مي عز الدين: لهذا السبب رفضت إدارة MBC طلبي

مي عز الدين
عدد كبير من الرسائل وصلت الممثلة مي عز الدين للشكوى بخصوص عرض مسلسلها الجديد "وعد" عبر شاشة "MBC مصر 2"، لعدم معرفتهم بالقناة.

وأعلنت مي عز الدين أنها طالبت إدارة MBC بعرض المسلسل عبر قناتي "MBC مصر" و"MBC مصر 2" لأن محبيها ليسوا على علم بهذه القناة، لكن طلبها قوبل بالرفض القاطع من القناة، بحجة أنهم بحاجة للترويج للقناة من خلال عملها الجديد.

وقبلت مي التحدي وبدأت في الترويج لتردد القناة، وكتبت عبر حسابها بموقع Facebook: "طيب أنا قضيت اليومين اللي فاتو بحاول أطالب إدارة قنوات (MBC مصر) بزيادة إعادات المسلسل وعرضه علي قناة Mbc مصر كمان، لأنه يتعرض على (Mbc مصر 2) فقط، ودي ناس كتير مكانتش تعرفها ولا منزلاها وهو المسلسل الوحيد (((اللي من إنتاج شركة تابعة ليهم وبالتالي كان من المنتظر الاهتمام بعرضه على قنواتهم الاثنين))".

وتابعت: "ومع ذلك مش راضيين يخلوه يتعرض علي القناتين بتوع (Mbc مصر) و سايبينه على Mbc( مصر2) بس، و في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف !!!".

وأضافت: "يعني أنا كدة مطلوب مني أقوم قناة لوحدي!!! تمام وأنا بقول لـMBC قبلت المسؤولية وبإذن الله ربنا يكرم والقناة والمسلسل يتشافوا، والحمدلله فيه علامات باينة من كم الإعلانات اللي جه من بعد أول حلقة للمسلسل وغيره وأنا هعتبره امتحان ليا يعرفني قدري عند الناس وهل فعلا بيحبوا مسلسلاتي أو لا ونسبة الجماهيرية اللي وصلتها إيه، مع أني مهما كان ليا جمهور أكيد كنت أتمني أني أتشاف من الناس اللي مش من جمهوري لأن ساعات بتكون كمشاهد ملكش في ممثل لكن لو قابلت حلقة لمسلسله بالصدفة وعجبتك بتقرر تتابعه، وده في الآخر بيبقى خلاني كسبت مشاهد جديد بقى بيحب يتفرج علي أعمالي، وده طبعا مش هيحصل السنة دي لأن مفيش حد بيبقي معدي وبيشوف القناة دي بالصدفة، الناس لسه أصلا بتتعرف على طريقها من خلالنا و بينزلوها ... لكن قدر الله و ما شاء فعل و بالتالي عندي طلبين أولا بطلب من جمهوري وروابط المعجبين بتاعتي تساعدني في نشر تردد القناة لكل الناس اللي مش عارفة تجيبها".

ووجهت طلب من الصحافة بالشهادة على جماهيريتها، فكتبت: "بطلب من صحافتنا تشهد، أنا بدأت رمضان بقناة كم الناس اللي عارفها قد إيه و صفحتها حتى على الفيسبوك فيها كام، و بعد رمضان تقولولي بأمانة هل قدرت فعلا في ظل الظروف دي أنجح ولا لأ، و متابعة نسبة مشاهدة القناة على آخر رمضان هتكون وصلت لأيه، و مشاهدة المسلسل على موقع (شاهد دوت نت)، وصلت لأيه لأنه المكان الوحيد اللي الناس تقدر تشوف الحلقة فيه لو موصلوش للقناة، شهادة الصحافة والجمهور ساعتها تعويض يكفيني". ‫



واستجابة لطلب مي عز الدين، فعدد متابعي الصفحة الرسمية لقناة "MBC مصر 2" الآن هو مليون و70 ألف شخص.

"وعد" من بطولة مي عز الدين، أحمد صلاح السعدني، حازم سمير، وحسن حسني، وكارمن لبس، ومحمد الشرنوبي، وملك قورة، وسامية الطرابلسي، وحسام داغر، من تأليف محمد سليمان عبد المالك، ومن إخراج إبراهيم فخر، ومن إنتاج شركة O3.