منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
منتديات 12 شات
أهلا ومرحبا بكم في منتداكم منتدي شات 12 .. نتمنى لكم طيب التواجد
المواضيع الأخيرة
» اربح من خرائط جوجل
s.o.s Icon_minitime1السبت 17 أبريل 2021, 8:05 pm من طرف Anis 20

» قائمة افضل قوالب بلوجر مدفوعة
s.o.s Icon_minitime1الجمعة 16 أبريل 2021, 4:33 pm من طرف Anis 20

» افضل قوالب مجانية على الاطلاق
s.o.s Icon_minitime1الخميس 15 أبريل 2021, 3:30 pm من طرف Anis 20

» اربح من تويتر
s.o.s Icon_minitime1الخميس 15 أبريل 2021, 2:00 am من طرف Anis 20

» سجل حضورك بكلمة لحد ف بالك 2017
s.o.s Icon_minitime1الأربعاء 14 أبريل 2021, 3:49 pm من طرف okA

» افضل موقع لربح من الانترنت
s.o.s Icon_minitime1الثلاثاء 13 أبريل 2021, 11:16 pm من طرف Anis 20

» ســجـــل حــضــورك ادامــ الــمــرايــــة ًًًًً
s.o.s Icon_minitime1الأحد 28 مارس 2021, 5:09 pm من طرف 3del

» نُونْ
s.o.s Icon_minitime1الخميس 25 مارس 2021, 2:58 pm من طرف habiba maged

» أمل بعد الألم
s.o.s Icon_minitime1الإثنين 22 مارس 2021, 5:10 pm من طرف ♔ ركــــــان ♔

انت الزائر رقم ..

Website counter

s.o.s

استعرض الموضوع السابق استعرض الموضوع التالي اذهب الى الأسفل

s.o.s Empty s.o.s

مُساهمة من طرف ahmed 22 الأربعاء 19 يونيو 2019, 10:35 pm

السلام عليكم 


والله ادراج رابط اليوتيوب بقا سهل عن زمان


المهم 
الرجل ده اسمه dimash 
من الناس القليلين اللي بحب اسمعهم من سنة واكتر
ان لم يكن الأفضل في العالم .. بيختار اغاني اصلية او كلاسيك ليها معاني جميلة او عميقة ايا كان  
وبيغنيها بأسلوبه هو وبشكل مذهل يعني .. منها الروسية والفرنسية والصينينة 
لغات كتيرة ..

يمكن فهمت ان المتعة مش في أنك بتسمع بس .. الفكرة أنك تستكشف معني اللي بيتقال والترجمة
وتشوف هل هو مجرد كلام فارغ .. ولا لاء ..
و في اغنية تانية مثلا احيانا أنك تعرف السبب اللي اتعملت بسببه الأغنية نفسه 
ده بيديك بيعطيك انطباع مختلف عن الروح والشكل اللي بيتقال بيه الكلام لأنك بتسمع عن علم مش جهل ولو حتي بالصيني ..
زي اغنية تانية اسمها autumn strong الصراحة بالصيني بس حلوة وموسيقتها جميلة 


طبعا انا مش عامل الدخلة دي عشان واحد يقول 
ده عامل فيها روش وعاوز يعرفنا انه بيسمع اغاني 
والتاني الداعية اللي هيدخل يقولي حرام 
عارف انا الدماغ دي  ..

ال يعني حد بيدخل المنتدي  lol!
بس لازم اعمل شو كدا 
واوجه لهذا الشخص اللي مش موجود في الوجود رسالة برضه

لا يا خفيف الحوار مش كدا 
انا مش جايبلك رقاصة هنا  Suspect


المهم  


يمكن دي افضلهم اللي انا جايب رابطها اسمها  .. 
sos 

save our souls 

طبعا الدخلة بتاع الاغنية تجيب اكتئاب عاطول 

بيقولك
لماذا اعيش لماذا اموت
لماذا اصرخ لماذا ابكي 
هنا استغاثة لرجل في محنة 

وقالبها اردغانة الرجل ولا ام كلثوم في الاطلال 
مع ان مش فاكر كانت بتقول ايه 
بس القافية حكمت 

اللي عاوز يكمل الترجمة بتاع الاغنية بقا يروح لجوجل يستشكف

هكلم جد بقا  ..

