الدخان الملعون ( الجزء الخامس )

من طرف **3del** الخميس 14 سبتمبر 2017, 1:11 am

الأصدقاء الأعزاء

اسعد الله اوقاتكم

استكمالا لاستعادتي القلم

معي ومعكم

قصة جديدة بعنوان

الدخان الملعون

سأبدأ فيها فور أنتهاء

قصة صرخات الألم

اتمني ان تترجم الأفكار الي حروف

لا يهم ان تكون كاتبا لتكتب

الأهم أن يحيا قلمك ولا يموت

حتي وان ماتت كل الأشياء حوالك

معي ومعكم قريبا

الدخان الملعون

من طرف **3del** الخميس 14 سبتمبر 2017, 1:31 am

قصتي حتكون لفتاة يتيمة

شاءت الأقدار

أن تكون خالتها هي كل أسرتها

ولكن هل تفلح مي ف حياتها القادمة ؟

هل تنجح أن تتخلص من كل أسرتها

وأين ذهب بيتها الصناعي أسوة

أن بعد موت الاب والام

والمعيشة ف بيت ناس آخرون

حتي وان كان اقرب المقربون

يسمي البيت الآخر بالبيت الصناعي

هل ستفلح ف دراستها الجامعية

وهل ستتخلص من الشيخ وما فعلة

وما سر الدخان الملعون

وما علاقتها بهاني

ولماذا الموت المصير المحتم لها

كل هذة التساولات

سوف اجيب عنها

قريبا

من طرف **3del** الجمعة 15 سبتمبر 2017, 1:57 pm

شاءت الأقدار أن يكون قدومي للحياة هو اعلان القدر وفاة امي حتي قبل ان اراها او تراني

وولدت انا للحياة ولم اري الا ولدي وكان دائم السفر ككثير من الاباء لم اعرف معنى كلمة ام او اب يجتمعان علي مائدة طعام

هكذا باختصار بدايتي

انا مي عايشه مع خالتي

وهيا زى امى وهيا كل حاجه ليا امى توفت وقت الولادة وبابا زعل جدا لما ماما توفت ومتجوزش بس كان دايما بيسافر كتير ومكنتش بشوفه غير لما كان بينزل مصر كل سنه وتوفي لما كان عمري ١٢ سنه خالتي حد طيب اوى وكمان حنينة اوى و بتعاملنى زى بنتها

انا ف مرحلة الابتدائي كنت متفوقه جدا في الدراسه

و بطلع من الاوائل

حياتى عاديه جدا زى اى بنت ف سن الطفولة بروح المدرسه

وبرجع البيت وعشت فترة

طفولتى لعب وحياتي هى المدرسة

وخالتي وأوضتي

من طرف **3del** السبت 16 سبتمبر 2017, 12:48 am

خالتي دايما كنت وانا راجعة من المدرسه كنت دايما اشوفها بتتخانق مع نوال جارتنا وكانت بتقولها

لعلمك انا عارفة اللى انتي بتعمليه ولو مبطلتيش عمايلك دي انا مش هسكت

ولما خالتي كانت بتشوفنى كانت بتشدنى وتدخلنى الشقه

تقريبا الخناقات بينهم كانت شبهة

يوميا

وفي يوم كنت راجعه من المدرسه وسمعت صوت خناق خالتي مع ابلة نوال زى العاده بس المره دى كانت الخناقه شديده اوى لدرجه اني خفت من الزعيق بينهم وجريت علي الشقه وخالتى بعدها بدقائق دخلت ورايا وقالتي مي ياحببتى حضري نفسك احنا هنروح مشوار قولتها فين ي خالتو قالتي

كلي بس وحنروح ونرجع ع طول

وانا ف السكة حفهمك وهجبلك حاجات من اللي انتى بتحبيها واحنا رجعين انا فرحت اوى وكلت بسرعه عشان عاوزه اخرج واتفسح واشترى الحلويات الي بحبها

ومفيش وقت بسيط وخالتي قالتلي يلا ي مي البسي بسرعة عشان ننزل وفعلا بسرعة لبست وخرجت انا وخالتي ورحنا بيت قديم اوى في مكان بعيد عن البيت

حوالي 3 ساعات وخبطنا ع الباب وخالتي ماسكني ف ايدها وفتحتلنا الباب ست لابسة جلابية سودة وقلتلها عم الشيخ هنا

