سر عائلي + 18

من طرف **3del** الأحد 07 أغسطس 2016, 12:06 pm

السلام عليكم ورحمة الله وبركاتة

اصدقائي الاعزاء

اسعد الله اوقاتكم

يسعدني ان اقدم لكم

سر عائلي

القصة من خيالي ولا تعبر من قريب او بعيد عن اشخاص حقيقين

وسامحوني اردت ان انقل افكاري بكل ما يكمن ف عقلي من كلمات ولكني وجدت

ان الامر اصعب من ان يصاغ بالكلمات

فعفوا واتمني ان تستمتعوا معي بالقصة

نور: حازم وحشتني اوي انا زعلان منك اووي

انت ازاي متقوليش انك جيت من السفر !!

حازم: نور انا رجعت من السفر من اسبوع

نور: مممم راجع من اسبوع وانا معرفش طب لية ؟

واية الجلابية الي انت لابسها دي ولية مربي دقنك كدا ؟

حازم: نور انا جيبتلك معايا السبحة دي وشوية كتب دينية هدية ليك

نور: حازم ف اية وانت بتكلمني كدا لية ؟

هو انا مش وحشتك ؟

اصل انت وحشتني اووي ممكن ندخل نتكلم ف اوضتنا جوة ؟

حازم: نور افهم انا مينفعيش اكمل معاك ف السكة دي

السكة دي ؟

نور: حازم انت بتهزر صح قولي بتهزر

حازم: ي نور افهم انا عملت عمرة ونويت اتوب وعايز نبطل الحاجات دي

حرام انا قرفان من نفسي اووي

نور: بسهولة كدا بعد سنة كاملة بنعاشر بعض جاي تقولي قرفت

وبقيت انا شيطان رجيم وانت التائب

انت كداب وغشاش وبمليون وش وادي مفتاح شقتك

وانا حمشي ومش حتشوف وشيء تاني

دة صديقي حازم بقالنا سنة مع بعض تقريبا كل يوم مع بعض

وبنام مع بعض بس سابني بحجة انة تاب وندم علي علاقتنا

انا تعبت ومبقتيش فاهم اي حاجة

ازاي يسبني وانا مقدرش اعيش من غيرة

اعرفكم بنفسي

انا اسمي مراد تانية كلية فنون جميلة عندي 20 سنة

اشرف اخوي اكبر مني بسنتين رابعة كلية حقوق

اختي مني الكبيرة 25 سنة بتشتغل ف الدعاية والاعلان والجرافيك

بيتنا ف الزمالك بابا مسافر امريكا بيشتغل هناك

وتعبر ماما هي المسئول الاول عن البيت وعننا عشان ظروف سفر بابا

مش بشوفه الا مرة او مرتين بالسنة

مش عارف ابدا منين

بس حرجع معاكم خمس سنين لوراة ايام ما دخلت ثانوي

وازاي بقايت من مراد لنور

والي هنا تنتهي مقدمة قصة

سر عائلي

الي اللقاء مع الجزء الاول

تابعونا

من طرف **3del** الأحد 07 أغسطس 2016, 7:04 pm

الجزء الاول

تعالوا ادخلكم جوة بيتنا قبل مقولكم لية بقيت نور ومش مراد

ماما هي اللي شجعت بابا انه يسافر عشان الامور المادية والمستقبل والمستوي الاجتماعي لينا

