المواضيع الأخيرة
أفضل 10 أعضاء في هذا المنتدى
( أميرة أرق ملاك ) | ||||
okA | ||||
3del | ||||
!هادية! | ||||
♥ÊĻmȭŋăĹįžĂ♥ | ||||
KaGo0o | ||||
Man law | ||||
قلبي معك ~ | ||||
فهد الشاعر | ||||
admin12allchat |
جارح (مسابقة القصص القصيرة)
صفحة 1 من اصل 1 • شاطر
جارح (مسابقة القصص القصيرة)
قصتى
( جارح )
قصة قصيرة لكنها من واقع الحقيقة و ليست الخيال
اليوم لن أتكلم عن شخصيات خيالية و لكن ستكون القصة قصتى أنا
ومتى تحول أسمى الحقيقى إلى إسم جارح فى قصة قصيرة
ستكون باللغة العامية نظراً لضعفى فى اللغة العربية الفصحى !!!
من زمن فات كان فى شخصية جميلة بسيطة و مجنونة اسمها محمد عاش حياته زى أى حد
من عائلة فقيرة عايش مع أهله اليوم بيومه وزى ما تيجى
من صغرة مكنشى يعرف يعنى ايه لعب فى الشارع لأنه بأختصار بيروح المدرسة و يرجع يشتغل
كنت فى إعدادى طفل عادى بس الحمد لله متألق فى الدراسة مع انى مكنتش بذاكر مش عارف ازاى
و بالذات فى الرياضة عشان كنت بعتبرها الغاز
وفاكر اول يوم ما روحت المدرسة روحت متأخر
دخلت الفصل ما شاء الله عبال ما دورت و طلع عينى أخيراً لاقيت الفصل بتاعى الموعود
داخل بمنتها الفرح و ببص و برمى عينى كدة على الفصل لاقيت ما شاء الله كل واحد مظبط حاله
وقاعد جنب زميله الى إختاره و حاجة زى الفل و مفيش ولا تخته فاضية
الا تختة واحدة قاعد فيها طفل برئ برائة الاطفال
هههههههههههه طبعاً انا قولت ده هيكون أنتيمى
الله يمسيه بالخير كريم وطبعاً انا إفتكرت ان أمى دعيالى بقى
بس باين عليها دعت من غير ما تتوضى
كريم ده ما شاء الله شاب جميل بس كان يمتلك عين مش أى عين كانت فتاكة
كان ممكن يبص لى أى شئ و يحسده يتفرك فى إيد الشخص الى كان ماسكها
طبعا حطيت شنطتى و بدأت أتعرف على كريم
وبدأ أول مدرس يدخل علينا و طلب مننا نطلع أدواتنا
هوبا كريم شاف القلم الرصاص بتاعى السنون
قالى يااااااااااه ايه القلم الجامد ده ده انت مش محتاج براية على كدة
ضحكت و قولته عشان أوفر
ههههههههههههه فى اليوم ده علبة سنون كاملة خلصت كل ما اجى اكتب بالسن يتكسر
ههههههههه و من هنا بدأت اعانى فى فترة إعدادى كلها
طبعاً الحمد لله خلصت فترة إعدادى و إنتقلت لى ثانوى عشان اكمل فترة دراستى
وما شاء الله دعوة أمى الله يخليها مش سيبانى
كريم طلع معايا فى ثانوى و فى نفس الفصل
ههههههههههه و كانت اجمل أيام عمرى
مفيش حاجة جبتها و شافها كريم الا لما باظت او اتكسرت أو اتقطعت
ما علينا قضيت بردو ثانوى و هوا معايا
نجحت الحمد لله و روحت الكلية و إتخلصت من كريم
بعد أول شهرين كان ليا زميلة فى السيكشن اسمها عبير
كانت لمدة سنتين كاملين عبير زميلتى
كانت كل ما تشوفنى تضحك
لحد ما فى فترة روحتلها وسألتها هوا وشى عليه نكت مثلا ؟
ليه كل ما تشوفينى تضحكى
قالتلى مش عارفة بس كل ما اشوفك اضحك مش عارفة ليه
ما علينا
بعد فترة وجيزة حوالى سنة
قربتلها أكتر و نشأت بينا قصة حب
حب مش عارف اوصفه إزاى بس كنت لو كان فى شوية عفرة فى الهوا وجايين علينا
كنت بخبيها بهدومى عشان مش حاجة تأذيها
فضلت بينا العلاقة حوالى سنتين
روحت قابلت أبوها عشان اخطبها ودار الحوار بينى و بين والدها و إنتهى بالرفض
ليه يا عمنا
عشان يبنى انت فقير مش ينفع تشترى شقة دلوقتى ولا تصرف على بيت كفاية انك شايل مسئولية بيتك ودراستك
لما تتخرج و ليك نصيب فيها وتكون شغال ساعتها هرحب بيك
حاولت مرة و اتنين وتلاتة و كل مرة كانت بنتتهى بالرفض
طبعا انا كنت شغال عشان اصرف على دراستى
