هكذا المرأة. الجزء الخامس

من طرف **3del** الإثنين 10 فبراير 2020, 6:35 pm

اليوم لقيت نفسي حابب اكتب

ويمكن مرات كتيرة بيجلي الشعور دة لكن دايما

الأفكار بتهرب من راسي او بفقد الدافع للكتابة

ولاني مبعرفش اكتب قصة كاملة وبعدين انزلها

لا بكتب وبسيبها تكمل نفسها بنفسها هههههه

المهم معايا ومعاكم وبدون فلسفة وكلام كتير

قصة

هكذا المرأة

اتمنى ان اوفق ف سرد الأحداث

بصورة ممتعة ولائقة

بي وبكم

يومكم بيضحك

من طرف **3del** الإثنين 10 فبراير 2020, 6:55 pm

ذهب حاتم الي عملة

كالعادة في الشهر العقاري

وزي كل يوم نادي على الساعي

وطلب فنجان قهوة ثم بدا ف مباشرة عملة

وف أثناء اداءة لمهام عملة أصدر هاتفة

نغمة رسالة فنظر الي هاتفة ليعرف من ارسل

الرسالة فوجدها من برافيت نمبر فالقي

حاتم الهاتف من يديه بعد تلقيه تلك الرساله

وكان محتوى الرسالة ان زوجته تخونة حاول أن يهدا وحاول إيجاد وسيلة للحصول ع رقم مرسل الرسالة ولكن دون جدوى

ف هتف لسانه الضعيف وقلبه الموجوع بآلام الشك فحاتم متزوج من

مني بعد قصة حب كبيرة

ولم يلمح فى سلوكها أدنى شك للخيانه

فزوجتة خجوله جميله دائبه فى

عشقه حتى النخاع ..

واخذ يسترجع ذكرياتة معها وف هذة الاثناء

دخل صديقة محمد الذي يعمل معة في الشهر العقاري قائلا

اية يا خال خلصت التوكيلات اللي عندك

فرد حاتم بصوت منخفض

لا انا مش قادر انا همضى واروح

خير ي حاتم مالك انت تعبان كنت الصبح كويس

ف حاجة حصلت قولي

فرد حاتم مفيش حاجة تعبان شويه

فنظر آلية محمد قائلا لا مش حكاية ارهاق

واضح انك ف مشكلة ومخبي عليا

ثم اقترب منه ووضع يده على كتفيه قائلا

لو مش حتقولي حتقول لمين

يتبع

من طرف **3del** الثلاثاء 11 فبراير 2020, 6:16 am

انت هتخبى عليا انا هو احنا مش اخوات واصدقاء

نظر حاتم نظره طويله الى محمد

ثم اخرج هاتفه ووضع الرساله الاخيره امام عيناة

محمد وهو يقرأ الرساله بصوت مسموع

مني تخونك !!!!

ايه الرساله البايخه دى وانت يابنى

عبيط عشان تصدق حاجة زي دي

هو انا اللي حقولك عن اخلاق مراتك وسلوكها

حاتم الرسايل دى بتتبعتلى بقالها فترة وانا مكنتش

بحط براسي لاني واثق ف مراتي اووي

َرد علية محمد بتوتر اكيد دة حد عايز

يفرق بينك وبين مراتك

حاتم بانهيار: مش عارف اعمل ايه .الشك هيموتنى .

وبتنهيده طويلة

قال حاتم ربنا يستر .انا قايم مروح .

