مجرد حلم

قصة دموع تبتسم
الكاتبة روان

الجزء الرابع والجزء الخامس

من بعد موت محمد تغيرت حياتنا كتير وبابا كان يزعل علينا انو كيف كنا وكيف صرنا
ف قرر انو نروح سيران نحنا وستي

مرام. بابا ليش مابنخبر بيت عمي وبروحو معنا بتسلا انا والبنات

ابو عصام. اي ليش لا خبروهن

وبالفعل خبرنا بيت عمي وافقو نروح كلنا سوا بلشنا نجهز للسيران
كنت بتمنى لو انو ابراهيم يروح معنا
وقلت ل ايات بنت عمي هاد الشي
قالتلي احكي معو وخبريه خليه يجيب اهله ويلحقنا عأساس صدفة

وبالفعل اتصلت ببيت عمتي وكان حظي حلو ردي عليي هوا

مرام. كيفك ابراهيم
ابراهيم. الحمدلله انتي كيفك
مرام. مشتاقتلك كتير
ابراهيم. وانا كمان

مرام. بدي قلك شي اليوم بعد الظهر طالعين سيران نحنا وبيت عمي وستي كمان
شو رأيك تلحقونا انت واهلك

ابراهيم. لا غير مرة
مرام. لك ليش والله بننبسط والجو كتير حلو
ابراهيم. خلص حبيبتي مرة تانية

مرام. الله يخليك هالمرة مشاني انا مشتاقتلك كتير وهيك بنظل طول الوقت مع بعض

ابراهيم. طيب ماشي

خبرتو لأبراهيم ع المكان الي رايحين عليه وقلتلو انو مايقول لحدا اني انا الي خبرتو

بعد الظهر كنا جاهزين وطلعنا بالسيارات كنت كتير مبسوطة اني رح شوف ابراهيم

وصلنا وبعد ساعة ابراهيم لحقنا

ابراهيم. السلام عليكم
الكل. وعليكم السلام شو هالصدفة هي

ام محمد. هي انتو هون لكن رايحين بدون ماتخبرونا

ابو عصام. لو بنعرف انكم بتروحو كنا خبرناكم

ام محمد. انا والله ماكان بدي بس ابراهيم الي اقترح الفكرة والبنات فرحن كتير قلت بنغير جو

ابو عصام. اي خير ماعملتو

بعد مرور ساعة من الوقت

ابو عصام. شباب وبنات قومو روحو تمشو ليش قاعدين معنا نحنا الختايرة

الكل. هههههههه

طلعنا كلنا شباب وبنات نتمشى
كان بنفسي قرب من ابراهيم وامسك ايدو وامشي انا وياه قدام كل الناس

كنت اتطلع بأبراهيم وهوا يتطلع فيني بس كان حزين كتير ومو متل العادة بيضحك وبيمزح
حتى حكي ماحكا

بعد ربع ساعة ايات ونور حاولو يخلولنا فرصة نبقى انا وابراهيم لوحدنا وبالفعل صار هيك

مرام. شبك مانك ع بعضك
ابراهيم. ليش شبني
مرام. انا الي عم بسألك
ابراهيم. لا ولشي عادي

مشينا مع بعض ونحنا ساكتين

مرام. ابراهيم عنجد شبك مانك طبيعي
ابراهيم. والله مافي شي
مرام. لا في شي وانت ماعم تحكي شو قصتك

ابراهيم. مرام عم قلك مافي شي خلص اسكتي
مرام. ماشي

تركتو يمشي لوحدو ورجعت لعند اهلي حاول يوقفني ماقبلت لانو عنجد زعجني
وانا متأكدة انو مخبي عني شي ماهاد ابراهيم الي بعرفو

ظليت طول اليوم مزعوجة كتير ليش هيك صار كان المفروض يكون يوم حلو كتير
ليش ابراهيم حكا معي هيك
وليش متغير علي ماعم بفهم معقول لأني خليتو يجي وهوا ماكان بدو

بالليل بس رجعنا ع البيت صرت فكر فيه
حتى ماحاول يحكي معي قبل مانرجع
صرت ابكي ومالقيت جواب لسؤالي

صار موعد سحب ابراهيم ع العسكرية انا ماكنت بعرف وكان يمشي بالأوراق بدون مايخبرني مشان ما ازعل

طلعت سهرت مع اهلي وكانو اخوتي عم يحكو

عصام. اي مبارح كان يمشي بالأوراق مشان يروح ع الجيش لانو كان مأجل وهلأ قرب سحبه

ام عصام. ماحكو هاد الشي قدامنا
عصام. وانا ماكان بدو يخبرني لو مافتحنا الموضوع بالصدفة

