الجميع سيمرون من هنا

الغافقى كتب:

بصوا بقى

اسوأ شىء إنى أكتب حاجه وأرجع أعيدها

لأن للأسف الإحساس ما بيرجع تانى

فأنا اللى كتبته فى الأول هحاول أعيده تانى

بس يارب يكون على قدر المستوى بقى

- بطاقة تعريفية عنك الاسم،، تاريخ الميلاد،، المؤهل،، الوظيفة ؟

أحمد محمد سلامه

7/2/1981

يوم فى زراعه المنصوره

سنتين فى تجاره طنطا

وقبلهم كنت فى تجاره بورسعيد وحولت منها

واخيرا وليس آخرا

معهد فنى صحى الاسماعيليه

وبشتغل مفتش أغذيه بالاداره الصحيه سمنود

2-ماهي مصداقيتك مع نفسك ثم مع الاخريين في المنتدي؟

بحاول اكون صادق مع نفسى  ولكن انتوا عارفين ان النفس أماره بالسوء

وبنعرف كتير نزين لنفسنا الغلط  ...مش ملاك انا يعنى

اما عن المصداقيه معاكم فدى انتوا اللى ممكن تحددوها

3-ماهي حكمتك التي تؤمن بها دائما وتراها صحيحه من وجهة نظرك؟

رب أخ لك لم تلده أمك

4-ماهي الايه القرأنيه التي تؤثر فيك؟

يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءَكُمْ فَالْتَمِسُوا نُورًا

5-ماهو الحديث الشريف الذي تردده دائما؟

الحكمه ضاله المؤمن أنى وجدها فهو أحق الناس بها

6-هل بينك وبين اي عضو خصومات ؟(بصراحه وبدون ذكر اسم)

صراحه ومن 2008 حتى الآن لم تحدث الحمد لله

7-هل بينك وبين اي عضو اختلاف في وجهات النظر ؟ وماهي ان وجد وما اسم العضو؟

فى الحقيقه لاء ..وان كنت بتمنى انه يكون فى خلاف فى وجهات نظرنا

حتى  نبين للناس اننا راقيين جدا فى فكرنا واننا بنتقبل الآخر

8-اذا اردت ان تبكي فعلي اي شئ تبكي ولماذا؟

على اخر 10 سنين من عمرى اللى فاتوا دول...كان المفروض اتعلم كتير منهم بس للاسف ماوعيت الدرس الا فى نهايته

9-شخص رحل عنك في حياتك وتتمني رجوعه؟ واخر ف المنتدي؟

فى حياتى والدى الله يرحمه ...فعلا حاسس بفراغ كبير اوى فى الوقت ده

فى المنتدى

زكريات جمال ..لو انتوا تفتكروها بجد بحبها جدا جدا ونفسى اكلمها تانى

10-هل تنتمي للسياسه بالقول او الفعل؟ ولماذا ان كانت الاجابه نعم او لا ؟

كنت وجدا ..انما خاليا ولعدم وضوح الرؤيه اعتزلتها خالص

11-مااوجهة نظرك في كلا من:

a-الزواج العرفي

هو واقعيا حلال لو اكتملت اركانه الا انه لا يوثق

اما بالمعنى المتداول واللى بتقصده ياجمال  ..فالشباب والبنات اللى بيقوا بيه مظلومين بجد ..مش مبرر ليهم انما دى حقيقه وهو شرعا حرام لعدم اكتمال اركانه

b-التدخين

حاولت كتير بس ماعرفت اكمل فيه

مالقيت  انه ادمان او انه بياثر على الشخص لدرجه ما اقدر ابعد بيها عنه

وده كان فى 1999 وانا فى اولى كليه ..بس فى الاخر هو هيافه

c-العصبيه الزائده

جنون اخره ندم ..وانا امبارح كنت هكسر تليفونى بسبب العصبيه دى

بس هو التليفون اللى عصبنى والله

e-عدم المسئوليه

عيب فى التربيه الاولى

12-عرف كلا من من وجهة نظرك:

a-الحب

اجمل احساس فى الكون .. واجمل عاطفه...واجمل طريقه للعباده

انك تعبد ربك بالحب والشوق مش بالخوف والرهبه

b-الكراهيه

للاسف مش بعرفها

c-الفراق

قتل بالبطىء

d-الوفاء

عمله نادره

E-الانانيه

عيب فى التربيه

F-عدم الشخصيه

عيب فى التربيه

13-هل لون البشره يفرق معك في اختيار شريك حياتك؟

البشر كله الوانهم من الداخل واحده فما هيفرق اللون الخارجى

ثم يعنى ياجمال وشين صنفره ووش معجون وبياخدوا ورق حائط او مناظر طبيعيه زى ما انت عايز ما بقت مشكله ياصاحبى

