رسالة..مساحة لي ولكم

وحشتينى كتير يا هادية .. كمان ياحلا..يا أصدقاء طفولتى ههههههه كنت 19 سنة بس كنت طفلة والكل كان مصر لانه يعاملنى على انى طفلة  .. كنت مفكرة نفسى كبيرة وقتها وعاقلة وناضجة وكنت أتضايق اما الاقى حد بيعاملنى بطفولية وياخدنى على قد عقلى..كنت اتقمص من أقل كلمة واتضايق واتعصب ..كنت اما اعمل موضوع عالمنتدى ..أبعت اللنك لكل الشات و إجبارى الكل لازم يعلق كانت الناس متفهمة حماسى ههههه  واللى يعمل نفسه مش واخد باله افضل وراه لحد مايشوف موضوعى  افترى كدة وتجبر ههههه واللى مش هيعلق ليلته هتكون هباب بقى عمرى 29 سنة دلوقتى  اتغيرت فيا حجات كتير   واخيرا بقيت عاقلة ههههههه بس بقيت كل فترة بدخل هنا أدور على الناس اللى مريت عليهم بطفولتى وطيشى وسذاجتى وطولة لسانى أحيانا ههههه اتمنى تكونو لسه عايشين  وبخير  قد ايه كان نفسى نكون لسه على تواصل ببعض ...اللى اكتشفته هو ان كل حاجة بتتنسى  سواء الزعل او الخلاف اللى بيبقى بس هو الذكرى الحلوة