تشوفها متقولش ان احنا ولادها مهتمة بنفسها كتير

بتحب الموضة كتير وبرغم حدتها معانا

الا انها برة البيت كيوت ومودرن اووي

اشرف اخويا حياتة ما بين الجامعة والنادي طول النهار

وطول الليل نت وبنات وما خفي كان اعظم

مني اعقل حد ف البيت بنت شايلة همنا كلنا

من واحنا صغيرين لدرجة انا فاكر كويس ف يوم

ضاع مني الخاتم بتاعي جريت عليها قولتها انا خايف

مامي تضربني عشان ضيعت الخاتم وقعدت اعيط

قالتي متخفش ي مراد وراحت قالت لماما انها اخدت

الخاتم مني عشان تلعب بية وضاع منها

وفاكر يومها اخدت علقة من مامي كبيرة اووي حتي مع

اشرف كانت دايما تساعدة بمصروفها اما يخلص مصروفة

بعتبر مني تؤامي بتفهمني من غير ما اتكلم وكتير كنت

بتمناها تكون هي مامي

اها نسيت اعرفكم علي تيتا عكس مامي خالص شخصية سلبية

ساكتة مالهاش راي

يمكن مامي ورثت طبع جدو وطلعت عكس تيتا خالص

اما بابا انا اتولدت وهو مسافر عارفين اول مرة شفتة

فيها خوفت اسلم علية واتخبيت وراء مامي

وكتير كنت بحس انة بيكهرني واما كنت احتاج شيء اجري

علي مامي وبرغم قسوتها

لكن كانت اقربلي منة بابا يعتبر خزينة فلوس ومالوش

علاقة باي شيء ف حياتنا

حكايتي ابتدت زي اي شاب ف سني ف مرحلة المراهقة كنت

تقريبا 15 سنة

وصلت لمرحلة البلوغ بس ما حسيت بيها زي اي شاب

مكنش عندي رغبة تجاة البنات زي الاولاد

افتكر ف يوم كانت مامي قررت اني ادخل ثانوي كنا ف

النادي وحصلي شيء غريب

بالرغم ان النادي كان فية بنات كتيرة واغلبهم لابسين

مايوهات لكن ما اتشديت لاي حد

والغريب اني لاقيت نفسي ببص علي الاولاد مكنش جويا رغبة

في اي شيء ولا شهوة ليهم كنت بسس ببص عليهم وببتسم

وفجاة مني بصلتي وقالتي انت لية قاعد معانا ؟

ومش بتعوم ف البسين ولية بتبص علي الاولاد كدا

انا كنت بحس انها عارفة ميولي وحاسة بيا وبتفهمني من

نظرة عيني لكن مكنتش قادر احكي

واقول ان جوايا ميول ناحية الاولاد وابتدي اول حب

بحياتي مع كريم ف مرحلة الثانوي

كنت بحبة اوي ودايما بسال علية وبسهر اكلمة ف الفون

بس هو ولا حاسس بحاجة خالص

وف يوم دخلت مني عليا وانا بكلم كريم وقالتي

والي هنا ينتهي الجزء الاول من

سر عائلي

من طرف **Admin** الإثنين 08 أغسطس 2016, 12:06 am

متابعة ..~

من طرف **3del** الإثنين 08 أغسطس 2016, 12:27 am

Admin كتب:
متابعة ..~

شرف لي متابعتك حلا

تحياتي الك

من طرف **!هادية!** الإثنين 08 أغسطس 2016, 11:04 pm

الراقي الخلوق عادل

مساء طيب وجميل

بداية شيقة

اتابع ...

مع تمنياتي لك بالتوفيق

من طرف **3del** الثلاثاء 09 أغسطس 2016, 8:50 am

!هادية! كتب:
الراقي الخلوق عادل

مساء طيب وجميل

بداية شيقة

اتابع ...