14-ماهو طموحك للمستقبل؟

راحه البال والاستقرار  وكفايه من كل شىء بامور بسيطه

مايكون حسابها فى الاخره كبير

15-عند اي مرحله تعليميه توقفت؟ وهل وصلت الي ماتريد ام كنت تتمني الي مرحله اخري؟

بص ياجمال

انا شايف ان انا ما اتعلمت ..انا دخلت المعهد علشان اضمن الوظيفه

انما انا كانت امنيتى كليه علوم قسم كيمياء

16-ماهي الاهتمامات التي تسيطر علي بالك؟

والله ياجمال حاليا مستقبل ولادى

17-اذكر ثلاثه من اسماء البنات وثلاثه من الاولاد تحبهم؟

حبيبه _ شهد_ ريماس   بناتى

معاذ بنى _........ عبد الرحمن _ طه

18-اذكر شخص فعل معك جميل لم تنساه ف حياتك؟ وماذا تقول له؟

صديقى محمد شتا اللى كان سبب فى انتمائى للخوان المسلمين

فى الفتره من 2000 وحتى 2006

بقوله كانت ايام ماتتعوض فيها اترسمت ملامح شخصيتى

-شخص عرضك لاحراج شديد في حياتك ولم تنسي هذا الموقف؟ وماذا تقول له؟

20-شخص ظلمك واتعبك هذا الظلم لدرجة انك لم تنساه ابدا من هو؟ وماذا تقول له؟

21-شخص ضحيت من اجله ولكنه قابلك بمعامله عكسيه واتخدعت فيه؟ وماذا تقول له؟

22-شخص تمنيت ان يضحي من اجلك؟وهل فعل هذا ام لاء؟

23-من الشخص الذي تتمني حذفه من حياتك؟

كلف دول شخصيه واحده

بقول ان لينا وقفه قدام ربنا

وانا مش مسامحك على اى شىء

24-شخص تتمني اضافته الي حياتك؟

لسه بدور عليه

25-لغه تتمني اتقانها؟

العبريه

وبالفعل بذاكر فيها حاليا

26-شخص في حياتك تتمناه قدوه لك؟ ولماذا؟

صديق ليا اسمه سامح

عنده كميه تفاؤل وثقه فى الله مالهاش حدود

انا بحبه اوى اوى

27-اذكر كلا من:

a-قارئك المفضل في قرائة القرأن

شيخ ابو بكر الشاطرى _ الطبلاوى

B-سوره قرأنيه تسمعها منه باستمرار

الشاطرى ..الفرقان  _ سبأ

الطبلاوى ..الأحزاب _ الأعراف

C-مطربك المفضل

عبدالحليم حافظ

حبيبتى من تكون _ فاتت جمبنا

-مطربتك المفضله

f-اغنيه تسمعها له

فيروز

نسم علينا الهوا

-ناديك المفضل

الأهلى

h-لاعبك المفضل

هادى خشبه _ ربيع ياسين

i-يومك المفضل

ههههههه زمان كنت بحب الخميس علشان بعده الجمعه اجازه

حاليا اى يوم بس مايكون اجازه

j-عددك المفضل

7

k-الشهر المفضل لديك

هو الطبيعى رمضان عندنا كلنا

بس ما اعتقدش ان فى شهر معين يعنى

l-السنه المفضله لديك

2021

m-الاكله المفضله

هى مش الاكله فى حد ذاتها

انما للمجموعه نفسها اللى باكل معاها

اى اكل مع اصحابى فى المكتب وغالبا بتبقى فطار شعبى

n-اسم صديقك المقرب

سامح منير

o-اسم صديقتك المقربه

أميره ارق ملاك

حتى والله انى حلمت بيها انهارده قاعده فى بيتنا مع امى وبيتكلموا عنى

p-فنانك المفضل

خالد صالح الله يرحمه _ خالد الصاوى

q-وعمل تحبه له

كل اعمالهم ماعدا البلطجى والعبيط

اعتبره سقطه فنيه لخالد الصاوى

r-فنانتك المفضله

لاء اعتقد مفيش

s-عمل تحبه لها.

...............

