المواضيع الأخيرة
أفضل 10 أعضاء في هذا المنتدى
okA | ||||
( أميرة أرق ملاك ) | ||||
3del | ||||
!هادية! | ||||
♥ÊĻmȭŋăĹįžĂ♥ | ||||
KaGo0o | ||||
قلبي معك ~ | ||||
Man law | ||||
فهد الشاعر | ||||
admin12allchat |
لحظة من فضلك.
صفحة 1 من اصل 1 • شاطر
لحظة من فضلك.
السلام عليكم ورحمة الله
مش عارفة بصراحة ابدأ كلامي معاكم من فين
هل ااقول اصدقائي الاعضاء...اعضاء منتدانا الكريم
تفتكروا احنا هنا في المنتدي كام عضو؟؟؟؟؟؟؟؟؟
هل احنا فوق ال 140 عضو فعلا؟؟
ولا دي مجرد تسجيلات لاعضاء وبس
يعني ااقدر ااقول ان الاعضاء اللي هنا بالفعل بتشارك وبتتفاعل من 5 : 7 اعضاء ..يعني مش بيوصلوا ل 10 اعضاء حتي..
لحد امتي هتكون هادية بتحارب لوحدها......
واللي بيشارك
اسيد وزونبيا وفهد وعادل واحيانا جيجي وجمال
انا بوجه الكلام واللوم لنفسي قبل منكم
لاني دايما بقول لنفسي مقولة سيدنا علي بن ابي طالب رضي الله عنه وعن الصحابة اجمعين..
من ينصب نفسه للناس إماماً فليبدأ بتعليم نفسه قبل تعليم غيره، وليكن تأديبه بسيرته قبل تأديبه بلسانه
ياريت رجاء وليس امر نهتم شوية بالمنتدي قبل ما نضيعه مننا وهتكون خسارة والله كبيرة
طبعا الله اعلم بظروف كل شخص منا
ولكن الظروف مش هتيجي مرة واحدة لينا كلنا في وقت واحد
رجاء اخير
ياريت بدل ماندخل نبص ع المنتدي ونخرج بدون كتابة حرف واحد سوا التسجيل
ولا الاكتفاء بالمشاهدة دون تسجيل كأننا اغراب وده مش بيتنا والمكان الجميل اللي بيجمعنا
ياريت نحب المكان ونهتم ونخاف عليه اكتر من كدة
قبل فوات الاوان
__________________________________________________
( أميرة أرق ملاك )- مراقب عام المنتديات
-
الجنس :
تاريخ الميلاد : 08/02/1969
تاريخ التسجيل : 07/06/2016
عدد المساهمات : 2559
مكان الاقامة : القاهرة
رد: لحظة من فضلك.
وانا حقوالك الصراحة اللي الكل بيلف حولها
المنتدي اغلبة مبيحبيش بعض
ولو ف تواجد من جانب اعضاء
بيكون عشان خاطر اعضاء
انما اسرة والفة والكلام الفكسان دة رغي وكلام اونطة
كلنا فاكر نفسة صح وشهيد وافعالة كلها صح وما بيغطليش
وكل واحد عندة حججة القوية اللي بيقولها لنفسة
نادر اما بتلاقي حد بيشجع حد
وبعدين لو جيت وقولت رايك بصراحة ف حد بيزعل ويلبس وش خشب
للاسف احنا عايزين اللي يضحك علينا ويجاملنا
مش يقولنا الحقيقة
وللاسف عن نفسي
المرة دي بالذات وبعد غيابي اسبوع
اكتشفت اني بعرف المنتدي والناس من جديد
محدش بياخد راي حد مع ان كان اختلافكم معايا زمان ف القرارات الفردية مع انها كانت
جماعية بس بردة كان خيالكم بيصورلكم كدا
الاعضاء بتدخل تبص علي بعض كتبوا اية
سواء بيدخلوا اوف لاين او بيبصوا من برة المنتدي
واللي بيدخل بيكتفي برسائل وكلام بينهم وبين بعض
للاسف مفيش حد بيحب المكان وكلها مصالح شخصية
مصالح بقي من اي نوع مليش فية بقي
ولو عايزين نصلح الحال حنروح كلنا بربطة المعلم لربنا ونقولة
محتاجين خلق جديدة بنفوس نقية بدل نفوس البشر اللي اتلوثت
كلامي بشكل عام عن البشر كلهم مش ناس المنتدي اللي هما جزء من البشر
اتمني يحركنا حب المكان والانتماء لية مش امور شخصية
ولكم ف السؤال عن ركود المنتدي محطات اخري كثيرة
وسيظل السؤال قائما دائما
لية المنتدي كدا
الاجابة بداخلنا جميعا
افلح ان صدق
تحياتي للجميع
__________________________________________________
اكرهني بصدق
تجاهلني بصدق
احبني بصدق
هكذا ساحترمك
3del- مستشار المنتديات
-
الجنس :
تاريخ الميلاد : 08/12/1980
تاريخ التسجيل : 29/07/2016
عدد المساهمات : 2144
مكان الاقامة : ف مكان تسكنة الاشباح والادخنة فلا تسالني عن عنواني والا ادخلتك عالم النسيان
رد: لحظة من فضلك.