مرام. مين الي بدو يروح ع الجيش عن مين بتحكو
ام عصام. ابراهيم ابن عمتك

مرام. شو ابراهيم

كانت صدمة كبيرة بالنسبة الي ماكنت متوقعة انو لهاد السبب ابراهيم كان زعلان اليوم

دخلت ع غرفتي وصرت ابكي وابكي كان بدي شوفو وضمو وقلو يسامحني لأني ماقدرت ظروفو
مستحيل اقدر اتحمل اني اخسرو متل ما خسرت اخي
اختنقت كتير مجرد تخيلت فكرة انو يروح عالعسكرية

مرام. ياربي بدي احكي معو بس كيف مابعرف

ظليت طول الليل ابكي وماحسيت الا تاني يوم ع صوت امي عم تصحيني مشان نفطر

طلعت من غرفتي لقيت امي مجهزة الفطور رحت غسلت وطلعت ع الصالة لقيت ابراهيم بوجهي
كان عم يستنا عصام لان بدو يطلع هوا وياه

ام عصام. يلا يا مرام لأيمتا بدنا نستناكي
مرام. انا مابدي افطر
ام عصام. صرلنا ساعة نستناكي وبالأخر تقولي مابدك يلا تعي خلصيني

مرام. مابدي انا طالعة ع الجنينة

تركتهم وطلعت

ام عصام. شو قصتها مافي بالعادة ماتفطر معنا

رحت قعدت ع كرسي بالجنينة وحطيت ايديي ع خدي وانا مخنوقة كتير

اجا ابراهيم لعندي وقعد ع كرسي جنبي وظل ساكت شوي

ابراهيم. بعرف انك زعلانة لاني عصبت عليكي وهاد حقك بس

مرام. بس شو
ابراهيم. كنت مزعوج من شغلة ومابعرف ليش هيك صار
عنجد سامحيني والله ماقصدي زعلك
انتي بتعرفي غلاتك بقلبي

مرام. شو الشغلة الي كانت زاعجتك
ابراهيم. مامهم خلص انسي
بوعدك مابقى زعلك

مرام. بس انت زعلتني وخلص
ابراهيم. عم قلك والله مو بقصدي
مرام. انا ماقصدي نهار السيران

ابراهيم. بس انا مازعلتك الا بهاليوم
مرام. زعلتني لأنك ماخبرتني انك رح تروح عالعسكرية وخبيت عليي
والله العظيم مبارح مانمت الليل وانا ابكي وخايفة اخسرك

ابراهيم. مين الي خبرك
مرام. سمعت اهلي وهني يحكو

ابراهيم. انا ماكان بدي ياكي تعرفي الا قبل ماروح بيوم لأن بعرف انك رح تزعلي

دمعو عيوني وصرت ابكي

ابراهيم. اذا بتحبيني مابتنزلي دمعة من عيونك انتي بتعرفي غلاتك عندي ودموعك غالين علي

مرام. كيف مابدك ياني ابكي وانت رح تروح وتتركني
انت متخيل شو يعني عيش بدونك لك انا اذا بمر يوم ومابشوفك مابحسب هاليوم من عمري ابراهيم انت عمري وكل حياتي انا مافيني عيش من دونك

ابراهيم. مفكرة الموضوع سهل علي بس شو اعمل ماطالع بأيدي شي

مرام. لاتروح الله يخليك
ابراهيم. مافيني ماروح مرام انا مارح حب غيرك بس انتي بكرا بتنسيني وبتتزوجي

مرام. لا تكمل والله والله ويلي خلق السما ورفع الارض مارح حب غيرك وماحدا بياخد مكانك بقلبي

ابراهيم. طيب بتوعديني رح تستنيني لخلص
مرام. مستنيتك العمر كلو
ابراهيم. طمنتيني هيك بروح وانا متأكد انك مارح تكوني لغيري

مرام. انا الك وبس
ابراهيم. بحبك كتير
مرام. وانا بحبك .. ايمتا موعد روحتك

ابراهيم. اقل من اسبوع
مرام. شووو
ابراهيم. اي للأسف
مرام. بس ماكنت متوقعة هيك بهالسرعة

رجعت ابكي كنت متوقعة انو شهر ع الاقل بس ما بهالسرعة

ابراهيم. حبيبتي الله يخليكي لا تبكي قدامي
صحيح رح روح بس رح اجي كل شهرين اجازة ورح احكي معك كل مايصيرلي فرصة

