مما اعجبني

ابويا دخل عليا الاوضة بيقولي : الدنيا بتمطر

قولتله ماشي يا حاج..

لقيته بيفتح البلكونة وداخل ...

فقولت اجر شكله عشان يشتمني

قولتله ماأنت عارف ياحج انها بتمطر هو انت لازم تشوف المية بعينك وتحط ايدك تشوف المية ساقعة ولا سخنة قالي لا امك غسلة هدومك كلها ومش عاوز اقلقها من النوم وقولت ادخل اقولك لم هدومك لقيتك نايم ومتغطي قولت بدل مايدخل البلكونة وياخد برد .. اشيل الغسيل انا بصراحة اتكسفت وروحت قايم بايس دماغه وداخل البلكونة عشان اشيل الهدوم ملقتش حاجة منشورة !!! جاي اخرج لقيت الحاج قافل عليا البلكونة

ومن جوه بيقولي ها بقى قولي الماية ساقعة ولا سخنة يابن الكلب

واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
واحده عجوزه ماشيه في الشارع ...لقت مرايا على الارض ... اخدتها وبصت فيها.... فقالت: ليهم حق يرموها

واحد كسلان دخل للحلاق فقاله الحلاق شعر ولا دقن قاله شعر قاله ارفع راسك قاله خلاص خليها دقن

مدرس عربى دخل الفصل قال النهارده حصة املاء .... يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف ؟؟؟ الاستاذ قاله خلاص يا ابنى خليها الخميس