المواضيع الأخيرة
أفضل 10 أعضاء في هذا المنتدى
( أميرة أرق ملاك ) | ||||
okA | ||||
3del | ||||
!هادية! | ||||
♥ÊĻmȭŋăĹįžĂ♥ | ||||
KaGo0o | ||||
Man law | ||||
قلبي معك ~ | ||||
فهد الشاعر | ||||
admin12allchat |
اقتباسات شعرية
صفحة 1 من اصل 3 • شاطر
صفحة 1 من اصل 3 • 1, 2, 3
اقتباسات شعرية
قصيدة : قصيدة لما جيت اكتب عن امي
الشاعر: عبد الله حسن
الشاعر: عبد الله حسن
لما جيت اكتب عن امي
قولت عنها شايله همي
قولت دي بتجري في دمي
قولت ياما حاجات كتير مش جديدة
لما جيت اكتب عن امي عاجزة قدامي القصيدة
شايلة سرّي ..
كان زمان بيني و بينها حبل صري
اتقطع يوم الولادة و اتوصل حبل الواداد
حب متحولش عادة من كلام رب العباد
حبها اصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت اكتب عن امي لاقتني بكتب عني انا
لما جيت اكتب عن امي عاجزة قدامي الحروف
قام الألِف زعّق وقف
قاللي ما تفهم يا ولا
ده انا مشترك في اسم من لا شريك له
و اول الاسم الألِف
و اول الام الألِف
و دي مش صدف
ربك بيخلق من العدم خلق الألم وهنا علي وهن
شالتني لحد ما بلغت الحُلُم
و ياما بتدلع عليها و ياما بتمنع عليها
و ياما حاوطتني بجناحها
و ياما دمعت في عينيها
و من ايديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لمابتعب كانت بتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصاحبهم على الدراسة
خش ذاكر !
اجي اتدلع تقوللي ده انت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
امي مابتعرفش تجرح
بس ياما باتت جريحة
لما جت وقفت قصادي
قالتلي انت امتدادي
انت نور عيني اللي شبهي
انت دونا عن ولادي
وقتها انا كنت غاوي للغناوي
كنت اسيبها قاعدة و انزل اترمي في حضن القهاوي
هي ديا احلي عيشة
هاتلي نار علي فحم شيشية
هاتلي طاولة
امي دي فاكراني طيشة
لأ دة انا راجل بشنبي
بصوا دقني
و اما جالي الحزن داقني
و الزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش الا لما بس الاقي الاكل حادق
انت فين مش عارف اكل
اقعدي جانبي تعالي اسمعي اخر المهازل
مرة واحد حب ينجح قاله عنه انّه فاشل
مرة واحد حب واحدة بس سبها لانه عاطل
قالوا عني اني شبهك
قالوا واخد شكل شعرك
ضعف نظرك
و السنان البايظة منك
ياما جرحوني يا امي و بدعاكي جت سليمة
هما لما يقولوا عني ابن امي دي شتيمة !
كملي جميلك يا امي و بعد عمر طويل اوي
روحي للرحمن قوليله ان ابني بيحبني اوي
ياما زعلني و سامحته
ياما زعقلي و كان يكفيني بس اشم ريحته
كان بينسي يقولي شكرا وانا باديه من حياتي
بس انا و انت اللي عالِم كنت بدعيله يوماتي
ربنا يهديه يسامحه
كان كتير يصعب عليا لما اشوف في عيونه جرحه
مهما يعمل لسة ابني اللي كان في اللفة خايف
مهما ينطق لسة سامعة ماما من اصغر شفايف
كملي جميلك يا امي
و روحي للرحمن قوليله
هو ابني امتدادي
هو نور عيني اللي شبهي
و اما جيت اكتب عن امي
برضه كل كلامي عادي
__________________________________________________
نوران- عضو مشارك
-
الجنس :
تاريخ التسجيل : 22/01/2017
عدد المساهمات : 36
مكان الاقامة : مصر
رد: اقتباسات شعرية
الله الله الله
احسنت الاختيار
نوران
قصيدة فى غاية الجمال والروعة
اعجبتنى كثيرا
فى انتظار المزيد
دمت بخير
__________________________________________________
أنني لا أشعر انني علي قيد الحياة إلا حين تتساقط الحجارة علي زجاج نافذتي
في هذه اللحظة أشعر ان جرعة الشعر التي أعطيتها للناس بدأت تتفاعل في دورتهم الدموية ..
وأن الزلزال الذي كنت أحتفظ به في داخلي قد أنتقل إليهم
عندما أنشر قصيدة ولا يرجمونني بسببها ..