فرد محمد طيب روق وبلاش تعمل مشاكل

وابقى طمني عنك

وبعد خروج حاتم

أمسك محمد هاتفة

محمد : الو

حاتم بدأ يشك فى مراته

وعاد حاتم الي بيتة حيث كانت مني ف المطبخ

فلما احست بة التفتت آلية بصوت ناعم

حبيبي مالك ف اية لية رجعت بدري

انت تعبان وقامت باحتضانة

فما كان منه الا أن ضمها اليه

ثم قال شكلك كده طبخه حاجه تجنن

مني ااه ههه طابخه فراخ ومكرونه بشاميل

حاتم انت بتتعبى نفسك اوى

حبيبى لو متعبتش روحى عشانك

هتعب عشان مين دا انت دنيتى

ابتسم حاتم وقد نسى الرسائل السخيفه

وضمها اليه فى اطمئنان

يتبع

من طرف **3del** الخميس 13 فبراير 2020, 4:49 pm

وبعد خروج حاتم من العمل اخذ محمد

يكمل مكالمتة قائلا

انا حاسس ان مني بتخونة ومش عارف

اعمل اية

فردت نوال زوجتة

وانت لية حاسس بكدة

انا اعرفها كويس ومتأكدة انها مالهاش ف الكلام دة

صمت محمد واخذ يتمم

فتعالت نبرة نوال جاوبني يا محمد

انت مخبي عني حاجة

فقاطعها خلاص يا نوال

اما اروح نتكلم لاني ورايا شغل

وقفلا الاثنان الخط وكل منهم ف حالة

لا يرثي لها

حرج حاتم من غرفتة وجد زوجتة بتتكلم ف التليفون

بدأت العصبية على وجهة حاتم قائلا لزوجتة

كنتى بتكلمى مين

ولية قفلتي اول ما شوفتيني

وبكل هدوء نظرت آلية مني

اية الأسلوب دة ودة يعتبر شك فيا

وبعدين دي ميرفت صاحبتي

اتكلمنا واما شوفتك خرجت

قفلت عشان احط الغذاء

وبعدين خد التليفون وكلمها

بس بعد متخلص مكالمة معاها

لو سمحت توصلني عند اهلي

وقامت مني برمي الهاتف على الكنبة

وتركت حاتم ودخلت غرفتها

وبعد ثوان دخل حاتم وراها

واعطاها التليفون بدون أن يتكلم

ثم بدا ف ارتداء ملابسة

فنظرت آلية مني قائلة

ممكن اعرف انت رايح فين

وانت ازاي تشك فيا

فهمني متفضليش ساكت وجاوبني

فخرج حاتم من الغرفة متوجها

الي باب الشقة

فجذبتة مني من ذراعة

يعني حتشك فيا وتسبني وتخرج

ثم انفجرت بالبكاء والصراخ

فاخذها ف حضنة قائلا

انا اسف يا حبيبتي

متزعليش مني بس انا حخرج شوي

لان اعصابي تعبانة

وخرج حاتم من البيت

من طرف **3del** الأحد 16 فبراير 2020, 2:31 am

ورجع محمد الي بيتة فوجد زوجتة

واضح عليها ملامح الغضب

وقبل ان يبدل ملابسة

انهالت علية زوجتة بالأسئلة قائلة

نوال اية اللى مخليك تشك ان مني بتخون حاتم

وانت اية علاقتك بالموضوع

فقاطعها محمد قائلا

امال لو مكنتش حكتلك كل شيء عني

قبل ما نرتبط

بس الظاهر دي غلطتتي اني مبخبيش عنك حاجه

وبضعف قالت نوال

ي قلبي انا عارفة بس انا مش بحاسبك

انا عايزة افهم اية الموضوع

وانت اية علاقة بالموضوع كلة

متنهدا محمد قائلا

مفيش حاجه حاتم جاتلة رسائل

ان مراتة بتخونة وانتابت محمد

حالة من التعلثم

ولحقتة نظرات زوجتة ولم يجد مفر

من أن يعترف لها بالأمر كلة

الفترة اللي تعب فيها حاتم وكنت

اغلب الوقت معاة في المستشفى

وبحكم الظروف كنت ساعات بجيب مراتة

من البيت للمستشفى وساعات وانا ماشي باخذها معايا

وهممت نوال وبعدين

ولا قبلين كنت بلاحظ حركات ونظرات

منها لكن انا صديتها وقفلت الموضوع

وبعد خروج حاتم من المستشفي

اقتصرت مقابلتنا على الشغل

دة كل الموضوع وبلهجة استهجان

والمفروض اني اصدق انك الصديق

الوفي اللي مرات صاحبة حاولت معاة

وهو صدها فقاطعها محمد

اوعي لكلامك واعرفي انتي بتقولي ايه

هو مين اللي قالك اصلا ولا دي غلطتي

اني مبخبيش عنك حاجة

وبدأت نوال ف البكاء والصراخ والنواح

ككل النساء وقالت

طلقني

نظر إليها محمد وتركها وخرج

من طرف **3del** الأربعاء 04 مارس 2020, 7:24 pm

وخرج محمد من البيت غاضبا

وفي هذة الاثناء رن هاتفة

الو ازيك ي محمد امال انت فين

قريب من القهوة اللي بنقعد عليها

فاستغرب حاتم قائلا

اية هو انت لسة مروحتش

فاجابة محمد لا انا قولت

اروح اشرب قهوة قبل مروح

فقال محمد خلاص انا عشر دقايق

واكون عندك اقعد معاك شوي ولا انت حتروح

لا تعالا نقعد نندرش شوي

وأغلق محمد الهاتف

ولكن رن هاتفة مرة أخرى

وهذة المرة كانت مني زوجة حاتم

وظل متردد للحظات ثم قال

الو مدام مني خير ف اية

وبكلمات حادة ونافذة

قالت مني

وبعدين معاك انت لية عايز تخرب بيتي

ولا انت مفكرني ست شمال من اللي بتعرفهم

من ايام ما صدتك الفترة اللي كان حاتم تعبان فيها

وقولتلك انا ست محترمة وبحترم جوزي

لكن الظاهر ان الحقد خلاك عايز تخرب بيتي

احسنلك ابعد عني والا حقول لحاتم

واخلية يعرف شغلة معاك

واحس محمد ان لسانة قد عقد

وقال اية اللى بتقولية دة

بقى انا عايز اخرب بيتك

ودون ان تعطية فرصة ليتكلم

واغلقت الهاتف

ثم قامت بإرسال المكالمة الي زوجها على هاتفة

ف صورة مقطع صوتي ع الواتس

وقبل ان يصل محمد لمقابلة حاتم

سمع حاتم المقطع الصوتي

وف هذة الاثناء كان قد وصل

محمد لرؤية صديقة حاتم

وعندما التقيا قام حاتم بتشغيل المقطع

وبعد انتهاء المقطع قام حاتم بصفع صديقة

وامسكا ببعض وتعالت الأصوات

وقاما المارة والموجودين بالتفريق بينهم

ثم غادر حاتم المكان دون أن يسمع صديقة

او يعطية فرصة لايضاح الأمر

واتجها الي البيت للاعتذار لزوجتة

عما بدر منة من شك ولكي يعرف الحقيقة كاملة

يتبع

هكذا المرأة. الجزء الخامس

هكذا المرأة. الجزء الخامس

الجزء الأول

الجزء الثاني

رد: هكذا المرأة. الجزء الخامس

رد: هكذا المرأة. الجزء الخامس

رد: هكذا المرأة. الجزء الخامس