حدوتة وهمية

من طرف **3del** الثلاثاء 20 ديسمبر 2016, 1:13 pm

ما اسوء ان تسجن بداخل قصة وهمية ويرفض عقلك تصديق الحقيقة

ويرفض عقلك رفضا تاما تقبل الحقيقة وتظل حبيس

حدوتة وهمية

تابعونا

من طرف **3del** الثلاثاء 20 ديسمبر 2016, 1:28 pm

اعرفكم بنفسي اسمي هشام خريج كلية حقوق

بتقدير مقبول وكان بيني وبين ضعيف هفوة

بس أنا إنسان اعتبر حالي فاشل بكل شيء

ويوم ما اتفوق اخد من الحياة تقدير مقبول زي شهادتي

دي بداية قصتي وبعترف يوم ما تفوقت

كان تقديري ف كل حياتي مقبول

تعالوا ادخلكم بداخل حياتي اكتر واكتر

انا شخص بائس ف كل شيء

عاطفيا انسانيا اجتماعيا حتي ف اختيار اصدقائي

وعشان تكمل مرحلة الفشل والبؤس فاشل ف الفرص اللي بتجيلي

وبتقدير مقبول خلصت حقوق بالعافية والضاليين

وزي اي حد بائس رميت كل شيء

رحت اشتغل ف محل ادوات كهربائية

مع اصحاب حمقي مالهمش مستقبل وهنا عرفت يعني اية خمرة

وبدات اشرب بكميات كبيرة بمساعدة اصحابي الحمقي

وف يوم مروحين بعربية الشغل وسكرانين ع الاخر

المهم مش عارف ازاي وصلت بيتنا

ولا ازاي فتحت باب الشقة ولا اي شيء

دخلت البيت ميت من الجوع

روحت ع المطبخ قولت اقلي بيض

طلعت الطاسة وحطيتها ع النار وحطيت فيها زيت

ومعرفش اية حصل سبت المطبخ

وطلعت اوضتي انام وسبت الزيت ع النار

يتبع

من طرف **3del** الثلاثاء 20 ديسمبر 2016, 1:44 pm

صحيت من النوم مفزوع علي صراخي وكتمة صدري من الدخان

وصوت المطافي والشرطة حولي

والنار بتاكل ف كل الشقة وسامع الجيران بتصوت

قومت رميت الغطا بسرعة وجريت خايف مرعوب ضربت باب الغرفة برجلي

وخرجت للصالة بس النار كانت اقوي واسرع مني

واتحاصرت وفضلت اصرخ الحقوني حموت حموت

وحسيت اني حيغمي عليا وفعلا بدات افقد تركيزي واتزاني

وبلمح بعيني لاقيت شباك الصالة بيتكسر

وبيدخل منة راجل مطافي لابس بدلة وخوذة كبيرة

وبدات اقع ع الارض وشبهة مغمي عليا

قرب مني رجل المطافي ومسكني بايدية

بصيت ف عينة وفجاة وقعت الخوذة من عل راسة

بصيت لاقيت اجمل بنت ممكن تشوفها بحياتك

وبعدها فقدت الوعي وما شعرت باي ئيء

يتبع

من طرف **3del** الثلاثاء 20 ديسمبر 2016, 2:08 pm

.

