يـا كـل آدم وكـل حـواء

من طرف **الغافقى** الخميس 23 يونيو 2016, 5:39 am

يا كل آدم وكل حواء بتتجمعوا على شرع الله

بيكون بينكم ميثاق غليظ وعقد وعقده

أنتم آيه من آيات الله فى الكون

بينكم موده ورحمه وعشره طيبه

بينكم إمساك بمعروف أو تسريح بإحسان

كل ده جميل جدا بس فى حاجه مهمه جدا وخطير معنها جدا بنغفل عنها فى علاقتكم

هن لباس لكم وأنتم لباس لهن

لباس يعنى إيه ملابس هدوم يعنى ستر عوره ؟ يعنى ستر عيوب ؟

يعنى مع بعض عالحلو والمر؟ يعنى ما يستغنى أحد منكم عن شريكه ؟يعنى كل ما سبق

مين فينا مالوش عورات ( أقصد المعنويه مش الحسيه ) مين فينا خالى من العيوب

عمرنا شفنا قميص واحد أو فستان واحده قصدت تفضح اللى لابسها وتتفكك من عليه

عمر حد فينا لقى التيشيرت بتاعه طلعله لسان وقال الجدع ده حرامى

ولا مره بنطلون قال لصاحبه إنت حالتك الماديه صعبه ومش بتحط فيا فلوس سيبنى

ولا مره أخدتى فستانك لمكان قالك ماليش دعوه بيكى مع نفسك

ما نطبق الكلام ده كده معنويا علينا كأزواج ما تطبقوا كده الكلام ده عليكم

مفيش حد أعلم بعيب حد من الرجل بزوجته والمرأه بزوجها دى أسمى علاقه بالوجود

تسوى إيه كده لو تقول حتى لأهل مراتك إن بنتكم عيبها كذا أو كذا

وإنتى بقى يا حوا وللأسف منكن كتير أوى ويااريت مع أهل جوزك لالالالالالا مع أمك بالذات

وتقعدى كده وتطلعى كل اللى جواكى ده بيعمل وبيعمل وصفته كذا ومش عارفه إيه وبخيل

وكانت جوازته منيله بستين نيله على دماغه

إيه ده معقول معقول يا جماعه جوزك ولا مراتك أم ولادك تقول عليها كلام زى ده

سؤال أخير بقى ومهم جدا

لو عندك بدله ولو عندك فستان وإتقطع قطع كبير مبقاش يقدر يسترك وبيظهر عورتك

معقوله هاتسيبه عندك ولا هاترقعيه وتلبسيه تانى للأسف ده ما يترقعش لآنه قماش خاص

نصيحه بقى لوجه الله البدله دى والفستان ده يتغير فورا ويترمى فى أول صفيحه زباله

دا لو عاوز تستر نفسك ولو عاوزه تدارى عيوبك

من طرف **♥ÊĻmȭŋăĹįžĂ♥** الأحد 10 يوليو 2016, 4:09 am

الراقي احمد

كلماتك حقا من ذهب
ودعوة راقية ورائعة تجسد كل المعاني الاخلاقية
وتختزل الحياة الزوجية كلها في كلمة واحدة وهي (الكتمان)
كتمان سر الزوج والزوجة عن الجميع
ان يكونوا سر واحد لبعضهم البعض
ولكن هذا السر يتواري عن الجميع
ودعوة اتت في وقتها واتمنى لو يستجيب لها الجميع
فاصبحنا نرى اسرار البيوت علي صفحات النت
وخصوصا علي الفيس الذي جعل المنازل بالبيوت الزجاجية
نرى بوضوح كل ما فيها

موضوع قيم ورائع
اسعد الله كل ايامك
ودمت بخير

من طرف **الغافقى** الأحد 10 يوليو 2016, 8:14 pm

♥ÊĻɱȭŋăĹįžĂ♥ كتب:

الراقي احمد

كلماتك حقا من ذهب
ودعوة راقية ورائعة تجسد كل المعاني الاخلاقية
وتختزل الحياة الزوجية كلها في كلمة واحدة وهي (الكتمان)
كتمان سر الزوج والزوجة عن الجميع
ان يكونوا سر واحد لبعضهم البعض
ولكن هذا السر يتواري عن الجميع
ودعوة اتت في وقتها واتمنى لو يستجيب لها الجميع
فاصبحنا نرى اسرار البيوت علي صفحات النت
وخصوصا علي الفيس الذي جعل المنازل بالبيوت الزجاجية
نرى بوضوح كل ما فيها

موضوع قيم ورائع
اسعد الله كل ايامك
ودمت بخير

وهذا هو الاصل فى الحياه الزوجيه جيجى

وهذا مابنيت عليه وهذا هو شرع الله

اذا كنا نستبيح العورات الماديه باسم الله

فاجدر بنا ان نستر العورات المعنويه والتى لا يخلو منها انسان

ولكن لم ينظر او يتعلم احد من ابينا ابراهيم عليه السلام

عندما اشتكت زوجه ابنه اسماعيل ظلف العيش امر ابنه بتطليقها

فى حين ان سيدنا ابراهيم عليه السلام وصفه القرآن بأنه أواه حليم

كان يخشى على قوم لوط وهم من هم من العذاب ويجادل الملائكه فى تركهم

ولكنه لم يرض من زوجه ابنه ان تهتك ستر بيتهما

دمتى بكل ود وخير جيجى

ولا حرمنى الله من ردودك القيمه والتى تضفى على الموضوع رونقا خاصا