كمباوندي

من طرف **ahmed 22** الأحد 21 أبريل 2019, 12:35 am

مساء الخير جميعا

واحلي تحية لاصحاب الكهوف اللي هناك

منور يا مستر وليد

كنت عاوز اخدلي كهف جمبك

بس انا اقل من كمباوند مش ينفع

البريستيج بتاعي هيضيع ..

اذ فجأة بعد نسيان طويل لقتني فجأة دخلت هنا وقلت والله لأنا داخل اكتب في اي كلام ..

وعشان غالبا ماحدش هيقراه فأنا نفسيتي مرتاحة للهبد اللي هكتبه ده

لأنه مالوش عازة عامة سوي انه شوية فراغ بفضيهم ..

المهم زمان كنا بنكتب عشان كنا عاوزين اللي يشاركنا افكارنا والكلام الكبير ده بتاع الشغف وأنك تفعل ما تحب و بتاع ..

وكنا بقا كتير وبنكتب وكدا ومن ثم اخذتنا الحياة فالتلاهي

فالتباهي اه والله ..

ثم وجدنا جميعا في لحظات مختلفة ان الحل الانسب

ان نفارق جميعا المكان الذي كنا نتشاركه

لماذا ؟

لأننا كبرنا واصبح لدينا ما يشغلنا واصبحنا مهمين في عالم

المبنجين واصبح من المهين ان نكون في هذا المنتدي اللعين ..

ثم يطرق ابوابنا الحنين .. فيأتي احدهم من بعيد ليقول

و زمنااااه .. ويراه الأخرون من بعيد

ويقولون عبيط ده ولا ايه ..

ال يعني ماعرفتكش انا كدا

المهم

حاليا الواحد بيستشعر انه محتاج يكتب للفراغ او للعدم كدا

مش عشان الدنيا ومللها وبتاعها ما أنا لازم اكون كرياتيف

واقول كلام غير اصحاب الكهف اللي جمبي ..

بس غالبا عشان ما بقتش حابب الناس تكتب

ولا حابب اسمع .. ولا محتاج اعرف افكار حد ..

غالبا انا دماغي اتشبعت من النفاق او الشعوذة الكلامية اللي بشوفها كل يوم

فيها تخمة من الهبل ..

بس انا مش زعلان من الحاجات دي بنفسها

انا زعلان انها بتتعمل بشكل يميل للهواية اكتر منه للاحتراف

يعني تحس انه واضح بغباء ... يا جدع مافيش الغاز تتحل والله

تحس ان الغباء مستفحل في العيون كدا

مش عارف ليه مادخلوش نظام الاحتراف في الفكر النفاقي وكدا

علي الاقل كنا استمتعنا ..

لا والألعن بقا

ان غالبا عشان الحوار بيتم ارساله بشكل يميل للهواية اكتر

فالناس اللي بتستقبل الكلام ال ايه بقا شغلت دماغها بميكانيزم حراري متهتل

عشان تبقي اوفر دوز فقام استقبلت الكلام باحترافية تامة

علي طريقة المبنجون في الارض

والراقصون فوق سحاب ابليس

شغل عالي .. وصنف فاخر

الخلاصة في الاخر

ان الناس لازم ترجع تشرب اللبن تاني قبل ما تنام

لأنه فعلا وحقيقي

البلد دي ناقصها

كالسيوم ..

ودي نصيحة اخوية والله ...

هههههههه
مفاجأة غير متوقعة ، لكن فيها نبض
حتى أنت يا أحمد شدك الاحباط والتأفف ل هنا

ان شاء الله أمورك تمام

هي شكلها حالة عامة ولا ايه

لخبطتني مرة أقول عم يتمسخر علي ويلمز ويلكز

ومرة أقول نفس الشعور بالعبث

بطل فيه طعم او ريحة للحياة مثل التي كانت

تم الإرسال من خلال التطبيق Topic'it

من طرف **ahmed 22** الثلاثاء 23 أبريل 2019, 11:47 pm

از يو كان سي يا وليد اننا متفقين

انه غالبا هو نفس شعور بالعبث

مش عارف بس غالبا كل الامور بتتشابه في النهاية

احيانا بتزعل لما تحس انك عايش بأفكارك في الوهم

وناسي ان افكار غيرك وبنقص حاجاتهم بأغلبيتهم هما اللي بيشكلوا الواقع

والمنافقين بيحموا الواقع ده ....

فطبيعي لازم اسخر بس مش لأني محبط

بس لأني بقيت حاسس الغباء في كل شئ

لأن الحياة بقت عبارة عن لغز غبي

حلوله غبية ..

والوضوح في الغباء ده عاملي ازمة الصراحة ههههههه

وعلي يدك كان اخر غباء نتايجه النهاردة

هههههههه
تصدق لما طلعوا بفيلم الدستور تذكرتك
لأنه زمان يمكن بال 2014 ( فيما معناه )لما بدأ القائد الزعيم قلتلك انتظر 40 سنة من الحكم الرشيد
وقتها انت قلت مش هيقدر والناس مش هتسمح لانها مش زي الاول
بس انا انصدمت من السهولة والسيطرة الغريبة وانه للدرجة معقول التمثيل والنفاق والاستحمار

من طرف **شاهستا** الأربعاء 24 أبريل 2019, 12:30 pm

هو الظاهر اننا فعلا كبرنا ... Sad

ازيك يااحمد يارب تكون بخير ... فرحت بوجودك

من طرف **ahmed 22** الجمعة 17 مايو 2019, 10:20 pm

فتى المهام الخفية كتب:هههههههه
تصدق لما طلعوا بفيلم الدستور تذكرتك
لأنه زمان يمكن بال 2014 ( فيما معناه )لما بدأ القائد الزعيم قلتلك انتظر 40 سنة من الحكم الرشيد
وقتها انت قلت مش هيقدر والناس مش هتسمح لانها مش زي الاول
بس انا انصدمت من السهولة والسيطرة الغريبة وانه للدرجة معقول التمثيل والنفاق والاستحمار

رمضان كريم عليك يا وليد

عارف لو الزعيم القائد شاف تعليقك ده

هينفخك هههههههههه

من طرف **ahmed 22** الجمعة 17 مايو 2019, 10:22 pm

شاهستا كتب:هو الظاهر اننا فعلا كبرنا ...
ازيك يااحمد يارب تكون بخير ... فرحت بوجودك

الله يسلمك يا شاهيستا .. وانا اسعد والله

ويا رب تكوني بخير وسلامة

ورمضان كريم عليكي

كمباوندي

كمباوندي

رد: كمباوندي

رد: كمباوندي

رد: كمباوندي

رد: كمباوندي

رد: كمباوندي

رد: كمباوندي