متزعلش

محدش فينا بيختار ان يفرح او يزعل الا بسبب حاجه حصلت له غيرته مبقاش عارف هو زعلان ولا فرحان سعيد ولا حزين مين اختار لنفسه طريق كله سعاده محدش بيحب الزعل الكل نفسه يعيش مبسوط وسعيد الكل بيكره الزعل والحزن ربنا دايمنا بيختار لينا الانسب لحياتنا حتى وانت ف حاله زعل هتلاقى حاجه جت فرحتك ده علشان يطمنك ويقولك انا معاك وجنبك اطمن انا مش بدخل جوه الناس واعرف هما مالهم بس الكل جواه قصه مش بيحكيها لحد جواه حاجات بتزعل وممكن تغيره والكل يكون عارف انهم مش متعودين يشوفوه زعلان ولا حزين هتزعل ع ايه الكل يا بيزعل ع فراق حبيب او فراق حد عزيز عليه او ع حاجه اتمناها ومتحققتش او اتحرم من حاجه ع فكره لو زعلت ع حبيبك سابك هتكون غلطان ربنا لو عايز قصتكم تكمل كانت هتكمل وممكن يعوضك بحاجه احسن من الى اتمنيته بكتير ولو زعلت ع حد غالى مات دى امانه ربنا خد امانته هنعمل ايه هنزعل مش هنرجع الى راح الى نعمله ندعيله نزوره نطلع صدقه على روحه ربنا يرحم كل متوفى لم يجد من يدعوا له كمان لو زعلت على حاجه اتمنيتها ومحصلش نصيب ليك فيها اقول الحمد لله وربنا هيعوضك وربنا مش كاتب ليا نصيب فيها عايز تعرف المعنى الحقيقى للدنيا دى اقف ع قبر حد غالى عليك لما بروح ازور ماما وبابا بعرف ان نهايتى زايهم وان هما اه ماتوا بس دايمنا بدعيلهم حزنهم وفراقهم اه كسرنى اوى مهما قولت مش هيوصف الى بحسه بس الى بيقدرنى عليه ربنا بعمله وبدعيلهم الى عايزه اقوله انا مش اهل للنصيحه يمكن اه بس جوايا احساس وبحس مقدرش اشوف حد زعلان حتى لو زعلته انا بس لما بزعلهم بندم وبتأسف بس اغلبهم مبيقبلوش وعلاقتى بيهم بيكون بينا حاجز كبير للحظه ضعف او غضب او شيطان بس انا الى بعمل ف روحى كدا وبرجع اعيط طب من الاول ليه اعمل كدا يلا نصيب المهم محدش يزعل من حاجه ولو حاجه زعلتك افتكر ان حواليك مليون حاجه تفرحك افتكر ان ربنا معاك دايمنا وجنبك وبيطمنك مش تخلى اليأس يتملك منك سامح وحب الى حواليك ولو مقدرتش تسعدهم مش تسيب جواهم اى حزن او جرح منك ليهم انا عن نفسى زعلت كتير وزعلت منى ناس كتير وف النهايه ببص حواليا مبلاقيش حد حواليا مبلاقيش صديقه او صديق احكيله الى تعبنى او الى بعانى منه ربنا يعلم بالى بكون فيه بس بتمنى ان محدش يكون زى عايز تعيش مبسوط وفرحان وسعيد ارسم الابتسامه على وشك افرح وفرح الى حواليك متشكيش ليهم همك خليهم يعرفوا عنك الابتسامه والسعاده والفرح فيه ناس كتير اوى حزينه وزعلانه ربنا يفك كربهم ويفرح كل الناس متزعلش ع حبيب راح منك حد غالى عليك مات حاجه محصلش ليك نصيب فيها كل شئ عند الله بقدر وربنا شايلك الاحسن وظن بالله خير انه هيعوضك عن كل لحظه حزن وزعل ع فكره مفيش حد بيعيش ع طول حزين ولو طال الحزن الفرح جاى جاى والسعاده جايه جايه

النهايه انت ليك رب نور زى ما قال ربنا سبحانه وتعالى فى القران الله نور السموات والارض