مرام. والله رح اشتقلك كتير هيك عودتني عليك وبدك تروح

ابراهيم. ياقلبي ان شاء الله هالسنتين بيمرقو ومابنحس عليهن وبس اتسرح فورا بنتزوج بس انتي قولي ان شاء الله

مرام. ان شاء الله

مرق الاسبوع بسرعة كبيرة الليل ماكنت نامو وطول الوقت ماني ع الدنيا معقول ابراهيم رح يروح ومابقى شوفو الا كل شهرين
ليش هيك ياربي

اجا اليوم الي بدو يروح فيه ودع اهلو واجا لعنا وكان لابس البدلة العسكرية كنت انا وستي قاعدين ع البرندى
بس شفتو اختنقت كتير وصرت ابكي

لحظات الوداع كانت كتير صعبة

سلم ع ستي وباس ايدها واتطلع فيني وعيونو مدمعين وحكا معي قبل مايجو اخوتي

ابراهيم. لا تبكي مشاني

ستي بس سمعت حكيو صارت تبكي

ابراهيم. رح اشتقلك كتير وكل يوم رح اتصل فيكي اتطمن عنك واسمع صوتك
مرام.....
ابراهيم. كل ماتشوفي رقم غريب ردي انتي

مابدك تحكي شي
الله يخليكي لا تبكي والله مابهون علي دموعك

مرام. بس انت رح تروح ومابقى رح شوفك
ابراهيم. مين قال هيك .. رح تشوفيني اكتر من هلأ سدئيني

مرام. يعني كل يوم رح شوفك
ابراهيم. اممم ما المهم كل يوم تشوفيني بس خليني دائما ببالك وتذكريني

مرام. ليش مين قلك رح انساك .. وانت هون ماعم تروح من تفكيري كيف لو رحت

ابراهيم. كم مرة بدي قلك لا تبكي مانحنا روح وحدة اذا كنتي مبسوطة انا اكيد رح بكون هيك
واذا كنتي زعلانة رح تزعليني كلهن سنتين مارح نحس فيهن
انطريني اي ياعمري وبكرا رح بتصل فيكي ان شاء الله
وادعيلي انتي وستي لأن انا بحاجة دعواتكن
وتأكدي اني بحبك كتير وانك ساكنة جوا قلبي

مالحقت قلو اني بحبو وانو جوا قلبي ورح استناه بالدقيقة لأن طلعو اخوتي وسلمو عليه

ابراهيم. يلا ياجماعة السلام عليكم .. ادعولي

مرام في نفسها وعيونها مليانة دموع الله معك ياعمري الله يحميك استودعتك لله الذي لاتضيع ودائعه

يتبع...
الجزء الخامس

يا الله شو صعب الوداع كنت كتير متضايقة وعم ببكي قالتلي ستي روحي صلي ركعتين بترتاحي

وبالفعل رحت صليت ودعيت ربي يحميلي ياه ويرجعو بالسلامة

ظل بالي مشغول عليه كتير تاني يوم اتصل ع التلفون الارضي وردت عليه امي سلم عليها وقاللها انو بدو يطمن ستي انو بخير

ام عصام. مرام تعي اعطي التلفون لستك قاعدة برا قولليها ابراهيم بدو يسلم عليها

اخدت التلفون وحكيت معو قبل ما اعطيه لستي والحمدلله ارتاح قلبي بس حكيت معو

مرام. اشتقتلك
ابراهيم. لحقتي تشتاقيلي
مرام. اي وكتير كمان .. ليش انت ما اشتقتلي

ابراهيم. والله كتير صحيح هاد اول يوم بس بلش العد التنازلي
ظل علي سنتين الا يوم وبتسرح

مرام. هههه والله ضحكتني ومالي نفس اضحك
ابراهيم. بالعكس ضحكتك حلوة كتير
وهي متل ما وعدتك رح ابقى اتصل فيكي
واحكي معك وخليكي تملي مني

مرام. ياعمري انت بحبك كتيرررر

مرقت الأيام وابراهيم كل ماكانت تصيرلو فرصة يحاكيني
اول اجازة اجا فيها اجا لعنا قبل مايروح ع اهلو وكان عاملي ياها مفاجئة يا الله بس شفتو شو كان شعور حلو كنت بدي روح وضمو وقلو انا بحبك واشتقتلك