ردت عليها وقالتها اه موجود اتفضلي دخلنا والست الي فتحت الباب رجعت تانى وكلمت خالتي وقالتلها انتى حجزه ولا لسة هتحجزى جلسه

خالتي رديت عليها وقالتها لا انا اتصلت بعم الشيخ قبل ما نيجى بلغية بس ان ام مي وصلت

ردت عليها وقلتلها ماشي

دخلت ورجعت بعد ثوانى

وقالتها اتفضلي عم الشيخ

منتظرك

دخلنا اوضه كبيرة مليانه دخان وبخور وكانت ريحتة وحشه والشيخ دة قاعد علي كرسي وقدامه طبق وييرمي فية بخور وكل شويه يطلع من البخور ويحطه في الطبق وراحت خالتي باست ايده وقالتي

بوسي ايد سيدنا ي مي

والي هنا ينتهي الجزء الأول

الي اللقاء ف الجزء الثاني

من طرف **3del** السبت 16 سبتمبر 2017, 8:12 am

وبوست ايد الشيخ وقعدنا انا وخالتي أدام الشيخ في الاوضه وخالتي قالت

دى مي اللي كلمتك عنها يا شيخ ابتسملي وقام من مكانه

وجه عليا وراح حاطة ايدة

علي راسي وقعد يتمتم بكلام

مش مفهوم وبعدها شال ايدة

من علي راسي وقال تمام تمام

طبعا انا مش فاهمة في اي

ولا رحنا للشيخ اصلا وابص لخالتي واقولها ف اي ي خالتو

واحنا هنا لية اصلا تبصلي بعينها

وسكت لما اشوف ايه الي هيحصل

الشيخ طلب من خالتي انها تطلع بره وتسبني معاة لوحدينا

بصراحة انا رفضت كنت خايفة من المكان وكل شيء واصريت ان

خالتي تكون موجودة وابتسم الشيخ ضحكة خبيثة وقال خلاص خليكى عشان عروستنا تتطمن

وراح الشيخ جايب كوباية ماية وحط عليها حاجة لونها احمر

وقعد يقول كلام غريب زي

اللي كان بيقولة وهو حاطط

ايدة علي راسي طلب منى ان اشربها بصيت لخالتي حسيت انها عايزة كدا المهم اخدت الكوباية

وشربت منها شوية بس كان طعمها وحش جدا مقدرتش ابلعها

غصبت عليا خالتي وقالتي

حاولي تشربيها ي مي

انا غصبت علي نفسي وشربت الكوباية للاخر وبعدها محستش بحاجه وحسيت اني عاوزه انام وفي ثوانى كنت نايمة

اول مانمت شوفت زي ما اكون في مكان واسع اوى وف اصوات كلاب كتير حوليه وزي ما اكون في مقابر قومت من مكاني ومش عارفه اروح فين المنظر يخوف اوي

والجو ضلمة ومش شايفه اى حاجه وشوي ابص للسماء وشوي اجري زي المجنونة وصوت الكلاب كتيره

وبتقرب عليه نفسي اصحى وافوق ومش قادرة والكلاب شكلهم مرعب اوى وكل ما اجرى اقع واقوم واكمل جرى لحد لقيت نفسي

ف مكان مفهوش الا قبر واحد

وسامعه صوت خبط جواة

ومش عارفه اتحرك من مكاني والصوت بيزيد ويزيد وفجأة

اتفتح باب القبر وخرجت منة روايح كانت حتخنقني وزواحف بتسحف عليه واتحولت لست وشها محروق

وجلدها بيقع وملهاش عيون

وطالع منها صراخ وعايزة تموتني

قعدت اصرخ بس صوتي مش طالع

ولا عارفة اتحرك من مكاني

والست هجمت عليه ومدت ايدها علي رقبتى وفضلت تضغط علي رقيبتي وتصرخ وحسيت أن روحي

بتطلع واغمي عليا

والي هنا ينتهي الجزء الثاني

الي اللقاء ف الجزء الثالث

من طرف **3del** السبت 16 سبتمبر 2017, 4:17 pm

وفوقت علي خالتو بتمسح وشيء

بالماية وانا بصرخ واهلوس واقول ابعدوها عنى انا عايزة اخرج من هنا حضنتني خالتي وقعدت تهديني والغريبة ان الشيخ ابتسم ابتسامتة الخبيثة وقال لخالتي كده خلاص انا عملت المطلوب وعليكى انتى بقا تنفذي الباقي وتقدروا تمشو الان

