حدا منهم بنفهم اكتر

ام عصام. لكن ليش ماحدا عم برد ع الموبايل وبطمنا
ام قاسم. اكيد مو فاضيين هلأ للموبايلات

ام عصام. يارب دخيلك تطمن قلبي ع محمد يارب تحميلي ياه يارب

ام قاسم. ايات اتصلي بأبوكي بلكي رد عليكي

ايات. ماعم برد

ام عصام. لا لا معد اصبر انا رايحة لعندهم

عمتي ام محمد اختو لأبي. طولي بالك يا ام عصام معقول يعني لو صايرلو شي مايخبرونا
بعدين ليش انتي بتعرفي بأيا مشفى هنن

ظلت امي تبكي ع محمد وحالتها بتبكي

رن موبايل عمتي وطلعت تحكي برا البيت وقالت انو هي كنتها اتصلت فيها

بس ماكان هيك كانو متصلين من المشفى وعم يخبروها لعمتي انو محمد مات

انفجرت عمتي بالبكي ودخلت ع البيت وهي تبكي ومو قدرانا تحبس دموعها

دخلت عمتي ع البيت وهي تبكي وحاولت تخبي امي بس شافتها انهارت صارت امي تسألها ليش عم تبكي شو في
كان جوابها لعمتي مافي شي اتطمني ومحمد وضعو منيح بس رجلو مكسورة

ام عصام. لكن انتي ليش عم تبكي
مين الي حكا معك

عمتي ساكتة وتبكي

مرام. لكن من شو الدم الي كان ع قميص احمد ابنك
ام عصام. لك احكو الحقيقة يا امي يا محمد وينك شو صاير معك ياعمري

عمتي ماقدرت تخبر امي خافت يصير عليها شي
بس خبرت كل الي كانو موجودين الا انا وستي وامي

اجت خالتي لعنا وكانت تعرف الحقيقة
شافت امي وعرفت انو مامعها خبر

ام عصام. مشااان الله قولولي شو اسم المشفى خدوني لعند محمد خليني ارتاح ويتطمن قلبي

ام قاسم. حسبي الله ونعم الوكيل

خالتي ام ايمن. لك قولولها الحقيقة وحاج تعذبوها ليش تضل متأملة

ام عصام. حقيقة شو احكي
محمد شو صايرلو لك احكي

ام ايمن. ابنك محمد مات وهلأ جابوه من المشفى هوا ببيت ابو قاسم وبعد شوي رح يدفنوه

امي بس سمعت هاد الحكي غميت
وانا دخت ووقعت بالأرض
صارو يهدو فيني وانا ابكي بكل صوتي
ضمتني خالتي
وانا قول مشااان الله بدي اخي
كرمااال الله لا تقولو مات لاتقولو معد نشوفو
وينك يا محمد ياغالي وينك وينك يا اخي

صحوها لأمي وصارت تصرخ من شوي كان معنا كان بينا ليش راح وتركنا يا محمد يا ابني

امي كانت حالتها تبكي الحجر
وانا فقدت احن واغلا اخ عندي
مرق شريط الذكريات كلو قدام عيوني
صرت ماني بوعيي وماني ع الدنيا

من شوي قلي انو المسا رح نروح مشوار اناوياه ليش تركني وراح
ليش بعد عني كل هالبعد
معقول مابقا شوفو ولا رح يكون معنا خلص راح محمد

قامت امي وبدها تروح ع بيت عمي لتشوف محمد
طلعنا كلنا من البيت وشفنا اديش في ناس قدام بيت عمي رحنا لهنيك ومالنا مسدئين
كان لسا في امل جواتنا انو يكون عايش بس وصلنا كانو عم يغسلوه
غميت امي مرة تانية قبل مانشوفو
صحوها لأمي وماكان بدهن يانا نشوفو

دخلونا لعندو وضميناه ونحنا مالنا مصدقين انو مات كل شي كان متل الحلم

قالو انو راسو كان مفتوح من قوة الضربة وبطنو كمان مفتوح ماشفنا هالشي نحنا بس من الوصف تقطع قلبنا