الراقية الرقيقة اميرة
مساء الخير والطيب
لم تكن كلماتك جديدة .. فكم مرة جئتي هنا لتقولي ارجوكم التفوا حول هذا البيت كي لا تتساقط اعمدته ؟
كم دعوة نبيلة رايتها منك هنا ..؟
كل هذا ان دل فانما يدل علي نقاء وجمال واماني صادقة بان لا نرحل عن بيتنا الجميل ونغلق ابوابه
انا بخير طالما هناك مثلك بكل هذا الحرص والتجرد
بارك لك بعمرك وحماك من كل شر
ومعك ادعو الجميع ان نعمل مها يدا واحدة
كفانا بعاد .. ولنبعد قليلا من الحساسية والمواقف الشخصية حتي نعيد البريق للمكان
محبتي لكم جميعا واحترامي
!هادية!- مدير المنتديات
-
تاريخ التسجيل : 03/06/2016
عدد المساهمات : 1973
مكان الاقامة : وطن الجمال اينما وجد .. مدينتي بلا عنوان
رد: لحظة من فضلك.
عليكم السلام ورحمة الله وبركاته
حاولنا قبل كده نقدم أفكار لتطوير المنتدي من ضمن الأفكار دى
كانت فكرة العمل الجماعي واللى تعتبر أهم نقطة فى الافكار اللى كانت مقدمة
ولأن زى ما بيققول عادل مافيش حب ولا ألفة ولا أخوة بين الاعضاء
لم يُلتفت للفكرة وللاسف دى مشكلة كبيرة مش بس داخل المنتدى
فى كل مكان كل واحد بيتعامل بمنطق وفكر فردي
والفرد بيكون أقل تأثيراً من الجماعة بيمل بسرعة
ومش بيلاقى حد يشجعه ويسانده فبيستسلم
وبيكتفي بالمتابعة من بعيد أو الرد البسيط
أعتقد محتاجين نحب بعض أكتر ونتعامل مع بعض بدون حساسية
وبدون سوء نية ونتفاهم بهدوء وباحترام بدون ما نوصل الأمر لجدل
واختلاف حتى وان حصل الإختلاف وشئ طبيعى أن نختلف
نكون أكثر رقياً وأدبا فى اختلافنا ..
جزيل الشكر أميرة أرق ملاك
Aseed- عضو مشارك
-
تاريخ التسجيل : 31/05/2016
عدد المساهمات : 451
مكان الاقامة : ♥
رد: لحظة من فضلك.
اميرتي حبيبتي
اولا حمدلله علي السلامة والحمد لله انك بخير
مش عارفة موضوعك سؤال ولا عتاب
بس بصراحة كلنا بنضحك على بعض احنا عارفين ان فكرة المنتديات ماتت من يوم
انتشار الفيس واللي حابب ينزل حاجة في المنتدى وش يلاقي عليها تفاعل بيروح ينزلها علي الفيس بيلاقي تفاعل كتير وروح وحديث وكلام مع الكل
لكن فكرة اننا ننزل موضوع ومحدش يرد عليه دا محبط كتير
دا سبب
السبب التاني ان كلنا كنا موجودين في المنتدي الاول بروحنا وعقلنا وكل كيانا وبذلنا قصارى جهدنا ونشرنا كل اللي عندنا لكن في النهاية كله راح
ومحدش عنده استعداد الموضوع يتكرر تاني
انا كنت متحمسه في الاول ومتحمسة جدا بس للاسف احباطات كتير
وسلبيات برضه كانت موجودة هناك بس مكناش بنهتم لانه مش دخلنا
هنكون كلنا موجودين اها مش هكذب عليكي
لكن كله جواه حب استطلاع بس حتى وجود الردود بقي صعب
بلاش نرمي اتهامات علي بعض بعدم الاهتمام والبحث عن مصالح خاصة
لان الفكرة مش فكرة اسرة والفة فعلا الفكرة فكرة مواكبة العصر وغصب عننا
اول حاجة بنفتحها الفيس لانه نشط طول الوقتومتأكدة اني هلاقي عليه حاجات جديدة
اما لما الواحد يفكر يفتح منتدى هيكون عارف الوضع من قبل ما نفتح صح ؟؟
احنا دعينا ناس كتير للمنتدى لكن اغلبهم عنده احباط من التجربة الاولى
ومنهم اللي دخل ومش لاقي حاجة جديدة
بدل ما نفكر كل شوية ازاي الناس تدخل ونتكلم عن الاسرة
الافضل اننا نعمل حاجة تشجعيهم علي الدخول
ايه هي مش عارفة بس الافضل اننا ندور علي طرق بدل ما كل شوية نلوم بعض
ويمكن فكرة الشات تنفع وتبقي خطوة اولي
اسفة للاطالة
وربنا يسعد ايامكم
__________________________________________________
ومَنْ لمْ يَعْرفَكَ يومًا
لَنْ يَفْهَمَكَ ابَـدًا ..~
..
