رد: كمباوندي

من طرف **ahmed 22** السبت 18 مايو 2019, 12:32 am

المفروض في نهاية الاقتباس ده

اللي كاتبه يقول هالالوياااا

انا قريت الكلام زي الجماعة السمر الجمال دول

بيقولوها في خطاب الكنيسة في الافلام الاجنبي كدا ههه

انا بهزر طبعا

هقولك حاجة والله يا هادية

اعتقد انك شايفة كلامي من منظور بعيد شوية

وهو الشكوي من الحياة او التشائم ..

الأمر بعيد عن كدا اطلاقا

كلامي هنا عامة عبارة عن اسقاط سياسي مش اكتر

علي الوضع الحالي في بلدنا ..

يمكن انتي علي ما اتذكر مش عايشة في مصر تقريبا

فمش واخدة بالك من الشكل بتاع البلد الي حد ما ..

الحمد الله انا راضي جدا

وعلي فكرة انا عايش كويس وحياتي مرتاحة الحمد الله

بفضل ربنا ..

بس اكون أناني لو انا عملت ديليت لكل اللي حواليا

علي فكرة انا قاسي علي نفسي مش اكتر

يمكن التهكم والسخرية اللي في كلامي زايد شوية

بسبب اني كنت متوقع شئ وحصل شئ تاني

كنت متأمل في شئ وشوفت شئ تاني

كنت شايف انه من الطبيعي انه يحصل حاجة وان الناس تتعلم

وطلع اني مش فاهم اي حاجة خالص عن ان ازاي الناس بتفكر ..

انا مش بشكي ولا بنكر النعم اللي ربنا اداها لينا

انا متعجب بس ان الناس بترفس النعم والفرص اللي ربنا بيديها ليها ولينا

عشان نبقي افضل بمنتهي السهولة والغباء مش اكتر ...

واعتقد اني اتهكم او حتي لو ظهر انا بتشائم ولو لفترة بسيطة

ده اقل حق ليا ..

من طرف **!هادية!** السبت 18 مايو 2019, 12:51 am

هلا احمد

ممكن انا مش كنت اعرفك عن قرب في الفترة اللي كنت انت فيها بالمنتدي بس في المرات المعدودة اللي تناقشنا حول الموضوع مكنش صعب

افهم اني بتعامل مع انسان يحمل عمق إنساني جميل.

انت تكلمت او قيّمت حياة كاملة من خلال مواقف او اسقاطات اجتماعية وسياسية وانا تحدث عن الحياة في المجمل بكل زخمها السياسي

والاجتماعي والشخصي ..

ربما انا مش عايشة ف مصر ولكني وطنية الهوى والروح .. واتابع عن قرب اغلب الاحداث واحاول ان أتوسم الخير كل الخير في الغد ..

سعيدة جدا بنقاشك الهادئ الأنيق رغم احساسي في بداية الموضوع انك مش حابب النقاش او الاراء اللي بتكون غالبا مكررة ومملة بس

حبيت اقتحم الكومباوند بكلاشنكوف هادي

شكرا لسعة صدرك ايها الانيق

من طرف **ahmed 22** السبت 18 مايو 2019, 1:10 am

والله ده اقتحام فايف ستارز والله هههه

واانجليزي واقتباسات .. يعني حاجة فخيمة

انا اسعد اكيد يا هادية وبالعكس انا احب اناقش بشكل عام

واكيد ماقدرش اشكك في اي شئ يخص وطنيتك ..

انا كان قصدي انك مش عايشة المشاكل او اثار القرارات عن قرب

وبتشوفي الناس وتسمعي منهم او بتشوفي أفعالهم وعايشة بينهم

الدنيا اتغيرت .. مش عاوز اقول الناس استوحشت اخر 5 سنين

في كلام كتير جدا ممكن يتقال بس ماعتقدش له محل حاليا

وفي حاجات تتحس صعب انك توصفيها بكلام

لانك مش هتقدري تجرحي في الواقع اكتر ما هو مجروح

انا طول عمري متفائل علي المدي البعيد

بس احيانا الواحد بيكون حابب يعيش شئ كوويس علي المدي القريب

عامة انا بتمني ليكي كل التوفيق يا هادية

وسعيد طبعا بنقاشك وحضورك الراقي كشخصك