عندما أنشر قصيدة ولا يرجمونني بسببها ..
أشعر أنني مريض وتبدا حرارتي بالإرتفاع
نوران- عضو مشارك
-
الجنس :
تاريخ التسجيل : 22/01/2017
عدد المساهمات : 36
مكان الاقامة : مصر
رد: اقتباسات شعرية
صحيح .. الأم كلمة صغيرة بمعان ومعان كثيــرة ..نعجز عن إتمامها .. أو الوصول لنهايتها ..
عزيزتي نوران ..أولًا أهلا ومرحبا بكِ ،، أحييك على الاختيار
أجمل ما قيل ف الأم .
كم أحبها تلك القصيدة من فم الطفل الجميل " بشارة مرزوقة "
كم أحبها تلك القصيدة من فم الطفل الجميل " بشارة مرزوقة "
حفظ الله أمهاتنا ورحم الأموات منهن ..
أنتظر منكِ المزيد يا جميلة ..أحسنتِ الاختيار ..
__________________________________________________
وقفة // لا تخلط بين شـخـصيتـي وأسـلـوبـي
فشخصيتي هي ما أنا عليه .. ولكن أسلوبي يعتمد عليـك.
_________
مجنونه هانم- كبار مشرفين
-
الجنس :
تاريخ التسجيل : 20/01/2017
عدد المساهمات : 241
مكان الاقامة : ツ
رد: اقتباسات شعرية
جميلتي الرقيقة
(عذرا بحثت عن اسمك لم اجده )
مرورك اسعدني جداً وفعلا الفيديو روعة بس لاني اجهل طريقة التحميل لم الحقه بالموضوع.
(عذرا بحثت عن اسمك لم اجده )
مرورك اسعدني جداً وفعلا الفيديو روعة بس لاني اجهل طريقة التحميل لم الحقه بالموضوع.
__________________________________________________
نوران- عضو مشارك
-
الجنس :
تاريخ التسجيل : 22/01/2017
عدد المساهمات : 36
مكان الاقامة : مصر
رد: اقتباسات شعرية
ههههههههههههههههه
لا تستشعري أي حرج في لفظها ( مجنونة هانم )
وعلى كل أختك // منِّه ..
وعن تحميلها ما عليك سوى أن تجلبي الرابط من يوتيوب جوجل .. وتضغطي هنا على أيقونة اليوتيوب الموجودة بالاختيارات جانب الخط واللون والابتسامات وتضعي بها الرابط بيست ..
مرة أخرى ,, مرحبا بكِ
مجنونه هانم- كبار مشرفين
-
الجنس :
تاريخ التسجيل : 20/01/2017
عدد المساهمات : 241
مكان الاقامة : ツ
رد: اقتباسات شعرية
ههههههههه
بصراحة مقدرتش واضح انك رقيقة وجميلة.
مشكورة علي توضيح الرابط فعلا مفيد جدا والمنتدي مزود بامكانيات ممتازة.
تشرفت بيكي منة الجميلة.
بصراحة مقدرتش واضح انك رقيقة وجميلة.
مشكورة علي توضيح الرابط فعلا مفيد جدا والمنتدي مزود بامكانيات ممتازة.
تشرفت بيكي منة الجميلة.
__________________________________________________
نوران- عضو مشارك
-
الجنس :
تاريخ التسجيل : 22/01/2017
عدد المساهمات : 36
مكان الاقامة : مصر
صفحة 1 من اصل 3 • 1, 2, 3
صفحة 1 من اصل 3
صلاحيات هذا المنتدى:
لاتستطيع الرد على المواضيع في هذا المنتدى
اليوم في 8:17 am من طرف قلبي معك ~
» حالتك المزاجية !!!!
اليوم في 8:13 am من طرف قلبي معك ~
» تويتات على جدار حياتي
السبت 11 مايو 2024, 2:32 pm من طرف أيمن حسن
» فيما تفكر الان.
الأربعاء 08 مايو 2024, 12:24 pm من طرف قلبي معك ~
» أخبروني
الخميس 18 أبريل 2024, 8:13 pm من طرف قلبي معك ~
» ألتراس | Ultras
الأربعاء 10 أبريل 2024, 9:57 pm من طرف okA
» سجل حضورك بكلمة لحد ف بالك 2017
الأربعاء 10 أبريل 2024, 9:29 pm من طرف okA
» ملاعب - Stadiums
الإثنين 11 مارس 2024, 11:54 am من طرف okA
» عزفي علي آلة العود
الثلاثاء 05 مارس 2024, 7:32 pm من طرف Aseed