و فى يوم و احنا خارجين مع بعض و مروحها
جيت عند أخر الشارع بتاعها بودعها عشان تروح
شافت من بعيد محل ورد
طبعا شبطت فيه و قالتلى لازم اشترى ورد
يهديكى يرضيكى لازم اشترى ورد
قولتلها طيب يلا اروح معاكى
قالتلى لا خليك و انا هعدى الطريق اشترى واجى بسرعة
الطريق كان فاضى بمعنى الكلمة
عدت اشترت ورد و خرجت من المحل فرحانة و مبسوطة
وخلاص بتعدى و جايالى
الطريق كان فاضى مفهوش حاجة
فجأة عربية ظهرت من العدم خبطتها
و للأسف مش لحقتها ماتت بين إيدى
الله يرحمها
ومن ساعتها و أنا بكره الورد
فضلت بعدها حوالى 3 شهور مش بتكلم خالص ولا بعمل أى شئ غير انى قاعد فى أوضتى
خرجت من حزنى و كملت دراسى و إلتحقت بالجيش
قدمت و قبلت وعشت فترة فى التدريب و إتخرجت و إشتغلت فى القوات المسلحة
ومن هنا بدأ إسم جارح
مفيش مرة خرجت فيها ماسك سلاحى ومعايا ذخيرتى و انا مش ناوى الا و أرجع يا قاتل يا مقتول
مفيش مرة خرجت فيها مداهمة إلا و انا جارح و قاتل كتير
يمكن عشان بقى مفيش شئ افضل عشانه
إسم جارح ظهر فى شغلى عشان فعلا بجرح كل مرة شخص أو أجيب شخص مطلوب
وأدينى عايش جارح
وهفضل جارح على طول
وأكيد القصة مش هتنهى هنا
عشان انا ليسه عايش
بس ده إختصار لحياتى لحد دلوقتى
عشان تبقى قصة قصيرة
أتمنى مكنشى طولت عليكو
ملحوظة
أسف كتير عشان القصة ولا رومانسية ولا فكاهية
بس ملقتش غير ده الى أكتبه
تحياتى
__________________________________________________
رغى كتيير مش حابب
كلام وأساطير مش لونى
انا واحد مشاغب
وده فى دمى من يومى
هتقولى بلاها مقالب
هقولك بلاش تلعب فى عدادك يا بيومى
رد: جارح (مسابقة القصص القصيرة)
كلمات بسيطة ولكن وراءها عمق كبير
رغم انك حاولت ان تبتسم من خلف السطور وتخبيء حزن كبير خلف رواية كريم الا ان تنهيدة الالم احسستها ووصلتني
كاجو الخلوق .. لا اعرف عن قوانين المسابقة ولا راي الحكام في اي عمل سنكتبه ولكني اعرف شيء واحد
ان الصدق يصل وحتي لو كان بالعامي البسيط
اتمني لك كل السعادة والتوفيق في حياتك
وايضا التوفيق هنا في هذه المسابقة التي هي رمز تنافس نعيشه يوميا في سباق مع الايام
تقبل مروري
تحياتي واحترامي
!هادية!- مدير المنتديات
-
تاريخ التسجيل : 03/06/2016
عدد المساهمات : 1973
مكان الاقامة : وطن الجمال اينما وجد .. مدينتي بلا عنوان
رد: جارح (مسابقة القصص القصيرة)
!هادية! كتب:كلمات بسيطة ولكن وراءها عمق كبيررغم انك حاولت ان تبتسم من خلف السطور وتخبيء حزن كبير خلف رواية كريم الا ان تنهيدة الالم احسستها ووصلتنيكاجو الخلوق .. لا اعرف عن قوانين المسابقة ولا راي الحكام في اي عمل سنكتبه ولكني اعرف شيء واحدان الصدق يصل وحتي لو كان بالعامي البسيطاتمني لك كل السعادة والتوفيق في حياتكوايضا التوفيق هنا في هذه المسابقة التي هي رمز تنافس نعيشه يوميا في سباق مع الايامتقبل مروريتحياتي واحترامي
يشرفنى مرورك هنا يا هادية و تكونى اول شخص يعلق على قصتى
انا كتبت قصة عشان الناس مش تزعل مش اكتر
ويبقى فى تنافس بين الاعضاء
وصدقينى مش يهمنى افوز او لا
__________________________________________________
رغى كتيير مش حابب
كلام وأساطير مش لونى
انا واحد مشاغب
وده فى دمى من يومى
هتقولى بلاها مقالب
هقولك بلاش تلعب فى عدادك يا بيومى
رد: جارح (مسابقة القصص القصيرة)
احيانا اما نضحك اووي بنكون انجرحنا اووي
هي الدينا كدا بتموت فيها حاجات عشان تتولد حاجات
كتبت كلام من القلب فوصل للقلب
هز المشاعر بعنف برغم بساطتة وعفويتة