خالتي سندتنى لحد ماطلعنا من البيت وركبنا عربية ووصلنا البيت وطول الطريق مش حسه باى حاجه حوليه عاملة زى اللي واخدة بنج ومش بنطق بحرف لحد ماوصلنا البيت ومن هنا بدأت معاناتي وماساتي

واول ما وصلنا البيت كنت محتاجه اني انام دخلت اوضتي

وحطيت جسمي علي السرير نمت علي طول وحسيت أن ف صوت همس في اذنى قومت من علي السرير عشان اعرف الصوت ده جاي

وزي ما تكون انتقلت لمكان واسع اوى ومن فوقي ضوء القمر وشيفه النجوم ببص حوليه عشان استكشف ايه المكان الي انا في مش باين اى معالم منه قوم وحطيت رجلي علي الارض ومشيت وانا مش عرفاة رايحة فين

بس حسة بحرارة في جسمي كلة

وبدات اسمع اصوت كلاب جاية عليا وصرخات زي ما يكون

حد بيعذب حد وفجأه ظهر

دخان كتير حوليه اتشكل علي شكل الست اللي كانت عايزة تخنقني

وانا عند الشيخ كانت لبسه لبس غريب جلابية سودة ووشها مرعب وجلدة محروق والجلد بينزل من وشها انا حطيت ايدى علي وشي عشان مش عاوزه اشوف وشها

وهي تقول شوفي نتيجة أفعالك

مش حسيبك حموتك واعدت تتمتم بكلام غريب مش مفهوم كلام انا مش قدره افهمه وكل ما تقول الكلام ده جسمي كلوه يتنفض من مكانه كل ما تزيد في الكلام يحصل لجسمي خبط وهياج فوق الخيال

والي هنا ينتهي الجزء الثالث

الي اللقاء ف الجزء الرابع

من طرف **3del** السبت 16 سبتمبر 2017, 8:13 pm

ولقيت الست بحركه مفاجأة زي

متكون تعبان ولفت علي جسمي سلسله كانت سخنه جدا وقعدت تسحب فيا وتسحب بقوة شديدة

لحد ما حدفتنى في القبر وقفلت الباب علي وحاسة بانفاس كتير وصوت عضعضة اسنان وفي ايد مسكتنى من كتفي وغرزت زي سكين ف ظهري وحسيت بالم شديد في ظهري والالم افقدني الوعي وصحيت وانا برتعش وحسه بالم شديد في كل جسمي الم مش قدره اتحمله قومت بالعافيه من علي السرير عشان احاول ادخل الحمام واغسل وشي عشان افوق من الي انا في ده رحت علي الحمام وفتحت الباب ودخلت ناحية الحوض بس عينى لمحت انعكاس وجهي في المرايا بس مكنش انعكاس وجهي ولا حاجة كان وش نفس الست الي شفتها في الحلم

واللي كل مرة بشوفها وقعدت اصرخ وسمعتني خالتي وجريت عليا خالتي وراحت مصرخه في وشي وانا ولا فاهمة شيء

ومش عارفة هى شايف اية

خلالها تصرخ كده

وقالتي خالتي مالك ي بت يا مي انتى شكلك عامل كده ووشك ورام كدا لية وليه هدومك مقطعه ووشك عليه ضرب وخرابيش وايدك محروقه لية

وطبعا انا مكنتش مركزة واغمي علي وفوقت وانا ف السرير وخالتى جمبي وبتقولي احكيلى

مالك ي حبيبتي

حكتلها كل حاجه حصلت من ساعة ما جينا من عند الشيخ الملعون ده وكل حاجه شفتها في من ساعتها لدلوقتى ردت وقالت احنا لازم

نروح لعم الشيخ يشوفلنا حل

صرخت وقولتها شيخ مين اللي هيتصرف ما هو السبب ف اللي انا فية مش حروح عند تاني بصلتي خالتي زي متكون مش عاجبها الكلام وفجاة سمعنا صويت وصراخ ف الشارع وعربيات مطافي طلعنا جري ع البلكونة

وعرفنا ان بيت نوال جارتنا

بيتحرق والنار ولعة ف البيت كلة

والي هنا ينتهي الجزء الرابع

والي اللقاء في الجزء الخامس

الدخان الملعون ( الجزء الخامس )

الدخان الملعون ( الجزء الخامس )

مقدمة

مقدمة

الجزء الأول

الجزء الثاني

الجزء الثالث

رد: الدخان الملعون ( الجزء الخامس )