مرام. الحمدلله ع سلامتك نورت المدينة كلها
ابراهيم. الله يسلمك.. تسلمي

كانو اهلي قاعدين وكان باين علي اني مبسوطة كتير حاسة الدنيا مو واسعتني من الفرح

ابراهيم. يلا بدكم شي بدي روح سلم ع اهلي

عصام. بس بترجع المسا
ابراهيم. اي اكيد

طلع ابراهيم من عنا وانا قلت لأمي امي بدي روح لعند بنات عمي وقالت اي طلعت بسرعة وناديتلو

مرام. ابراهيم ابراهيم
ابراهيم. لك عيونو لأبراهيم
مرام. كيفك
ابراهيم. الحمدلله وانتي
مرام. الحمدلله.. ليش ماخبرتني انك جايي

ابراهيم. مشان اعملك ياها مفاجئة
مرام. ياعمري والله اشتقتلك كتير الحمدلله اني شفتك بخير وسلامة

ابراهيم. الله يخليلي ياكي.. وين رايحة هلأ

مرام. قلت لأمي اني رايحة ع بيت عمي مشان تخليني اطلع وشوفك.. كم يوم اجازتك

ابراهيم. 4 ايام
مرام. بس هيك
ابراهيم. شو موعاجبك
مرام. امبلا احسن من ولشي.. طيب ايمتا بدك تجي لعنا

ابراهيم. المسا بجيب امي وبجي
مرام. بس مو فورا تروح
ابراهيم. ماشي
مرام. ههههه ليش هيك حالقينلك ع الصفر

ابراهيم. هههههه شو اعمل والله ماكان بدي بس غصبن عني

مرام. ههههه يلا بكرا بيطلعو
ابراهيم. ليش ماحلو هيك
مرام. لك بتجنن كيف ماكنت
ابراهيم. وانتي حليانة كتير
مرام. عيونك الحلوة

راح ابراهيم ع بيتهم وانا دخلت ع بيت عمي وخبرت البنات انو اجا ابراهيم

كانت فرحتي لا توصف
المسا لبست وزبطت حالي قبل مايجي ابراهيم واجو اعمامي وعماتي كلن يسهرو عند ستي
وطول مانحنا قاعدين عيون ابراهيم علي وكل ماتجي عيني بعينو يبتسملي
ونور اختو وايات بنت عمي يتطلعو علينا ويضحكو

خلصت اجازتو لأبراهيم وكنت كل يوم شوفو
اجا لعنا ودعني بس كان الوداع اهون من اول مرة
بس والله زعلت كتير لأن رجعت تعودت ع وجودو بكل وقت
بس شو نعمل هيك الله رايد

مرقت الأيام ونحنا ع هاد الحال كل شهرين يجي اجازة وكل كم يوم يتصل فيني
كل يوم كان حبي الو يزيد اكتر واكتر
وكنت بالدقيقة استنا اليوم الي يتسرح فيه

وهوا نفس الشي اوقات كان يحرقلي قلبي بحكيو يقلي والله مليت وطقت روحي ايمتا بدي اتسرح واخلص حاسس الايام ماعم بتمرق
لأيمتا هيك والله تعبت
انا كنت واسيه وقلو يصبر وراح الكتير ومابقي الا القليل

مرق فترة اكتر من 3 شهور وماعم يعطوه اجازة كان يقلي انو اشتاقلي كتير

وبيوم رن التلفون الصبح وكنت هلأ فايقة من النوم حسني قلبي انو هاد ابراهيم رحت ركد ورديت طلع عنجد هوا

ابراهيم. مرام
مرام. ياروح مرام
ابراهيم. لك يسلملي الي خلقك ما احلا هالصوت

مرام.....
ابراهيم. شو عم تعملي
مرام. ولشي هلأ قعدت من النوم
ابراهيم. طيب تخيلي لو انا هلأ كون قدام بيتكم شو رح يكون شعورك

مرام. اووووف ياريت بس مستحيل
ابراهيم. ليش مستحيل
مرام. لأنو مستحيل
ابراهيم. طيب اطلعي وشوفي مستحيل او لأ

سكرت الخط وانا مالي مسدئة طلعت من البيت ولقيتو عنجد قدام البيت يا الله مابقدر اوصف فرحتي لحدا صار عاملها فيني اكتر من مرة وبيجي فجأة