اللي فهمته او اوحته ليا الاغنية من افكار 
ان الانسان فينا بيستغيث لروحه 
لما يلاقي نفسه كل ما يحاول يحررها ويحرر أفكاره
فيه شئ بيجذبه للاسفل بيخلي حياته مجرد لغبطة كبيرة 

  تناقضات افكاره
بتمنع رغباته الحقيقية للتغيير

تناقضاته هي اللي بتخليه سئ الحظ حتي لما تكون الفرص متاحة 
بمعني ان الحظ طريق واضح مش سلك شائك ..

بس هو دايما بيستغيث انه مايكونش زي الألة
ويخرج من شبح ان حياته بقت مبرمجة علي انه ياكل ويشتغل وينام  

احلامه بتتبعث ليه من عالم تاني
بس رجليه متشعلقة في الهواء ...

الله علي متشعلقة دي
سو كيوت 

الفكرة اللي طلعت بيها ان كل تناقض بيعيشه العقل
هو خطوة للخلف .. 
بيمنع دماغك انها تفكر بشكل حر 

بس ايه اللي بيخلق التناقض 
ده اللي كنت بفكر فيه ... 
هل معني أنك تكون انسان غير متناقض 
انك تتبع مبدأ واحد بدون مرونة أنك ممكن تكتشف انك في يوم غلط 
ولا التناقض سببه ضعف لجزء من الشخضية 
ولا التناقض سببه أنك انسان منافق بكل بساطة 
وبرضه سألت نفسي
هو ليه معني ان يظهر ليك ان في تناقض في اراء شخص معناه انه بدون مبدأ 
ما هو ممكن يكون في حالة تنقية لنفسه من ماضيه من غير ما يستشعر ا ..
اصل مش كل انسان فينا وراه باسم يوسف يطلع اخطائه يعني علي التليفزيون ما بين الحاضر والماضي  ...

طبعا الكلام ده بستثني منه الاعلام العربي بتاعنا 
دول عالم التناقض بتاعهم وظيفة اصلا .. 

احيانا بحس انه عشان تنجح في زماننا لازم الواحد فينيا يتبع أفكار بحلوها ومرها بدون حيادية 
ويؤمن بيها للأخر ولو حتي هيلاقي نفور من بعض الناس
بس ده هيمكنه أنه ينجح وهيلاقي دعم أكبر من من البعض الأخر ولو حتي علي حساب الحق 
وانه هيتسيط علي حساب جهل البعض ..

بس اكتشفته برضه ان الجهل مطلق في مجتمع غير مطلق  
المجتمع اللي بتتحدد أفكاره من انطباعات مش حقائق 
من اتجاهات وانتماءات مش صح وغلط  

يمكن الواحد في صراع بين انه يكون حيادي في افكاره في زمن الحق اختلط بالباطل فيه
وبين أنه عشان ينجح لازم يتخطي الحد الفاصل للحياد ده ويهزم جزء من افكاره
وينصر البعض الأخر عليها ...
اصعب شئ في الحياة أنك تكون في منطقة رمادي وتصر علي الوجود فيها ..

الانسان احيانا بيبقي فيه حد فاصل بين نجاحه اللي هيوصل بارائه لناس كتير بس هيخسر اكتر 
وبين حياده اللي هيخليه يمكن في منطقة خاصة بيه لوحده بس هيظهر بدون مبدأ
في وقت الناس كلها الزمن الحالي بيحكم عليها ان احتياجها و كل همها انها تعرف اتجاهات بعض بدون بحث وغموض
عاوزاك انسان بنسخة فيلم عربي قديم نهايته معروفة ..
مش انه يتشرح ليهم ازاي ان افكاره اكبر من فيلم واصغر من ان البعض يتهمها بشكوكه  ...

مش عارف كلامي هيتفهم ولا ايه من اللي هيقراه ..
بس عامة مافيش وجه ايجابي كامل ولا وجه سلبي دائم في الحياة في كل اسلوب بتختار تعيش بيه طريقك 
او توجه لأفكارك ..
بس فيه حق واحد وفيه صح واحد ودول اصعب حاجات تدور عليها لما تكون المسافة بعيدة عنهم ..
ahmed 22
ahmed 22
عضو مشارك
عضو مشارك

s.o.s 2py5pv10
تاريخ التسجيل : 22/01/2017
عدد المساهمات : 108
مكان الاقامة : بيتنا

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى
Google