صار وقت الدفن طالعوه الشباب من البيت وروحنا طلعت معو

ام عصام. تبكي الله معك ياعمري الله معك يا محمد
الفراق كتير صعب
ماني مسدئة الي صار بهاد الوقت كنت اتمنى حضن يلمني
كنت اتمنى حدا يقلي كذب لا تسدئي محمد المسا جايي ورح ياخدك وين مابدك
بس ماصار هالشي
كنت اتطلع بكل الي حوليي كلهم يبكو
هيك لحتى سدئت انو خلص مابقا في محمد

دخلت ع غرفتي وقفلت الباب وصرت ابكي وابكي بعد نص ساعة حسو علي بنات عمي اني ماني موجودة
اجو لعند غرفتي حاولو يفتحو الباب كان مقفول اجت مرتو لعمي وصارت تحاكيني من وراء الباب وماكنت رد خافو عليي ليكون عملت بحالي شي
لأن الكل بيعرف شو محمد بالنسبة الي

مارديت ع حدا
بالصدفة دخل ابراهيم ابن عمتي ام محمد وقالولو انو يجي يفتح الباب
قفل الباب كان كتير سهل انو ينخلع
خلعه ابراهيم ودخل هوا وبنات عمي وامهن
شافوني قاعدة وعم ببكي
حاولو يحكو معي بس ماكنت رد ولا بكلمة
بس قوللهن انا منيحة اتركوني لوحدي

انا ابدا ماكنت منيحة بس كنت بحاجة اني ابقا لوحدي ماكنت حب نضرات الشفقة علي

بقيو عندي شوي ويحاكوني ويصبروني
طلعت مرت عمي
وظلو البنات يحكو وانا مارد الا بكلمة اطلعو واتركوني لوحدي

ابراهيم. خلص انتو اطلعو انا رح بحكي معها
طلعو البنات وظل ابراهيم عندي

مرام. وانت كمان اطلع
ابراهيم. لا ماحزرتي مارح اطلع

كان خايف علي كتير بس هوا كمان ماقدر يخبي دموعو محمد كان بالنسبة اله اعز رفيق عنده

قرب مني وقلي

ابراهيم. ماتخافي انا معك ورح ابقا معك طول العمر ورح دير بالي عليكي ورح كون احن من اهلك

اتطلعت فيه وعيوني كلها دموع
حكيو بيشبه حكي محمد كتير

مرت الأيام وانا حزينة كتيررر الاخ غالي، غالي كتيررر وماببتعوض

مرق اربعة اشهر بعد وفاة محمد حسيت حالي كبرت فيهم كتيررر لأن في شي انكسر بعيلتنا والحزن كان مسيطر ع الكل
حسيت حالي عمري فوق العشرين سنة مابقا حسيت انو انا مرام الي بعاملوني كأني طفلة صغيرة وبتدلل ع الكل
هاد الشي مابقا موجود

رجعنا لحياتنا الطبيعية ومحمد مابقا موجود
صرت خاف اخسر حدا من اخوتي التانيين لأن مابقا اتحمل

ابراهيم ابن عمتي ام محمد كان يجي لعند اخوتي كل يوم
وكل يوم كنت شوفو
وبس شوفو كنت ارتاح كتير بذكرني بأخي محمد
وبفترة وفاته وقف معي كتير وكان يواسيني ويصبرني وقدر المستطاع يحاول يخفف عني
وبس كان يشوفني زعلانة كان يحزن عليي

كل قرايبنا كانو يجو لعنا كل يوم وماتركو ابي وامي وستي ولا لحظة

تعدينا مرحلة الزعل والحزن ورجعت حياتنا طبيعية

وبيوم كان ابراهيم عنا وكنا قاعدين مع ستي وعصام اخي موجود

صارو يحكو عن محمد ويتذكروه

عصام. بتذكر قبل مايطلع من البيت قلي لاتزعلها لمرام

سمعت هي الكلمة وماتحملت صرت ابكي واشهأ

عصام. لو اعرف بدك تبكي ماكنت حكيت قايم جبلك محرمة تمسحي دموعك

قرب مني ابراهيم وقلي خلص مرام لا تبكي مشاني
ماقلتلك رح ابقى معك طول العمر ورح عوضك عن كل شي

