الجزء الخامس

من طرف **3del** الأحد 17 سبتمبر 2017, 6:09 am

وعرفنا أن جارتنا نوال ماتت بسبب الحريق بعد أيام ف المستشفي بسبب حروق من الدرجة الأولي وشقتها اتحرقت بالكامل ومكنتش

بشوف ف عين خالتي حالة الحزن

اللى عليها كل الشارع بالعكس زي

ماتكون شماتنة فيها وجواها فرح

وانا كل يوم حالتي بتسوء عن اليوم اللي قبلة وخالتي كل يوم بتحاول

اقناعي بأننا نروح للشيخ تاني

وانا كرهته وبقي قلبي يتقبض

أما بروح هناك وفضلت خالتي ورايا وتحاول اقناعي بحجة أن الشيخ

هو اللي حيخلصني من اللي انا فية

ووعدتني أن دي اخر مرة اروح

فيها عندة ومع رغبتي في التخلص من اللى انا فية وافقت خالتي

وتانى يوم لبست ورحت مع خالتي للشيخ ونفس الست فتحت وخالتى قالتها قولي للشيخ ان ام مي برة وبالفعل دخلنا واول ما دخلنا

ابتسم الشيخ ابتسامتة المعهودة وقال كنت عارف انكم هتيجوا تانى رحت بصالة باستغراب

وخالتي زي المرة اللي فاتت راحت وباست ايد الشيخ وطلبت منى ابوس ايدة بس انا رفضت وقولتها انا مش هبوس ايد حد

وصرخت انا تعبانة ونفسي اخلص من اللي انا فية

رد الشيخ وقال في ايه ي ام مي ردت خالتي وقالته ي شيخ مي

من آخر مرة وهيا بتحصلها حاجات غريبة وحكتله خالتي عن كل حاجه بالتفصيل

رد الشيخ رد غريب وقال

طبيعي ي ست الكلام دة

والمهم ان جارتك ماتت وزي طلبك ماتت محروقة مش دة كان طلبك

وانا قولتك عايز بنت ما يزيديش

عمرها عن 12 سنة وقولتللي طلبك موجود وفعلا خليت البنت متصلة بجن سفلي وكانت السبب ف موت جارتك وبالطريقة اللي كنتي عايزة واهي ماتت محروقة وارتاحتي منها

انا اول ماسمعت الكلام ده

جاتلي زي هيستريا صراخ

وراح الشيخ حاطط ايده علي راسي وبص للسقف واعد يقرأ ويعزم عليا

بكلام غريب وانا زي ما اكون ف سينما والشريط كلة بيتعرض أمامي وجاتلي حالة إغماء ورحت المستشفى ومفوقتيش إلا وأنا

متعلقللي محاليل وخالتي جنبي

والي هنا ينتهي الجزء الخامس

الي اللقاء ف الجزء السادس

الدخان الملعون ( الجزء الخامس )