لَنْ يَفْهَمَكَ ابَـدًا ..~
..
♥ÊĻmȭŋăĹįžĂ♥- عضو مميز
-
الجنس :
تاريخ التسجيل : 04/06/2016
عدد المساهمات : 1639
مكان الاقامة : El mahalla El kubra
رد: لحظة من فضلك.
العمل الجماعي ثم المناقشات ثم الاستمرار
هو دا الحل ان كلنا نشتغل سوا
انا شايفة ان المنتدى هنا فيه ميزة عن المنتدى القديم
هتكلم من منطلق نفسي يعني تقربيا مش جوايا غير اخووة للجميع
ومفيش بيني وبين اي شخص مشااكل وشايفة ان المنتدى فيه ركود
هتتملي ازاي النفوس حقد وكره ؟
ودا الحلو اللي هنا كلنا في بيننا روح جميلة
من وجهة نظري دا اللي شيفاه
يبقى الحل يااميرة كلنا نكون نسوا وندعو بعض للمشاركة
ونبعت لبعض موضوعاتنا انا يمكن معملتهاش لموضوعاتي
بس قررت اعملها وحتى اللي مش عاجبه الموضوع يدخل
ويقول ايه مش عاجبه وننتقد ونتعلم من بعض
__________________________________________________
سأرقُبُ لحظةَ العُرسِ
أُراقبُ أعينَ الجمعِ
نظرةَ الجمعِ
دهشةَ الجمعِ
فقد يقطعنَ أيديَهُن
بلا وعيٍ بلا حسٍ بلا آهٍ
فحسناءٌ بثوبِ النورِ تتلألأ
أُعيذها بالله من حسدٍ
من حقدٍ من ندٍ
أُراقبُ أعينَ الجمعِ
نظرةَ الجمعِ
دهشةَ الجمعِ
فقد يقطعنَ أيديَهُن
بلا وعيٍ بلا حسٍ بلا آهٍ
فحسناءٌ بثوبِ النورِ تتلألأ
أُعيذها بالله من حسدٍ
من حقدٍ من ندٍ
بقلم عمرو
زنوبيا- أعلام 12 شات
-
تاريخ التسجيل : 15/06/2016
عدد المساهمات : 420
مكان الاقامة : المملكة السعودية
رد: لحظة من فضلك.
مع احترامى لوجهة نظر اخوتى ورؤيتهم
"الفيس بوك أو ومثيله من مواقع التواصل الاجتماعي "
لا يصنع كاتبا ربما هو يساهم فى شهرة البعض لكن يبقى مجرد اعجابات أغلبها يكون سببه المجاملة
أو رد إعجاب لا أكثر ، الفيس أشبه ما يكون بالشارع الكبير المزدحم المليئ بالمحلات كل واحد يعرض بضاعته
سواء كانت غاليه أو رخيصه أخلاقية أو انحرافية ، وأكثر شئ يجعل الكثير يهتم بالفيس هو سرعة التواصل
بين الأفراد ..
لكن المنتديات مكان أضيق وأحكم من الفيس ، المنتديات تشبه البيت كل انسان فيه يعرف الأخر من خلال متابعته
لقلمه وفكره وموضوعاته وتقييمه ... وانا عن نفسي استفدت ولا زلت أستفيد من داخل المنتدي
لأنى فى كل مرة بكتب فيها موضوع بقرأ عن الموضوع قبل الكتابة سواء اقرأ بالنت أو بكتاب ورقي
ثم أكتب ثم أعيد قراءة الموضوع وأحاول أن أصحح أخطائي ..
لما بنزل موضوع بالمنتدى مش بكون منتظر رد من حد أو تشجيع
المهم يكون الموضوع مفيد ويفيد غيرى حتى لو من خارج المنتدى وقرأ الموضوع صدفة.
التحية للجميع ..
Aseed- عضو مشارك
-
تاريخ التسجيل : 31/05/2016
عدد المساهمات : 451
مكان الاقامة : ♥
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 04 أكتوبر 2024, 12:22 am من طرف 3del
» شرود عقل
الجمعة 04 أكتوبر 2024, 12:13 am من طرف 3del
» 16 / 11 / 2022 المانيا
الجمعة 04 أكتوبر 2024, 12:08 am من طرف 3del
» حفل موسيقي "يسعدنا حضوركم"
الخميس 03 أكتوبر 2024, 11:57 pm من طرف 3del
» ســجـــل حــضــورك ادامــ الــمــرايــــة ًًًًً
الخميس 03 أكتوبر 2024, 11:52 pm من طرف 3del
» ميركاتو - Mercato
الثلاثاء 24 سبتمبر 2024, 12:57 pm من طرف okA
» افترقنا
الأحد 15 سبتمبر 2024, 12:23 am من طرف 3del
» عزاء واجب
السبت 14 سبتمبر 2024, 12:03 am من طرف 3del
» حالتك المزاجية !!!!
الأربعاء 04 سبتمبر 2024, 12:58 pm من طرف okA