هل من عودة ولو عابرة!

من طرف **okA** الأربعاء 10 نوفمبر 2021, 11:10 pm

السلام عليكم...

في شوية كلام جوايا كل ما ادخل هنا احس ان عايز اكتبه وخلاص!

أنا مش من طبعي أتكلم كتير ولا اكتب كلام كتير بس أنا عندي كلام حاسس إن لازم اكتبه حتي لو أنا إللي هشوفه بس!

أنا تقريبا كل يوم بفتكر أيامنا ف المنتدي القديم، بفتكر التفاصيل والحوارات والهزار والضحك وكل شي وبحس بشعور حنين رهيب علي الايام دي! والله كانت لمة حلوة بكل تفاصيلها، بس للاسف دي سنة الحياة كل واحد راح في سكته وخدته دنيته! أنا نفسي نرجع نتلم تاني ونتواصل تاني ويرجع كل شي زي ماكان وعارف إن دا مش هيحصل بس أنا نفسي في كدا!

ناس كتير وحشتني ناس كتير واحشني اسمع اخبار عنها واعرف ازيهم وازي أحوالهم ناس كتير نفسي اشوفهم هنا من جديد!

أنا دايما فاكركم ودايما ف بالي ودايما لما بفتكر بتمني ليكم كل الخير بتمني ليكم انكوا تكونوا عايشين في امان وسلام ومحققين اللي كنتوا بتتمنوه وموفقين في اموركم وحياتكم

وعلي امل ان نلتقي ان شاء الله!!

مظنش والا كانوا شافوا المكان دا بس هما اختارو يبعدوا او الدنيا شغلتهم
بس فيك الخير انك لسه فاكرهم

من طرف **okA** الخميس 11 نوفمبر 2021, 3:32 pm

habiba maged كتب:مظنش والا كانوا شافوا المكان دا بس هما اختارو يبعدوا او الدنيا شغلتهم
بس فيك الخير انك لسه فاكرهم

الدنيا بتشغل وبتاخد الواحد أكيد برضو في ناس بعدت بمزاجها، ملل أو زهق الله أعلم برضو
المهم يكون الكل كويس وبخير

من طرف **شاهستا** الجمعة 12 نوفمبر 2021, 6:00 pm

قولت كل اللي عاوزة اقوله يا اوكا .. تقريبا كل الكلام اللي قولته انا بقوله دايما هنا وبقوله بيني وبين نفسي ، انا مشغولة والله جدا ومع ذلك بدخل عشان دايما عندي حنين للمكان ده ول ايامنا زمان ، ايامنا زمان بجد كانت جميله اوى، انا فقدت الامل ف رجوعهم ، بس بتمني ليهم كل خير ويكونوا سعداء في حياتهم ، وانت ربنا يسعد قلبك يارب، وكفاية احساسك

من طرف **okA** الجمعة 12 نوفمبر 2021, 11:19 pm

شاهستا كتب:قولت كل اللي عاوزة اقوله يا اوكا .. تقريبا كل الكلام اللي قولته انا بقوله دايما هنا وبقوله بيني وبين نفسي ، انا مشغولة والله جدا ومع ذلك بدخل عشان دايما عندي حنين للمكان ده ول ايامنا زمان ، ايامنا زمان بجد كانت جميله اوى، انا فقدت الامل ف رجوعهم ، بس بتمني ليهم كل خير ويكونوا سعداء في حياتهم ، وانت ربنا يسعد قلبك يارب، وكفاية احساسك

قول للزمان ارجع يا زمان!
إن شاء الله يكونوا بخير ويكونوا فاكرينا زي ماحنا بنفتكرهم
ربنا يسعد أيامك

من طرف **3del** السبت 02 يوليو 2022, 2:23 am

صباح الخير اوكا

من المرات القليلة اللي اشوفك تكتب برة الرياضة

بس اعتقد كلمات صادقة ولا اخفيك سرا

جميع من زار هذا المكان او سكن فية هو عابر او ساكن فية

وعن نفسي من وقت للاخر اتصفح المنتدي واقرا ما يكتب

اوقات ابتسم واوقات اخري اصمت

ولكن لهذا المكان قدسية كبيرة عندي

بكل الاحوال وباختصار الكلام

يومك بيضحك

من طرف **okA** الخميس 28 يوليو 2022, 4:34 pm

3del كتب:
صباح الخير اوكا
من المرات القليلة اللي اشوفك تكتب برة الرياضة
بس اعتقد كلمات صادقة ولا اخفيك سرا
جميع من زار هذا المكان او سكن فية هو عابر او ساكن فية
وعن نفسي من وقت للاخر اتصفح المنتدي واقرا ما يكتب
اوقات ابتسم واوقات اخري اصمت
ولكن لهذا المكان قدسية كبيرة عندي
بكل الاحوال وباختصار الكلام
يومك بيضحك

المهم ان يكون الجميع بخير..

حبيبي يا عادل

طابت ايامك

هل من عودة ولو عابرة!