28_من الذي يسعدك عند مرورة في موضوع لك ويوقع فيه؟

كل عضو مش بيعجبه موضوعى وبيتناقش معايا فيه وبيعارضه

 

29-ماذا تُفكر وانت تجاوب علي هذه الاسئله؟

بفكر اقوم اجرى وراك

لما تخلينى اعيد الامتحان تانى

30-من يتحكم بك القلب ام العقل؟ ولماذا؟

القلب بينى وبين نفسى  والعقل قدام الناس

يعنى انا بتتحكم فيا عاطفتى اوى ...بس مابحب اظهرها قدام اى حد

31_موضوع تمنيت ان تكتبه لكنه موجود باسم عضو آخر؟

المكرونه الاسباجتى بالسوسيس

علشان ماكنت اعرف السوسيس

32-اذا اطلق لك العنان فماذا تختار لنفسك ولماذا؟

اختار لنفسى ما اكون مصرى

33-اذكر ثلاثه تراها من عيوبك بكل صراحه؟

العصبيه الشديده ... الطيبه ...الصمت حتى لو مظلوم

34-اذكر الشخص الوحيد الاقرب لديك علي الاطلاق بالمنتدي واخر

خارجه؟

بالمنتدى  اميره ارق ملاك

خارجه صديقى ابو ياسين وسامح منير

35-شئ تمنيت تحقيقه لكنه لم يكتمل؟

انى ادخل كليه زراعه بعد المعهد ...بس لسه الامل موجود ان شاء الله

36-عند غضبك تُفضل الكلام ام الصمت؟ولماذا؟ واذا تكلمت فمع من تتكلم؟

الصمت طبعا ..ولو اتكلمت يبقى مع نفسى او بالكتابه

37-ماهو الشئ الذي تفعله قبل نومك مباشرة؟

بتفرج على برنامج وثائقى

ده اساسى

38_هل تريد ان تقول شئ قبل ان تغادر؟

ربنا يسامحك ياجمال

39-كنت تتمني وجود سؤال معين؟ماهو ان وجد؟ وماهي اجابتك عليه؟

هل تؤمن بالحب عن طريق النت

نعم اؤمن به وبشده

40 - ضع لينكات لاجمل موضوعيين قرأتهم هنا قرأتهم بالمنتدي؟وماذا تقول للكاتب حول كل موضوع؟؟

https://12allchat.ahlamontada.net/t58-topic

بتمنى تكملى السلسله ياهاديه

https://12allchat.ahlamontada.net/t454-topic

ابقى هاتى اكلات معروفه ياجيجى

41- ضع لينك اقرب موضوعين لقلبك كتبتهم انت؟؟واذكر سبب قربهم اليك؟؟ وتكلم باختصار عن وقت كتابتهم

https://12allchat.ahlamontada.net/t413-topic

https://12allchat.ahlamontada.net/t415-topic

سبب قربهم انى كنت بفوق نفسى

كنت تعمقت كتير فى مجموعات للملحدين وتعبت بجد

42 -مع ثورات الربيع العربي اذكر اهم قضيه تسيطر عليك باستمرار؟؟ وماوجهة نظرك ف حلها؟؟

شعوب كانت محكومه بالحديد والنار وهى فوضويه

اصبحت حره وهى فوضويه ولك ان تتخيل

لا يوجد طريقه للحل فالاجيال الحاليه هى التى تربى وتنشىء الاجيال

القادمه ...ومن هنا يجب ان تتعرض لصدمه حتى ينصلح حالها

43-هل يوجد شئ معين يشغلك ف حياتك؟؟ ماهو ولماذا يُسيطر عليك

اه طبعا ولادى الاربعه ...شايل هم الايام الجايه

لانها هتكون فتره من اصعب فترات التاريخ

44- اذكر اسم مُعلم لك احببته في كل مرحله تعليميه ؟ ودكتور كنت تحرص علي حضور مُحاضراته ف الجامعه؟؟مع ذكر السبب؟؟

هو مدرس واحد بس وكنت وقتها فى ثالثه ثانوى

وكانت حصه وحيده اللى دخل علينا فيها فى ماده الاقتصاد

ويومها وقفت وناقشته كتير فى كلامه

45- نصيحه من القلب توجهها الي عضو واحد فقط؟؟

لاء ياجمال لو وجهت نصيحه لاى عضو

هيبقى الواضح ان ليها خلفيه سابقه من نوع النصيحه

وده مش موجود

46- وجهة نظرك في كاتب الموضوع بصراحه؟؟

انت ماتعرفش ان انت نور عنيا ولا ايه

ولو انك ماعزمتنى على فرحك

47- هل تجد راحتك ف دولتك؟؟ وهل فكرت ف السفر للخارج؟ واذكر السبب الذي تود السفر من اجله؟؟

انا نفسى اهاجر مش  بس اسافر

48 مارأيك ف كلمة الانتظار؟؟ وكيف تشعر به؟؟ وهل جربته ام لا؟؟

الانتظار دواء مر .... اشعر به يقطع مجارى الدم وهو يسير فيها

وانا عايش فيه بقالى سنه

49- بعد الاسئله دى كلها هتدخل منتدى بستان 12 شات تانى ؟

طبعا عاوز اشوف الرد عالاسئله

50- لكل عضو الحق ف سؤال الضيف سؤال واحد فقط شرط الا يكون متكرر ؟؟

فرررح كتب:مليش ف التدابيس انا بتفرج بس