الرحيل

من طرف **admin12allchat** الجمعة 17 يونيو 2016, 2:02 pm

السلام عليكم ورحمة الله وبركاتة

الرحيل هو القرار الصائب حتي تظل صورة الماضي موجودة بكل جمالها ف الذاكرة

عند غلق منتدي بابونج انزعجت كثيرا واصيبت بحالة حزن شديدة مش لفقدي اشراف والكلام الاهبل دة

لا لاني ارتبطت بالمكان دة ارتباط وجداني كبير وعشت فية ايام شكلت جوايا حاجات كتيرة ويمكن خرجتني من عباءة الي عباءة اخري

ولكنها كانت الحقيقة هدم المكان . بالنسبة لي اعرف كيف اقضي وقتي لا يشغلني الناس كثيرا مثل بسيط ممكن العب شطرنج طول اليوم مع شوية موسيقي

ويخلص يومي علي كدا لا اهتم ان كنت وحدي او اكلم احد فتعودت ان ابقي صامتا يعني مش فارق معايا اي حاجة خالص .

ف شهر 6 جاءت لي فكرة بان اكتب لعلاء صاحب بابونج واقولة اني عايز اشتري او اقوم بتاجير الموقع او ادراتة بدون عائد مادي

ووبالفعل بعتلة الرسالة دي من نيم وائل شكري دة نيم عملتة 2014 للتصويت علي وجود الصوت بالمنتدي زمان

المهم تعالوا نشوف لاني ما بحب كلام بدون دليل

وفنفس اليوم عرفت موقع احلا منتدي وعملت بيانات انشاء منتدي وسميتة منتدي الطيف الساحر وقعدت اشتغل ف التصميم والحاجات دي

وكنت يدوب عملت اسم الاقسام بس وانا كنت قافل رسايلي بنيم دخان بلا ملامح ف بابونج من فترة طويلة والجميع يعرف دة

وقولت افتحها وابعت لاصحابي اقولهم ان ف منتدي جديد عملتة ونتجمع كلنا بصراحة مكنتش متوقع رد من علاء المهم

بعت رسائل لاغلب اصدقائي هناك وجات الصدفة كنت بعت لحلا لاقيتها رديت عليا بشكل محترم ووقالتي فينك

احنا كمان عملنا منتدي من كام يوم اية رايك تكون معايا ونشغل المكان مع بعض انا دعم فني وانت مدير للمنتدي

بدون اي تفكير ف اي شيء كعادتي قولتها موافق عشان شيء واحد اولا ثقتي ف ان حلا اخت غالية اووي ومحترمة

وكمان اننا حنتجمع تاني سواء بقي ف الطيف الساحر او هنا معاكم ووقفت كل خطواتي ف منتدي الساحر

وقولت لنفسي كل اللي كنت ناوي اعملة هناك اعملة هنا مع حلا قوانين واسس ونظام ميعرفيش مجاملة

وبدات ف تزبيط المنتدي مع حلا شوي شوي

انا جيت هنا يوم 3/6/2016 عشان بس الناس تبقي فاهمة الحوار مشي ازاي

وكانت المفاجاة نشوف ونكمل

رد علاء بصراحة لخبط حساباتي كتير لكن كنت التزمت مع حلا بكلمة و قولت لنفسي هو اية دماغك يعني

عايز منظرة وحوار ادام الناس ولا فعلا بتحب الالفة وجو الاسرة والناس سالت نفسي وكان لازم اجاوب بكل صراحة

الجواب ولانكم بشر ما بتصدقوا الا بادلة كان ردي حبي للناس وربنا اعلم بالنوايا

وتواصلت مع علاء واعتذرت بشكل قاطع لان قولت هنا نواة حقيقة وحنعمل مكان يجمعنا كلنا

واجهت كتير من الانتقادات والزعل واللوم وقلة الصبر وبعض التجاهل وفهم الامور فهم خاطيء

وطلعت بنتيجة

اني شخص متسلط بحب السيطرة عامل زي ما اكون ف معسكر معنديش مرونة عصبي بنفرد بالقرارات

زعل مني ناس كتيرة واللي قال اني حابب انفرد بالمكان لحالي وحاجات مش حابب اتكلم فيها كتير