مع تمنياتي لك بالتوفيق

يسعدلي صباحك هادية

يشرفني متابعتك

تحياتي الك

من طرف **3del** الثلاثاء 09 أغسطس 2016, 8:11 pm

مني: مراد انت مش سامعني بقالي ساعة بنادي عليك

مراد: سوري ي مني بكلم كريم وماخدتش بالي

طيب ي كريم شوي واكلمك تاني باي

ايوة ي مني ف اية

مني: مممم مش ملاحظ انك بتكلم كريم كتير وبتنسي الدينا اما بتكلمة

مراد: قصدك اية ي مني حاسس بعينك كلام عايزة تقولية

مني: ايوة ي مراد لسة مجاش الوقت اللي عايز تحكلي فية كل حاجة ؟

مراد: انا كنت حاسس من زمان بانك عارفة كل حاجة

وخلاص مبقتيش قادر اخبي اكتر من كدا تعبت ومحتاج اتكلم

انا شاذ ي مني

وبميل للاولاد اكتر من البنات

وبحب كريم اووي وهو مش حاسس بيا ومش عارف اعمل اية ؟

نفسي اعرف انا مين انا شاب ولا بنت ولا انا اية تعبت تعبت

مني: انا حاسة وفاهمة كل حاجة ارجوك اهدي وكل حاجة ليها حل

وبسرعة مني راحت وحكت لماما كل حاجة درات بينا بالتفصيل

ماما رفضت الموضوع وقالت لمني ابني كويس ودي كلها مرحلة مراهقة

ومشاعر متلخطبة

وجية وقت المواجهة مع ماما

ماما: مراد صحيح اللي بتقولة اختك مني دة ؟

مراد: ايوة ي ماما بس والله محصليش اي حاجة بيني وبين اي حد

ماما: ي حبيبي انا مصدقاك وعارفة ان دي مرحلة تخبط وحتعدي

ومن بكرة ف دكتورة صاحبتي حنروحلها

ونشوف رايها اية

وبدات رحلتي مع العلاج ولسوء جظي الدكتورة اللي رحت عندها

سابت كل المشكلة وعلقت علي شعري الطويل وان بشرتي ناعمة وصوتي واطي

واكتفيت باللوم باني لازم استرجل واعلي صوتي وكتبتلي شوية ادوية للاكتئاب

ومضادات تقلل الشهوة عندي وحاجات كدا

الادوية تعبت اعصابي اكتر وفقدتني تركيزي

لدرجة كنت مش بكون مركز ف المدرسة ولا حاسس بحاجة

وف مرة مدرس العربي استاذ محي وقفني وسالني

محي: قوللي ي سوسو احنا كنا بنقول اية طبعا نايمة مش واخدة بالك

وفضل يكلمني علي اني بنت ويتريق عليا وكل الفصل فضل يضحك عليا

نظرة الطلبة ليا زودت جوايا حالة التخبط

كنت بهرب من كل دة بكلامي مع كريم

لحد ما ف يوم قالي انة اتعرف علي بنت وبيحبها اووي

يومها انجرحت اووي وحسيت انة مستحيل حيحس بمشاعري

ولا حالتي وفضلت اقطع علاقتي بية نهائيا

وكالعادة ماما ف وادي وانا ف وادي ومكتفية بجلساتي العقيمة مع الدكتورة

ومني كانت ساكتة اغلب الوقت ونظراتها بتقتلني زي ما تكون خايفة تتكلم تجرحني

لكن قررت انتقم من مستر محي واعوض اللي عملة فيا ادام زميلي

وقولت لماما انا عايز مستر محي يديني درس ف البيت

وفعلا بقا يجي عندي ف البيت وكنت بكون مستمتع وانا شايفة قاعد مستنيني

ومستني الفلوس كل حصة وكل مرة وانا بقدملة حاجة يشربها كنت بتف ف الكوباية واحس بسعادة وهو بيشربها

كنت بحس اني بذلة واهينة زي ما اهاني وذلني ادام اصحابي

خلال الفترة دي وبعد انقطاع علاقتي بكريم بدات افكر اني احاول اعمل علاقات علي النت

كنت بدور علي الحب والاحتواء مش رغبة ف علاقات

ومن هنا اخترت لنفسي اسم نور وعملت اكونت باسم نور

وكنت حريص اللي اتعرف علية اشوف صورتة

واتاكد منة الاول واتعرفت علي سعيد واتفقنا نتقابل

وقولتة مقابلتنا اول مرة حتكون تعارف بس كنت خايف ومرعوب

وجية يوم المقابلة

والي هنا ينتهي الجزء الثاني من قصة

سر عائلي

الي اللقاء مع الجزء الثالث

سر عائلي + 18

سر عائلي + 18

الجزء الاول

رد: سر عائلي + 18

رد: سر عائلي + 18

رد: سر عائلي + 18

رد: سر عائلي + 18

الجزء الثاني