اجا اخي عصام وابراهيم رجع ع مكانه

حكي ابراهيم كتير ريحني وحسسني بالأمان
لأني كنت بحاجة لمتل هاد الكلام

يتبع...
الجزء الثالث

صعب انو نكون متعودين ع شخص وفجأة نخسرو وكأنه ماكان موجود
بلحظة نفقد كل الحنان والحب من اغلى شخص بالدنيا
وهل يوجد حدا بالكون رح بعوضني عن اخي ؟

بعد مرور كم يوم كترت زيارات ابراهيم لعنا بحجة انو بدو يشوف ستي كان كل مايصيرلو فرصة يحكي معي ويحاول يضحكني اوقات كنت حس انو مهتم فيني زيادة عن اللزوم
ما كنت اهتم
لأني ماعدت مرام الصغيرة كبرت كتير بعد موت محمد وصرت افهم كل شي حوليي

وبيوم اجا ابراهيم لعنا وانا فتحتلو الباب
قلتلو تفضل بس ظل واقف مكانه

مرام. تفضل شبك
ابراهيم. عصام موجود
مرام. اي موجود تفضل
ابراهيم. لا بدي احكي معك

مرام. تحكي معي ؟ بشو
ابراهيم. مرام انا بدي قلك انو انا

مرام. انت شو
ابراهيم. انو انا بحبك

عصام. ابراهيم اهلين تفضل ليش واقف ع الباب

دخل ابراهيم لأنو عصام قطع عليه الحكي

بس سمعت هي الكلمة اول شي ما اهتميت شغلتني كتير
رحت عملت قهوة وفورت وانا شاردة ومو منتبهة

مابعرف شو صرلي حسيت شي اول مرة بحس فيه
احساس غريب وحلو
حاولت غير تفكيري بس مابعرف شو صرلي ليش هيك صرت فكر بأبراهيم ومعد طلع من تفكيري

طلعت قعدت معهم وكان بيتنا مليان عالم

كانت عيون ابراهيم علي اتطلعت فيه وكنت شابكة ايدي ببعض ومتوترة كتير اول مرة بصير فيني هيك
وكنت خجلانة كتير مع اني اخدة عليه وجه لأبراهيم
بس كلمتو هي غيرت كل شي وخلتني بلش حبو

مرق يومين وماشفتو مع اني كنت بتمنى شوفو
لأنو ماطلع من تفكيري ولا للحظة

صرت فكر بيني وبين حالي انو معقول بهالسرعة حبيتو واتعلقت فيه
بس طلعت غلطانة وقت استرجعت ذكرياتي من وقت مات محمد اخي وابراهيم يحاول يتقرب مني وكان جنبي وقف معي بأصعب شي مرقت فيه
وكان يسمعني حكي كتير
بس لهاد الوقت لعرفت انو الي كان بينا حب ع نار هادية

اي حبيتو لأبراهيم وصرت شوفو من نواحي تانية وفكر فيه كل الوقت بس لمجرد انو قلي هالكلمة تغير كل شي

بالوقت الي بنحس فيه بفراغ كبير بيجي مين يوقف حدنا ويكون معنا بكل كبيرة وصغيرة وبكل تفصيل بحياتنا

كان عنا مشتل ورد صغير وحلو كتير قطفت وردة وعم بلعب فيها
سمعت صوت مشي جايي بأتجاهي اتطلعت ورايي شفت ابراهيم
صار قلبي يدق بسرعة وتلبكت كتير