ولا ناوي ادافع عن حالي لاني دايمن بشوف الدفاع عن النفس ضعف

دايمن بسيب الوقت والافعال تثبت صدق الافعال

كنت ناوي اكلم حلا ف الامر دة خاص مش عام ولكني زي ما بقول العام زي الخاص

ومش حكدب طبيعي انك تحب ناس وتكرهة ناس بس انا بالذات

اما بتعامل مع اشخاص بفصل بين القلب والعقل وبعامل الناس علي اد معاملتهم

ف حاجات كتيرة خسرتها بحياتي عشان دايمن بشوف حالي بسبح ضد التيار

كلامي دة مش شو ولا بقول اني هيرو ولا الافتكاسات دي

عشان بس تفضل الصورة القديمة زي ما كانت لان الذاكرة لو اتلوثت بافعال الحاضر

مستحيل حترجع تاني وعشان كدا انا بنسحب منكم وكلام نهائي مفهوش رجعة

المفترض كنت مستني حلا اقولها الكلام دة خاص بس كلنا واحد ولازم الناس تفهم كل حاجة

وان شاء الله اجي اعتذرلها بشكل خاص

اطير انا

سلام

من طرف **.SEAZAR.** الجمعة 17 يونيو 2016, 2:38 pm

جمعه مباركه عادل

بص يا عادل كلامك جميل وانت انسان محترم وكلنا عارفين ده ولما حلا بلغتني انها هتسلمك المنتدي الجديد قولت تمام عادل كوييس ونشيط وده لاني كنت متابعك فى اخر فتراتي فى موقع بابونج خليني اكلمك عن نفسي لاني معرفش نوايا الاخرين فيها اى تجهاك

انا مفيش اى زعل بخصوص اى شئ من بعد ما جينا هنا بالعكس فرحت كتير لما شوفت ناس جميله مكنتش متوقع انها هتبقا معانا هنا

والحمد لله قدرنا نرجع ناس وانا حاولت اجيب اى حد اشوفه من الناس القديمه والمحترمه والحمد لله فى ناس كتيره استجابت ورجعت

المهم صديقي القصه مش فى الرحيل او خلافات بخصوص اداره المنتدي

انا من فتره اتكلمت مع اوكا وكنا بنتناقش عن ايام محمد (7up) لما كان ماسك المنتدي رد اوكا قالي الفرق بين عادل وسفن فرق السما والارض انت مش ملزم تعرف الحوار اللي دار بيينا بس عشان اعرفك ان الناس مستعديه تأدي افضل من اللي فات بس يلاقو تقدير وودان تسمع وده اللي يقصده اوكا لما قال الفرق بينك وبين محمد فرق السما والارض

بالنسبالي انا انت صورتك هتفضل زي ما هي ومش معني انك حاولت تجمعنا وسط ظروف صعبه شوي وجو محدش بيكون متاح فيه انه يكون متواجد كتير على النت وبشكل فعال وهنا بقصد شهر رمضان طبعا

انت حد كويس جدا ومجهودك ليه كل احترام وتقدير يمكن اتسرعت شوي فى حكمك على المنتدي سواء بسلبياته او ايجابياته وحكمت عليه فى الوقت الغلط يمكن لو مكناش فى رمضان كنت هتلاقي اقبال غير ونشاط غير ودنيا تانيه

القصه مش قصه رحيل صديقي عادل

اتمني ان تعيد قرارك ...بالامس كنا نفرح بقدوم عضو

ولا اعتقد ان اليوم نفرح برحيل شخصيه مثلك

كن بخير صديقي

لك التحيه

من طرف **okA** الجمعة 17 يونيو 2016, 2:52 pm

لا حول ولا قوة الا بالله

انت مش عندك طولت بال يا عادل!

روق وراجع نفسك وخليك مستمر

افعالك هي تعريفك للناس سواء ايجابي او سلبي.. تقبل الانتقادات بطولت بال وحاول توصل مقصودك اتعمل بيه كان بها متعملش بيه مش بايدك حاجه تانيه..ريح دماغك

من طرف **Dragon * Legend** الجمعة 17 يونيو 2016, 3:39 pm

السلام عليكم ورحمة الله وبركاته

ازيك ياعدولة عامل ايه الاول ؟

ثانيا انتا عايز شد ودان صدقنى

ثالثا وده الاهم : انا مش عارف اربط بين عرضك انك تشترى المنتدي القديم وبين رد علاء عليك بالقبول وبين الاعتذار منه بعدها

وبين انك عايز تنفرد بالمنتدى لوحدك وبين زعل الناس منك وبين الكلام ده كله ؟

رابعا انتا مش صغير عشان اقولك سيبك من كلام الناس محنا كلنا عارفين الكلام ده وعارفين كلام الناس مش جديد علينا

