من اجلك

من طرف **3del** الجمعة 23 ديسمبر 2016, 5:35 pm

بين احلامي وامنياتي يكمن عشقك

ف أرسم أجمل حلم بين يديكِ

وأصنع زهراً رقيقاً جميلاً بين كفيكِ

فكنت أبحث عنك في كل مكان

لكي أنقش على قلبي درباً جديداً يمنحني صفو الحياة

اصدقائي الاعزاء

اسعد الله اوقاتكم

اقدم لكم قصتي

من اجلك

تابعونا

من طرف **3del** الجمعة 23 ديسمبر 2016, 5:53 pm

كنا ف اواخر شهر ديسمبر وبين المطر والبرد واستعداد الناس لراس السنة

كنت واحد من ضمن ملايين البشر عايش ومش عايش

ما البشر انواع واصناف ف منهم اللي مرتاح ومنهم اللي تعبان

ومنهم اللي مالوش وجود زي وحتي لو مات الدينا مش حتقف

ويمكن ميكونش لية جنازة ولا حتي كفن

مش حلوم القدر ولا الظروف ولا حقول كان ي مكان

حقول وهكذا الحياة

وف ليلة برد اوووي وكان فاضل علي نهاية السنة اسبوع

دورت علي مكان اتخبي فية من المطر والبرد

جيت جمب سيارة كبيرة

واتغطيت ببطانيتي القديمة وحضنت كيس قماش جواة كل ما املك

رغيف خبز وكام قطعة جبن وشوية صور وطلعت زجاجة خمرة منة

وشربت منها عشان محسيش بالبرد ولا الشارع ولا الحال

نسيت اقوالكم انا الشحات السكير

يتبع

من طرف **3del** الجمعة 23 ديسمبر 2016, 6:08 pm

زجاجة الخمر كانت مصدر الدف والسعادة لي

كنت معاها بسافر اجمل الاماكن واسكن ارقي البيوت

بس كانت بتخلص وتبدا رحلتي ف مد ايدي للناس

عشان اشتري الدف والسعادة من تاني

دة كان ملخص حياة السكير

بعد ما فقد كل حياتة واموالة واصبح طرديد مذموم من الجميع

بس الليلة برد اوووي وزجاجة الخمر مش باقي فيها كتير

بصيت حولي وقولت لازم ادور علي مكان اتخبي فية

انا بردان اوووي ي ربي اعمل اية

عل الشمال كان فية عمارة كبيرة من علوها معرفتش اجيب اخرها

قولت حيحصل اية لو طلعت فيها ووصلت للسطوح

ونمت فية لحد ما المطر يوقف

بس البواب ممكن يشوف شكلي يمسكني ولا حد من السكان يشوفني

طب حفضل اكلم نفسي كتير انا بردان اوووي

لازم اجمع شجاعتي وادخل العمارة

وفعلا قومت ومشيت ناحية العمارة ولحسن حظي الشارع فاضي

ومفيش حد ف مدخل العمارة اتشجعت اكتر

وحطيت رجلي علي اول سلمة وانا بقول لنفسي معقول

كل السلالم دي ومحدش حيشوفني

بس كنت كل ما اطلع درجة اقول لنفسي

الدف والامان يستاهل المجازفة

يتبع

من طرف **فهد الشاعر** السبت 24 ديسمبر 2016, 2:06 am

اخى الراقى الخلوق

وصديقى العزيز

عادل

اسعد الله جميع اوقاتك

ما اروعك قصة اكثر من رائعة

ومساحة جميلة جدا

واسلوب غير تقليدى

وفكرة جديدة

سلمت اناملك

وانا متابع معاك لان انت شوقتنى اعرف بقيت الاحداث

واعرف الشحات السكير هيفضل على السلم ولا هيكمل ؟

ولا فى احداث هتحصل معاه قبل ما يوصل للسطوح ؟

خمنت حاجات كتير

بس متشوق اعرف ايه اللى هيحصل

سأنتظرك

كن بخير دائما

من طرف **3del** السبت 24 ديسمبر 2016, 4:26 am

فهد الشاعر كتب:
اخى الراقى الخلوق
وصديقى العزيز
عادل
اسعد الله جميع اوقاتك
ما اروعك قصة اكثر من رائعة
ومساحة جميلة جدا
واسلوب غير تقليدى
وفكرة جديدة
سلمت اناملك
وانا متابع معاك لان انت شوقتنى اعرف بقيت الاحداث
واعرف الشحات السكير هيفضل على السلم ولا هيكمل ؟
ولا فى احداث هتحصل معاه قبل ما يوصل للسطوح ؟
خمنت حاجات كتير
بس متشوق اعرف ايه اللى هيحصل
سأنتظرك
كن بخير دائما

حبيبي فهد

صباحوا ورد عل فل وياسمين

يسعدني متابعتك

كل الخير من اجلك صديقي

يومك بيضحك

من طرف **3del** السبت 24 ديسمبر 2016, 4:41 am

ومن اجل السعي وراء الدف والاختباء من المطر

صممت اكمل درجات السلالم بدون خوف

وكان شريط حياتي بيطلع معايا ف كل درجة

وحسيت ان رجلي تقلت من الحزن

ونقمت علي حالي حتي الامان بنسرقة سرقة والسعادة بنسرقها وحسيت

بدموعي ولاول مرة احسها بتحرق وجهي البارد

وبتمزق جسمي وبتخترق معطفي المتهالك

معرفش كام دور طلعت ولا عدد السلالم

وكأن الله الهمني الحزن والبكاء لاكمل طريقي

واخيرا وصلت لاخر دور بس للاسف لمحت بعيني باب مقفول

كان بيني وبينة حوالي عشر درجات شعرت بخيبة امل

قولت لية الفرحة ناقصة والامان بيروح ف لحظة

حسيت ان حتي اني انام ع السطوح مش من حقي قعدت ع الارض

وفضلت ابص لباب السطوح والدموع وخيبة الامل تملا قلبي

يتبع

من طرف **3del** السبت 24 ديسمبر 2016, 4:54 am

كان صوت الرعد والبرق عالي اووي

وزي ما يكون الكون اصبح خالي من كل اصوات البشر

واختصرت الحياة الاصوات ف رعد وبرق

فتحت الكيس وطلعت زجاجة الخمرة

وشربت بوق وانا متوقع ف اي وقت

حد من السكان يشوفني ويمسكني وتنتهي حياتي بالزج بي ف السجن

وكأن القدر ابتسم للحظات وحدث شيء غريب

اتحرك باب السطوح وكأنة يقول لي

اكمل مشوراك فالامان والدفء ف انتظارك

بسرعة رفعت كيسي وكملت باقي درجات السلم وفعلا وصلت للباب

كنت خايف ادفعة اكون بهلوس وهو مقفول وقفت امامة للحظات

خايف من التجربة واستجمعت كل شجاعتي ودفعت الباب

ي الهي الباب اتفتح

وبالرغم من اندفاع الهواء البارد بوجهي وعتمة المكان

الا انني شعرت بالانصاف

وان الله مازال يقف بجانبي وانا السكير

دخلت للسطح اتفقدة وانا احتضن كيسي واغراضي

لاحتمي من ضربات الهواء المتلاحقة

يتبع

من اجلك

من اجلك

رد: من اجلك

رد: من اجلك

رد: من اجلك

رد: من اجلك

رد: من اجلك

رد: من اجلك