انسان غريب

من طرف **الغافقى** الأربعاء 15 يونيو 2016, 2:45 pm

بتكلم عن نفسى

من شويه لسه راجع من الشغل

ودخلت كل همى على زجاجات الميه الفارغه أملأها واضعها فى الثلاجه

وكمان مكعبات الثلج واناء اخر فى الفريزر بيكون فى الكولمان يحفظ الميه بارده

وشويه فاكهه فى الثلاجه

حريص جدا على الصيام لا كلمه خارجه ولا نظره خلسه ولا اغنيه من اللى كنت بحب اسمعها

كل ده حفاظا على صيامى صحيح

كل ده بجهز علشان بعد المغرب تكون كل حاجه جاهزه

مياه بارده وفاكهه ساقعه وحفظ لسان ونظر واذن

ايه بقى كل ده علشان رمضان موافق وكمان نفسيتى مرتاحه ان بعد طول اليوم عناء وعطش وجوع هرتاح المغرب

امال بقى انا مابعمل للأخره كده ليه

هى الجنه مش حقيقه ولا انا مش مؤمن بيها ولا الوضع ايه بالظبط

ماهو الدنيا عامله زى نهار رمضان عند المؤمن

حبس عن المتع الحرام والغرائز والنظرات والسيئات صيام بمعنى اصح عن المحرمات

واذان المغرب يوم القيامه فإذا الجنه بكل مافيها مما لم نسمع به ولم نرى ولم يخطر ببال احدنا

نحن نتدرب كل عام على الصوم وكأنه يقول لنا

انظر لفرحتك وشوقكك لسماع آذان المغرب ...يجب أن يكون شوقك وعملك ليوم القيامه وللجنه مثل هذا أو أشد

نحن نتخذ دائما رمضان وكأنه غايه وإنما هو وسيله

إن الله عزوجل يجازينا على الصوم بنفسه (كل عمل بن ادم له الا الصوم فإنه لى وأنا أجزى به )

ولو نظرنا لوجدنا ان للصوم أصلا غرض وهو التقوى

لعلكم تتقون

فالصوم وسيله توصلنا للتقوى وتدربنا عليها

وما التقوى غير الا يكون عليك رقيب إلا نفسك

نحن نتحرج من إتيان المعاصى أمام بعضنا البعض ونحاول أن نجمل فى صورنا أمام بعضنا البعض

ولكن الصوم

إنه سر بينك وبين ربك فلو أفطرت ولم يدر أحد فصورتك كما هى صائم

ولكنك تحفظ صيامك وتحرص عليه على أكمل وجه وليس عليك رقيب إلا ربك

فلو إستثمرنا تلك النقطه وأخذنا غايه الصوم وهى التقوى ....فسيشاهد الجميع مسلمون من الرعيل الأول

ولكن هيهات فنحن جعلنا رمضان مجرد محطه ننزل فيها سيئات العام المنصرم ونجحمل رصيد حسنات

فيبدأ 1 شوال ونبدأ من جديد فى تحميل الذنوب والسيئات فوق أكتافنا ...منتظرين ومتشوقين لرمضان القادم للتوبه والمغفره

الصوم وسيله وليس غايه فى حد ذاته

من طرف **مناي الجنة** الأربعاء 15 يونيو 2016, 9:19 pm

السلام عليكم ورحمة الله ويركاته

الجميل في موضوعاتك انها سلسة وبداخل كل واحد منا لكن قد يكون ناسيها او متناسيها

فعلا صدقت

الدنيا كنهار رمضان ~

ليه بما اننا قادرين شهر بحاله نحفظ جوارحنا من الذنوب

مش قادرين نحفظها طول العام

زي اللي بيشرب سيجاره

يقعد 16 ساعه ولا حاسس انها فارقه معاه في الصيام

اول ما يفطر جسمه وجواه يبقى ملهوووف عليها .. طيب مهو انت كنت ساكت ومش حاسس بحاجه

ما تستغل ده وتقلع عنها

والله ربنا يكرمك غافقي ع التذكرة جزاكم الله خيرا

اعاننا الله واياكم على طاعته .. وبلغنا الجنة ~ آمين