ابراهيم. كيفك
مرام. الحمدلله انت كيفك
ابراهيم. مشتاقلك
وانتي ما اشتقتيلي

مرام. هلأ حدا بيسمعك
ابراهيم. ماجاوبتيني
مرام. كل الي صرلك غايبهن كم يوم

ابراهيم. يعني ما اشتقتيلي
مرام. عادي
ابراهيم. توقعت تجاوبيني غير هيك
مرام. شو بدك جاوبك

ابراهيم. طيب بتحبيني
مرام. شو لك هلأ حدا بيسمعك

ابراهيم. ماحدا رح يسمعني
قوليلي انتي بتحبيني ولا لا

مرام. لا مابحبك

كنت خايفة انو حدا يكون سامعنا لهيك قلتلو لأ
ماحكا شي وظل ساكت

ع ايامنا هديك كان في بسكويتة طيبة كتير وانا كتير كنت حبها
طالعها من جيبتو وفتحها

ابراهيم. الك ولنصك الحلو
خدي كليها بعرفك بتحبيها
اخدت انا اصبع وهوا اصبع

مرام. شكرا الك
ابراهيم. عفوا

ابراهيم. ليش مابتحبيني
مرام.....
ابراهيم. بس انا بحبك
مرام. هلأ اهلي بيسمعو انا فايتة ع البيت

مشيت وتركتو

مرقت الايام وتعودت عليه بس لسا ماقلتلو اني بحبو واليوم الي ماشوفو فيه كنت اتضايق
حاول كتير ليخليني اعترفلو بحبي بس كنت خاف اني قلو بحبك
ماكان عندي الجرأة الكافية

كان كل مايجي يجبلي البسكويت الي بحبو ويقلي الك ولنصك الحلو

بالليل اجا ابراهيم وماكان في حدا بالبيت الا انا وستي
امي وابي كانو ببيت عمي
واخوتي مو بالبيت
وانا ظليت مع ستي بلكي احتاجت شي

اجا ابراهيم دخل لعند ستي وسلم عليها
هي كانت بأخر ايامها

دخلت انا ع المطبخ اعملتلو قهوة
وانا وعم ضيفو قال

ابراهيم. شايفه يا ستي عروستي مو رضيانة تقلي انو بتحبني

مرام. لا انا بحبك

مابعرف كيف طلعت معي هيك فجأة بس وقت قال عروستي تلبكت وماعرفت شو حكيت
وبالفعل كنت حبو كتير وموت عليه

هوا ماصدق اتطلع فيني وللحظة كان رح يجي ويضمني من فرحته

ابراهيم. شو قلتي
مرام. ماقلت شي
ابراهيم. امبلا قلتي انو بتحبيني

ستي قالت اي بتحبك ماشايفها اديش مبسوطة

ابراهيم. طيب قوليها مرة تانية
مرام. مابعيد شو بحكي

ابراهيم. يعني بتحبيني
مرام. اي بحبك وكتير كمان

صرت بادلو نفس الشعور وصار قطعة مني واليوم الي ماشوفو حس شي ناقصني
تعلقت فيه كتير لدرجة انو كل يوم لازم شوفو واحكي معو
صرت حب كل تفاصيلو وكل شي بحبو انا بحبو
واذا بسمع بأسمه بفرح كتير وبتذكره

مرقت الايام وصار يجبلي هداية ويبعتلي رسائل حب
لأن انا ماكان معي موبايل

ماكان يصيرلي احكي معو كتير بس نظرات لأن دائما بيتنا فيو ناس
بس كنت ابعتلو رسائل اوقات مع ايات بنت عمي
واوقات مع اختو نور لأن كانت رفيقتي وبتعرف بالقصة
وهوا كان يبعتلي رسائل معهن
حبينا بعض كتيررر كتير

يتبع...
الجزء الرابع

#HDــ٨ـ٨ـﮩﮩﮩـ٨٨ــــــ
بدور علي
بدور علي
عضو جديد
عضو جديد

مجرد حلم 2py5pv10
تاريخ التسجيل : 27/11/2019
عدد المساهمات : 2
مكان الاقامة : المنوفيه

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
Google