رحت لعندو وسلمت عليه

مرام. يا الله مفاجئاتك شو حلوة
ابراهيم. هههههه شفتي انو مافي شي مستحيل

مرام. لك ليش ما خبرتني .. بعدين ما عأساس واقفة الاجازات

ابراهيم. اي واقفة
مرام. لكن كيف اجيت ولا انت عندك واسطة
ابراهيم. لا ماهيك بس هربت
مرام. شوو عنجد

ابراهيم.ههههههه اي
مرام. لك ليش طيب هلأ شو بيعملو بس ترجع

ابراهيم. ولشي عقوبة صغيرة
مرام. يا الله منك
ابراهيم. خلص ولو يعني ماحابة تشوفيني انا هربت كرمالك

مرام. بالعكس والله بس مابدي يعملولك شي
ابراهيم. ماتخافي مابيعملو شي

راح ابراهيم لعند اهلو وبعد الظهر رجع لعنا راح هوا واخوتي مشوار ورد رجع لعنا
والمسا ودعني وراح لعند اهلو اخد اغراضو ورجع
اجا يوم واحد بس

قلتلو بس يوصل يحكي معي
حكا معي بس وصل وقلي انو بكرا مارح يصيرلو يحكي معي لان عقوبة الي بيهرب الحبس لمدة يوم وليلة

زعلت عليه كتير بس هوا كان اخد الموضوع مزح وقلي انو كان مشتاقلي كتير وماقدر يصبر اكتر من هيك

مرقت لشهور وظل ليتسرح ابراهيم 3 شهور وكان يجو ناس كتير يطلبوني بس ماكنت وافق واهلي ماكان بدهم
بس اخر واحد اجا كانت كل المواصفات المطلوبة فيه وابي بيعرفو وكتير منيح بس انا رفضت

ابوعصام. اذا الشب منيح ليش لترفضي فكري فيه و

قطعت ع بابا كلامو وقلتلو انو مستحيل مابدي

ام عصام. ماعم بعرف ليش كل مايجيكي حدا منيح بترفضيه وعمرك مناسب للزواج
وهالشب اكابر واهلو مناح ليش مابدك ياه

مرام. هيك مابدي ياه وبس
ابوعصام. خلص اتركيها ع راحتها
ام عصام. تاركتا ع راحتها بس اذا الشب مناسب ليش لا

مرام. ماما مشان الله مابدي اتزوج لساتني صغيرة

ام عصام. لا مانك صغيرة بس من كتر الدلال هيك عم تحسي حالك
الي بعمرك صار عندهن اولاد

( ملاحظة نحنا بمدينتنا البنت بتتزوج من عمر ال 15 سنة وال 18 بقولو عنا كبرت )

مرام. اي ويكون انا مابدي اتزوج هلأ
ام عصام. اي تسطفلي

قال بابا لأمو للشب انو مالنا موافقين

بعد مرور يومين ابراهيم كان رح يجي اجازة
وامو للشب الي بدو ياني رجعت حكت مع بابا وقالتلو امو خليهم يشوفو بعض بلكي صار نصيب

ابو عصام. شو يامرام تشوفيه قبل ماتقولي لا
مرام. لا اصلا انا بعرفو ومابدي ياه لا بقى تفتحو هاد الموضوع

اجا ابراهيم وكانت هي اخر اجازة الو قبل مايتسرح
اجا لعنا وخبرتو عن هاد الشب الي تقدملي وقلتلو اني ماوافقت

ابراهيم. بلكي اهلك ضغطو عليكي
مرام. لك مستحيل اصلا مابيحكو شي بس سألوني ازا موافقة او لا وقلتلهم لا بس امو للشب مبارح حكت مع بابا مرة تانية

ابراهيم. مرام حبيبتي هي اخر اجازة الي الله يخليكي بدي روح وانا مرتاح اكيد مارح توافقي لو شو ماصار

مرام. شبك ابراهيم كأنك مابتعرف اديش بحبك انا
ابراهيم. والله بعرف بس لانو صاير جاييكي كتير وانتي ترفضي بخاف يقنعوكي

مرام. لا انا الك وبس والله ماباخد غيرك

راح ابراهيم ع بيتهم وهوا خايف انو اهلي يجبروني ع هاد الشب وظل طول الوقت يفكر ومالقا حل الا انو نخطب

اتصا فيني بالليل

ابراهيم. مرام انا عنجد خايف يجبروكي ع الزواج مابدي اخسرك عم تفهميني

مرام. يي لك ابراهيم ماخلصنا الحق عليي الي خبرتك

ابراهيم. لو ماخبرتيني كنت زعلت منك
مرام. لكن شبك عم قلك والله مارح باخد غيرك وكلن بقيو كم شهر لتتسرح