واتنقلت للمستشفي واول ما فتحت عيني

سألت عليها وياتري كنت بحلم ولا فعلا البنت دي هي اللي انقذتني

عرفت إن إسمها قمر وهي فعلا كانت اجمل من القمر

بتشتغل ف المطافي ولحسن حظي كان دوامها بالليل

طب اوصفها واقول اية

وهي اجمل من البدر

وارق من النسمة

شفت ف عينها ف لحظة كل الدينا

حقيقي كانت اجمل بنت شوفتها وحشوفها بحياتي

ناديت عل الممرضة وقولتها عايز اعرف عنوان الاطفائية قمر

عشان ابعتلها ورد واشكرها علي انقاذ حياتي

وفعلا اخدت العنوان وبعتلها ورد وعلبة شكولاتة

بس حسيت حالي اهبل اوووي

حد بالجمال والرقة دي حيعبرني ويهتم لوردي

وقولت اكيد ف حياتها راجل يعرف قيمتها وقيمة جمالها

ولاول مرة ابتسم الحظ وحصل الا متوقع

بعدها بساعة لاقيت الباب بيخبط

ودخلت قمر ولاقيتها ادامي

انا كان هاين عليا انط من السرير من الفرحة

وبصيت لعينها وضيعت معاهم

ومر الوقت ومرت الايام وخرجت من المستشفي

واتغيرت حياتي 360 درجة بطلت اشرب نهائي

وقررت افتح مكتب محاماة

وحسيت لاول مرة بحياتي بالحب والاغرب انها بادلتني الحب

ولاول مرة ف حياتي يكون تقديري امتياز

وعشنا اجمل ايام ف قصة حب جميلة اوووي

بس لان الحياة تخبيء اكثر ما تظهر

صحيت ف يوم من النوم ببص ف مرايتي

لاقيت مكتوب عليها بالدم

~~يتبع~~

من طرف **3del** الثلاثاء 20 ديسمبر 2016, 2:26 pm

لاقيت مكتوب علي المراية بالدم

مش ليك

ضحكت اووي وقولت دة اكيد مقلب كبرت دماغي ونسيت الموضوع

بس الغريبة الموضوع اتكرر مرتين ووقتها كنت سالت كل اصحابي

محدش عارف حاجة عن الكلام اللي بالدم

وف اليوم الرابع صحيت من النوم

لاقيت المراية عليها كلام بالدم بس المرة دي الكلام اكتر

لاقيت مكتوب

مش ليك حتموت

اتسرب الخوف والقلق جوايا مكنتش خايف من الموت كنت خايف علي قمر

وف لحظة دمعت وحسيت ان الدينا عايزة تسرقها مني

وقررت احكليها عن الموضوع يمكن عندها تفسير

وفعلا روحت عليها وحكيتلها

لاقيتها دمعت عينها وقالتلي

كان لازم احكليك من الاول عن خطيبي السابق

انا كنت مخطوبة بس فسخت خطوبتي

لانة انسان مش كويس وخاين ولعب بقلبي وبمشاعري

وحاولت افهمة اني مش بحبة ومش عايزاة

بس هو دايما بيهددني اني مش حكون لحد تاني غيرة

بصلتها وقولتها متخافيش مش حسمح لحد ياخدك مني

ولا يفسد قصتنا ولا حبنا

ويومها قررت اننا نرتبط رسمي

عشان نقفل كل الكلام وتبقي الامور كلها بشكل رسمي

واتفقنا علي كل شيء وحددنا يوم نقرا فية الفاتحة

وف يوم نازل فية من شقتي

وبفتح باب الشقة لاقيت مكتوب بالدم علي حيطة السلم

حتموت حتموت

وف اللحظة دي قررت ابلغ البوليس وفعلا رحت بلغت البوليس

يتبع

من طرف **3del** الثلاثاء 20 ديسمبر 2016, 3:34 pm

وفعلا روحت بلغت الشرطة واستدعوا خطيب قمر السابق واخذوا علية تعهد

بعدم التعرض ليها وليا باي شكل من الاشكال

وفرحت من جوايا وقولت خلاص المشكلة اتحلت

وكتبنا الكتاب وحددنا يوم الفرح

وطبعا عملت كل الاستعدادت لليوم دة

وجهزت كل شيء ووانا ف طريقي للقاعة

لاقيت سيارة بتجري ف اتجاة عكسي لسيارتي بسرعة جنونية

حاولت اتفادها بس كانت اسرع مني

وخبطت سيارتي من الجنب الشمال

انحرفت سيارتي وخبطت ف شجرة

والسيارة اللي خبطتني اتقلبت والنار ولعت فيها

ولمحت بعيني الشخص اللي جواها بيضحك والدم نازل من رقبتة

وفقدت الوعي بعدها ومعرفش اية حصل خالص

واتنقلت للمستشفي وقعدت يومين ف العناية المركزة

واول ما فقت صرخت فين قمر النهاردة فرحي

حاول الاطباء تهدئتي وكانت المفاجاة

فقال احد الاطباء مفيش فرح ومفيش قمر

صرخت فيهم واضطر الاطباء اعطائي حقنة مهدئة

يتبع

من طرف **3del** الثلاثاء 20 ديسمبر 2016, 3:54 pm

وحاولت افهم الحكاية من الاطباء

وعرفت ان انا وانا راجع من شغلي سكران مع صحابي

عملنا حادثة والعربية ولعت واصحابي كلهم ماتوا

وانا كنت عايش ف غيبوبة بين الحياة والموت

عقلي رفض الحكاية

وبدات انسج ف خيالي قصة قمر وحبها وخطيبها وتهديدة

وقالولي اني حاولت مرة احرق نفسي

علي امل اني اشوف قمر لتنقذني مرة اخري

وخرجت من المستشفي ادور علي قمر واروح كل مكان كنا بنتواجد فية

بس للاسف كاني بطارد سراب ووهم ورجعت اشرب تاني وفهمت

اني ما بطلت شرب الا وقت الغيبوبة بس

وقررت احرق شقتي بنفسي

عشان قمر تجي تنقذني تاني

وفعلا حرقت الشقة بس المرة دي مش جات قمر

وانا اتحجزت ف المستشفي بتشوهات وحروق من الدرجة الاولي

الناس فاكرني مجنون وحرقت نفسي

ميعرفوش اني لو رجع بيا الامر

لحرقت نفسي مليون مرة بس اشوفها تاني

واشوف ف عينها اجمل لحظة بالدينا

والي هنا تنهي قصتي القصيرة حدوتة وهمية

الي اللقاء

تحياتي الكم

حدوتة وهمية

حدوتة وهمية

رد: حدوتة وهمية

رد: حدوتة وهمية

رد: حدوتة وهمية

رد: حدوتة وهمية

رد: حدوتة وهمية

رد: حدوتة وهمية