فيها حاجة حلوة..

الأخوة الكرام ..

السلام عليكم ورحمة الله وبركاته

إن شالله بخيــر تكونوا بخير وبصحة وعافيـة يا رب..

أغلب المصريين زعلانين من خسارة امبارح ...

لكــن أنا على عكسهـم .. فرحانه .. وفرحانه جدا .. مش فرحانه بالنتيجة .. لا .. فرحانه بشعور الناس..

لا يخفى عليكم إننا بمرحلة حرجة جدا في مصر .. وضغوط من كل النواحـي .. الاقتصادية .. والسياسية .. والدينية ..

الناس دخلت في مرحلة اللاوعي واللاشعور.. وسلموا للأمر الواقع .. حاجة تغلى حاجة تشح . مبقتش تفرق.. عيشة وخلاص..

لكـن الـ شفته في الشوارع المصرية امبارح وخصوصا بشبـرا الـ انا ساكنه فـيـها ..

يبينلـي " بغض النظر عن النتيجة "

أن أهل مصر لسه طيبيين .. وحابين يفرحوا .. ويتجمعوا .. بيدوروا على سبب يجمعهم ويفرحهم..

كان في تجمعات امبارح مش قادرة أوصفها ليكوا ..

المتابع للكورة والـ مش متابـع .. نزل يتفرج على الماتش .. كبير وصغيــر .. وجهزوا الأعلام والزمامير .. ورسموا على وشوشهم

والشوارع كلها بقت >>>>> تيــت تريتت تيــــــــــ .. مصـــــــــــــــر ♥ ♥

وأنا في طريقي للبيت وأثناء المباراة .. واتصل بوالدتي أنتِ فين يا أمي

- أنا عند جدو قاعدة معاهم بتفرج ع الماتش..

الناس امبارح في المقاهي كانوا مصتفين في الشارع .. والناس المتبرعة أنها تطلع تلفزيونها بره بيتها .. علشان الناس تقعد معاهم يتفرجوا على الماتش .. حتى المارين في الشارع سواء رجال أو نساء أو أطفال صغيرين .. ههههه بين لحظة والتانية الناس بتقف تتفرج وتشوف الماتش ماشي ازاي وتشجع وتدعي..

سواء كانت النتيجة إيجابيه أو سلبية .. المهم ان الناس اتجمعوا علشان اسم مصر .. علشان يشاركوا بعض لو كان ربنا قدر لنا نصر..

زي مال شفت ردة فعل الجون الأول على بعض المقاهي..

وعلشان كمان يتناقشوا ويتكلموا زي ما حصل امبارح بعد المباراة

- والله هم تعبوا برضو .. ولعبوا قد ما قدروا ..

- يا جدع هي الحياة مكسب بس؟ .. من ده على ده .. كتر خيرهم ..

دي كانت بعض الردود المتدوالة بين الناس امبارح .. قولولي أنتوا .. بتدل على إيه؟!!

والله احنا طيبيين أوي وشاربين الجدعنة ..

سيبك من أي حاجة بتحصل دلوقتي من جرايم او تدني في أي حاجة الناس كلها .. كلها غصب عنها ..

وعندي أمل في يوم تبقى غيــر إن شاء الله ^^ ♥

الحمد لله إني اتولدت في البلد دي ..

مصورة الصور دي من بعيد بس عاملالها زووم وكت..

من طرف **!هادية!** الإثنين 06 فبراير 2017, 10:40 pm

بحبك يا مصر

وبعشق ترابك

والف الميادين

وارجع لبابك

واحس بكياني

وكرامتي في رحابك

يقولوا فقيره

يقولوا اسيره بشوفك اميرة

واحبك يا مصر.. بحبك

حبيبة قلبي منة ..

مساء الورد

كل الشكر علي الموضوع .. في كثير من الاحيان نحتاج ان نذكر انفسنا بالانتماء والوطنية ..

وفعلا مصر جميلة .. بناسها ونيلها ونخيلها ... وترابها ..

اعجبتني الصور حبيبتي .. واعجبني اكثر انني شعرت بك تتكتبي بحماس ومحبة ..

افتخر كل الفخر بانني من اهل هذا البلد الطيب

محبتي واكثر ..

الحمدلله

كله خير

يمكن خسارة صغيرة بس ربنا بيعوضنا بمكسب اكبر

وهو حبنا وتمسكنا ببعض وحرصنا علي اللمة حتي واحنا في اصعب الظروف

الحمدلله اننا مصرين

لو لم اكن مصريا لووددت ان اكون اسرائليا

مصرية طبعا وافتخر

السلام عليكم ورحمه الله

مساء طيب اتمني تكوني سعيدة

احس ان الناس كانت مفتقده الدفئ والامان والفرح

انا من الصعيد وبلدي ملتهبه جدا مركز البدارى

محافظة اسيوط ومن زمن التار قطع اوصال كثيره

وخاصة بعد الثورة اقدر اقول ان مش في عائلة

واحده مش عاملة مشكله الا من رحم ربي

وهنا بنتجمع في العمل وفي المواجب

جنازه فرح والامر محدود

مركز الشباب فتحت وقت المباريات

وانت تحجز كرسي ومش عارف مين الي جنبك

من اى عائلة انت وحظك واى ان كان هتشجعوا

مع بعض وتحللوا وممكن تهتفوا

والناس في البيوت تسمع اصوات عالية

مختلفه تطلعها من عتمة السياسة والحديث

عن الغلاء وقيادة السيسي واحمد موسي

بس بصراحه احمد موسي مسبناش في حالنا

بعد ما رجع علق علي المبارات بطريقه

شكرا منه خلتينا نحكي ههههههههههههههههه

ووجهك خير علي مصر

من طرف **نوران** الثلاثاء 07 فبراير 2017, 5:37 pm

منة

موضوع جميل.

شكرا لك وبالتوفيق دائما.

من طرف **3del** الجمعة 10 فبراير 2017, 11:45 pm

المدير الفني لمنتخب مصر ملقب ف كل اوروبا بالمنحوس

خسر كل النهائيات اللي وصل ليها

ف اتلم المنحوس علي خايب الرجا

زمان كانت مصر فيها حاجة حلوة

ايام ما كان ف اخلاق وطيبة ونخوة واصل وشهامة

ايام ما كان الجار يخاف علي جيرانة

ويحترم حرمة بيت غيرة

ايام ما كان وكان

والان الا من رحم ربي

بس بكل الاحوال لاعيبة المنتخب عملوا اللي عليهم

ووصلوا بجدراة للنهائي

وبالاخير خسرنا ضرب ع القفا وزي ما قالت ذكري

يوم ليك ويوم عليك

المنتخب قادم مع صلاح والنني وفتحي وطارق والبقية

نايس موضوع منة

فيها حاجة حلوة..

فيها حاجة حلوة..

رد: فيها حاجة حلوة..

رد: فيها حاجة حلوة..

رد: فيها حاجة حلوة..

رد: فيها حاجة حلوة..

رد: فيها حاجة حلوة..