ابراهيم. انا بكرا رح خبر اهلي وبخطبك
مرام. شو .. ايمتا
ابراهيم. اجازتي طويلة ولسا بقيان اسبوع بنلحق نخطب شو رأيك

مرام. عنجد فاجئتني بتحكي جد
ابراهيم. اي والله
مرام. بس كيف هيك فجأة
ابراهيم. شو الي فجأة مانحنا صرلنا سنتين نحكي مع بعض

مرام. بعرف بس قصدي انو
ابراهيم. انو شو ؟
مرام. والله مابعرف
ابراهيم. يعني مانك مبسوطة
مرام. لك لا والله بالعكس بس متفاجئة

ابراهيم. لكن بكرا ان شاء الله بحكي مع امي وبخليها تحكي مع خالي
مرام. ان شاء الله
بس الله يخليك بتخبرني شو بتقول عمتي
ابراهيم. تكرمي

تاني يوم قعد ابراهيم مع امو وبلش يلمحلها بالحكي

عمتي امو لأبراهيم بتموت عليه اغلا واحد بأولادها واحن واحد حنووون قد ماتتصورو

ام محمد. ابراهيم لشو عم تلمح
ابراهيم. شو رأيك تخطبيلي
ام محمد. هلأ يا امي .. استنا لتتسرح ع الاقل مابتقضي خطبتك كلا بالعسكرية
كلهن كم شهر الي ضلو وان شاء الله بتتسرح وبتتزوج وبشوف اولادك

ابراهيم. عادي بحس انو هيك انسب بخطب هلأ وبتزوج بس اتسرح
شو قلتي ؟

ام محمد. مابعرف عنك
ابراهيم. يعني موافقة
ام محمد. يعني بدك تخطب بهاد الاسبوع من كل عقلك بتحكي كيف بدنا نلحق اصلا كيف بدك تخطب وتروح فورا وماتقعد مع خطيبتك
ومو لنلاقيلك عروس اصلا

اجت نور اختو لابراهيم وقعدت معهن

نور. لمين العروس مين بدكن تزوجو
ام محمد. ههههه اخوكي بدو يتزوج
نور. عنجد
ابراهيم. اي بس سمعينا

ابراهيم. اي امي من هي الناحية لا تخافي العروس جاهزة
ام محمد. ومين هي
ابراهيم. مرام بنت خالي ابوعصام

ام محمد. ايواا الله يستر عليها يارب
ابراهيم. اي شو قلتي
ام محمد. ليش اخترت مرام بالذات

ابراهيم. يعني حسيتها مناسبة لألي
نور. هههههه احكي
ام محمد. شو بدك تحكي
ابراهيم. نوووور

نور. رح بحكي .. لانو ابراهيم ومرام بحبو بعض من زمااان

ام محمد. وانا اخر من يعلم
ابراهيم. وهي صار معك خبر شو قلتي

ام محمد. ع خطبتك موافقة بس ع مرام مو موافقة

ابراهيم. شو امي .. ليش ؟

ام محمد. حاجتنا اخدنا لأخوك من القرايب وشوف شو صار فينا وكيف صار مشاكل والسبب انو قرايب

ابراهيم. هلأ حاطة هي حجة
بعدين مرام انتي بتعرفيها

ام محمد. شو ماكانت الله يستر عليها

ابراهيم. يعني بفهم من كلامك مانك موافقة
ام محمد. لا ماني موافقة

نور. ماما والله مرام مافي منها

ابراهيم. بس انا بدي ياها وبدي اخطب بهاد الاسبوع
وانتي بتعرفي مين هوا ابراهيم واني ماممكن اسمح بالغلط والمشاكل

ام محمد. شو ماكان ابعد عن الشر وغنيلو مابدنا نعيد نفس التجربة
اذا بدك بشوفلك بنت غيرها

ابراهيم. ههه لك مستحيل ماباخد غيرها شو عم تحكي يا امي

ام محمد. ابراهيم ياعمري مابدنا نحكي بالموضوع كتير والله لو مرام مانها من قرايبنا لأخدلك ياها بس انا توبت اني اخد لأولادي من القرايب
نحنا بغنى عن المشاكل
كل شي بخص قرايبنا لا تقرب عليه سواءا مرام او غيرها
ولا بقى تفتحلي هاد الموضوع

يتبع...
الجزء السادس
#HDــ٨ـ٨ـﮩﮩﮩـ٨٨ــــــ