ارفع لقصتك القبعة
لايك
صديقي جارح خليك زي ما انت القادم احلي
كل ما الدينا تديلك وتشيل وتحط فيك ابتسم
يومك بيضحك صديقي
__________________________________________________
اكرهني بصدق
تجاهلني بصدق
احبني بصدق
هكذا ساحترمك
3del- مستشار المنتديات
-
الجنس :
تاريخ الميلاد : 08/12/1980
تاريخ التسجيل : 29/07/2016
عدد المساهمات : 2131
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان
رد: جارح (مسابقة القصص القصيرة)
3del كتب:احيانا اما نضحك اووي بنكون انجرحنا اوويهي الدينا كدا بتموت فيها حاجات عشان تتولد حاجاتكتبت كلام من القلب فوصل للقلبهز المشاعر بعنف برغم بساطتة وعفويتةارفع لقصتك القبعةلايكصديقي جارح خليك زي ما انت القادم احليكل ما الدينا تديلك وتشيل وتحط فيك ابتسميومك بيضحك صديقي
حبيبى حبيبى يا عادل
هههههههههههههههههههههه بس مفيش اكتر من كدة ضحك يا كبير
__________________________________________________
رغى كتيير مش حابب
كلام وأساطير مش لونى
انا واحد مشاغب
وده فى دمى من يومى
هتقولى بلاها مقالب
هقولك بلاش تلعب فى عدادك يا بيومى
رد: جارح (مسابقة القصص القصيرة)
هو انت حاجة من اتنين
يارخم لاما رخم
مفيش اختيار تالت
هو انت يا اما تهرج وتفرسني
لاما تخليني اعيط
حقيقي بجد بعيد عن اي تهريج كلامك من القلب
ومن الطبيعي اللي من القلب بيوصل بمنتهي السهولة للقلب
جميلة جدا قصتك برغم كم الجروح والالم والحزن
سلمت وسلمت يداك كاجو
__________________________________________________
( أميرة أرق ملاك )- مراقب عام المنتديات
-
الجنس :
تاريخ الميلاد : 08/02/1969
تاريخ التسجيل : 07/06/2016
عدد المساهمات : 2559
مكان الاقامة : القاهرة
رد: جارح (مسابقة القصص القصيرة)
( أميرة أرق ملاك ) كتب:هو انت حاجة من اتنينيارخم لاما رخممفيش اختيار تالتهو انت يا اما تهرج وتفرسنيلاما تخليني اعيطحقيقي بجد بعيد عن اي تهريج كلامك من القلبومن الطبيعي اللي من القلب بيوصل بمنتهي السهولة للقلبجميلة جدا قصتك برغم كم الجروح والالم والحزنسلمت وسلمت يداك كاجو
اعمل ايه بس يا ميرة
حياتى اعمل فيها ايه بقى ؟ ؟ ؟
سيبك انتى منورة المنتدى
__________________________________________________
رغى كتيير مش حابب
كلام وأساطير مش لونى
انا واحد مشاغب
وده فى دمى من يومى
هتقولى بلاها مقالب
هقولك بلاش تلعب فى عدادك يا بيومى
مواضيع مماثلة
» وعد ورسالة (مسابقة القصة القصيرة)
» كابوس ( مسابقة القصة القصيرة )
» مسابقة فرسان في الميدان
» صور مسابقة القسم الادبي
» اين انا ( مسابقة فرسان ف الميدان )
» كابوس ( مسابقة القصة القصيرة )
» مسابقة فرسان في الميدان
» صور مسابقة القسم الادبي
» اين انا ( مسابقة فرسان ف الميدان )
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 17 مايو 2024, 5:47 pm من طرف شاهستا
» نُونْ
الجمعة 17 مايو 2024, 1:28 am من طرف قلبي معك ~
» تويتات على جدار حياتي
السبت 11 مايو 2024, 2:32 pm من طرف أيمن حسن
» فيما تفكر الان.
الأربعاء 08 مايو 2024, 12:24 pm من طرف قلبي معك ~
» أخبروني
الخميس 18 أبريل 2024, 8:13 pm من طرف قلبي معك ~
» ألتراس | Ultras
الأربعاء 10 أبريل 2024, 9:57 pm من طرف okA
» سجل حضورك بكلمة لحد ف بالك 2017
الأربعاء 10 أبريل 2024, 9:29 pm من طرف okA
» ملاعب - Stadiums
الإثنين 11 مارس 2024, 11:54 am من طرف okA
» عزفي علي آلة العود
الثلاثاء 05 مارس 2024, 7:32 pm من طرف Aseed