بس صدقنى انتا من ضمن الناس المعدوده اللى بحبهم هنا وعارف انك ماشاء الله شعلة نشاط لا تفتر ولا تكل ولا تمل

والواحد لما يكون معتمد وبيسند على حد فأكيد ده لانه عارف انه اد المسؤلية وفعلا يُعتمد عليه

فخلي بالك بس اننا كلنا بنحب وجودك وبنحب كلامك وبنحب ( رخامتك ) ههههههههههههههههه لازم تتقال

بس منتدى من غيرعادل عامل زى كمبيوتر من غير واى فاى ملوش اى لازمه الكمبيوتر لو مفيش مثلا انترنت فيه

فهيا العمليه عامله زى الملح فى الاكل برغم بساطته الا انه لازم يكون موجود

فرجاء قرارك بالرحيل ده ملوش اى مبرر وملوش لزوم كمان لان حقيقى احنا بنقدرك وبنقدر مجهوداتك وبنقدر شخصك الكريم

وحقيقى بنعزك وبنحترمك وبنحبك فلازم بجد تتخلى عن القرار الاخير ده

من طرف **Admin** الجمعة 17 يونيو 2016, 5:00 pm

ده ينفع ؟؟؟؟

من طرف **KaGo0o** الجمعة 17 يونيو 2016, 5:34 pm

اممممممممممم
كلام الناس
كلام الناس
كلام الناس
عارفين يا جدعان
انا و اعوذه بالله من كلمة انا
ايه سبب وجودى هنا
انى حابب اخواتى
بس مش ينفع اسيب اخواتى فى وقت الشدة
حتى لو كان فى سكاكين بتقطع فيا

مش كلام بيترمى عليا
راجع قرارك يا عادل

من طرف **!هادية!** الجمعة 17 يونيو 2016, 7:29 pm

الراقي الخلوق عادل

مساء الخير والرضا ..

لن اخفي عليك صدمتي عندما قرات هذا القرار لاني اعرف جيدا سعيك واجتهادك الغير

مسبوق وتميزك في كافة المجالات سواء الادراية او المشاركة

واذكر جيدا انك كلمتني في موضوع انشاء منتدي جديد عندما تناقشنا عن موضوع قفل

ابواب بابونج واحساسي بالاحباط الكبير .. ويومها ارسلت لي الرابط لمنتدي الطيف

الساحر وكان في بداياته

ولكن الشكل المبدئي كان جميل .. ثم جاء قرارك بالانضمام الي غاليتي حلا واذكر

يومها انني تلقيت منك رسالة تشجيعية للانضمام وكنت قمة في السعادة وانت تحدثني

عنه وعن النخبة التي انطلق منها وضمها

المكان .. وعملنا معا .. نحن وكل الاعضاء احياء هذا الصرح والارتقاء به .. وقمت

انت بانشاء قواعد جادة ومهمة.. القصد منها بداية قوية للمكان .. وارساء اسس

نظام معينة ..

رحيلك سيكون خسارة كبيرة لاني اعرف شغفك بالمكان ..

والشخص القيادي او المسئول في اي مكان يكون معرض للنقد .. و الانجح هو الذي

يقابل النقد بكياسة ويحاول تقييم ما يحدث بدون ان يستجيب لاي عبارات قد تسبط

الهمم..

اعلم انك شخص مسئول .. وومسئوليتك تحتم عليك ان تبقي هنا .. وتكمل .. واذا

احسست ان هناك اشياء تريد ان تعيد حساباتك فيها فلتفعل بصمت بدون ان تترك

مقعدك ..

واذا انتقدك البعض بغرض الاصلاح والمصلحة العامة تقبل نقدهم برحابة صدر بدون

ان تاخذ الامور ع محمل شخصي .. واذا كان بغرض نقد شخصي للنيل منك ..

فساردد عليك عبارتي الثابتة .. (ويا جبل ما يهزك ريح)

اسفة .. ولكن انسحابك مرفوض ..

واسفة .. لا اظن اننا تقدمنا خطوات كافية حتي نبدا التخاذل ..

ولن اطلب منك ان تعيد النظر في قرارك .. بل ساقول لك .. لم اري هذا الموضوع من

الاصل .. وانت هنا وستكمل معنا باذن الله

احترامي وتقديري

الرحيل

الرحيل

رد: الرحيل

رد: الرحيل

!I will not stop striving

رد: الرحيل

رد: الرحيل

رد: الرحيل

رد: الرحيل