أقاصيص العصر ^متجدد^

من طرف **queen of zagazig** الإثنين 15 أغسطس 2016, 10:22 pm

السلام عليكم

أصدقائى الأعزاء

سأسرد لكم بذلك المتصفح مواقف قد تعرض لها الكثير

سواء بين عاشقان او زوجان او اخوان او العم والجد والجدة والاب والام

البعض قد يؤلم والبعض قد يبهج وأيضا قد يُضحك

متجدد..

من طرف **queen of zagazig** الإثنين 15 أغسطس 2016, 11:03 pm

هو:فاكرة اما كنتى بتقوليلى انت اغلى حاجة فحياتى وعمرى مهبعد عنك؟

هى: امتى؟..انا قولت كدة؟مش فاكرة

هو:طب فاكرة لما كنتى بتقوليلى انا متخيلش نفسى اكون لواحد غيرك

هى:ياااه معقولة انا قولت كدة؟ اصلى بقيت مع واحد احسن منك يعنى ..ماعلينا

هو:نسيتى كل دة معقولة؟حبيتى غيرى؟مش فاكرة انك فى يوم قولتيلى انا عمرى محبيت ولا هحب حد غيرك

هى:انت متأكد ان انا الى قولت الكلام دة؟هو انا كنت اوفر اوى كدة؟

هو:انتى ايه الى جرالك ..ايه الى غيرك اوى كدة ..انا حاسس انى بكلم واحدة تانية غير الى عرفتها

هى:انا فعلا واحدة تانية ..انت متأكد ان الى قالتلك الكلام دة انا؟انا حقيقى اول مرة اشوفك

هو:انا بحبك ليه بتعملى فيا كدة؟

هى:بس الى انت حبتها مش موجودة ماتت.. من قهرتها عليك ومن قسوتك ..والى عايشة دلوقتى مش فكرالك اى حاجة لا حلو ولا وحش الحاجة الوحيدة الى هى فكراها انها فيوم اختارت انسان مفكر انها عشان كانت بتحبه انه ممكن يزلها ويهين كرامتها ..مفكر انه هيستضعفها عشان حبته ومفكر انه عادى كدة هيروح ويجرب غيرها ويرجع يلاقيها مستنياه وفتحاله درعاتها طلع حمار كبير وللاسف اكتشف دة متأخر اكتشف دة لما معرفش يلاقى زيها ..لما حس انه ضايع من غيرها ورجع علشان يحس بالامان تانى فحضنها

ثم اقتربت منه وهمست فى اذنيه

‫#‏انا‬ حياتى مش شقة ابوك تدخل وتخرج منها زى منت عايز

من طرف **زنوبيا** الجمعة 23 سبتمبر 2016, 3:23 pm

لانه في يوم ما

يشعر كل من باع

انه لا شئ

وحينها يعلم تماما قيمة

ماافتقده وكان بين يديه

من طرف **queen of zagazig** الجمعة 07 أكتوبر 2016, 10:52 pm

زنوبيا كتب:
لانه في يوم ما
يشعر كل من باع
انه لا شئ
وحينها يعلم تماما قيمة
ماافتقده وكان بين يديه

فعلا زنوبيا

يسلم مرورك

ويسلم فكرك الراقى

من طرف **queen of zagazig** الجمعة 07 أكتوبر 2016, 10:53 pm

-انا اسف
#جاى بعد ايه تقول اسف لسه فاكر؟
-انتى اللى بعدتى مش انا
#اة بعدت لما بقيت بحس ان مش فارق معاك قربى او بعدى
بعدت لما لقيتك مجمد قلبك اوى وبتدوس على كرامتى اوى علشان متاكد انى مش هعرف اعيش من غيرك..بعدت علشان كنت انت الحاجة الوحيدة اللى بخاف اخسرها

-انا مكنتش اتوقع منك انك تقدرى تبعدى عنى

#مكنتش تتوقع انى ابعد علشان كنت عارف ومتاكد انك كنت الهوا اللى انا بتنفسه وكنت بتستغل دة علشان تجرحنى وتهين كرامتى وتزل فيا زى ماانت عايز
وادينى اهه شوفت؟ بعدت عادى وعايشة والله ماموتش!!!

-طب انا غلطان وحقك عليا
#جاى تقول حقك عليا بعد ايه؟
بعد ماشوفت غيرى بعدى واتاكدت ان عمرك مهتلاقى حد كان بيحبك قدى..بعد متأكدت انى خلاص بعدت وخلاص هنساك؟
بعد مابعدى عنك طول وجريت سنة ورا سنة ولقتنى مرجعتش ليك تانى؟ كنت مفكر ايه؟ هبعد عنك يومين وارجع اقولك مش قادرة على بعدك؟ اذا كان انا لما بعدت انت حتى مسألتش عنى
-لا سالت عليكى والله لما كلمتك اول متخانقنا وانتى مردتيش عليا كنت هعمل ايه يعنى
#لا بجد فيك الخير..بس عارف؟ كان ممكن تعمل حجات كتير اوى..كان ممكن تيجى على نفسك ولو مرة فحياتك علشانى
..كان ممكن متستسلمش ومتسبنيش ابعد واخبط دماغى فى الحيط..كان ممكن تكلمنى مرة وعشرة وعشرين علشان مبعدش عنك.كان ممكن لو حسيت بخوفك انك تخسرنى ولقيتك متمسك بيا اوى كنت هحس قد ايه انت بتحبنى وهتكبر فى نظرى وعمرى مكنت هفكر ابعد واسيبك.او اكون لحد غيرك..لكن انت قولت هى هتبعد يومين وتيجى تانى وجمدت قلبك وسبتنى اطق

لا ..مهو انا كان لازم افوق..كان لازم دا يحصل
-يعنى خلاص نسيتينى؟
#مش هكدب واقول نسيتك..بس لما سبتنى ابعد..وكل يوم كان بيمر ..كان درجة حبى ليك بتقل ..وكل يوم كان بيمر وانت محاولتش تكلمنى فيه كان بيشجعنى انى انساك..وان قرارى صح
..كنت حاسة بوجع بعدك..بس كان بيهون عليا انه بيكون بالى مرتاح...وكرامتى متصانة ..وانى مبقتش جارية لحبك..تيجى عليا وتهين زى ماانت عايز

-يااه كل دة فى قلبك من ناحيتى

#كل دة ميجيش نقطة فى بحر اللى انت حسستهولى
انا دلوقتى حرة..قدرت اتحرر منك..من حبك..من قيودك..وعلى قد فى ايام وسنين بعدى منا اكتشفت قد ايه انا كنت ولاشىء فى حياتك..وسهل جدا تعيش من غيرى..انا خلاص مبقتش عاوزاك

-مبقتيش عاوزانى؟

#اة مبقتش ..انا عرفت قيمة نفسى كويس..وواحد زيك ميستاهلنيش..انا استاهل حد يستاهل

أقاصيص العصر ^متجدد^

أقاصيص العصر ^متجدد^

رد: أقاصيص العصر ^متجدد^

رد: أقاصيص العصر ^متجدد^

رد: أقاصيص العصر ^متجدد^

رد: أقاصيص العصر ^متجدد^