رد: سكون الليل..مساحة لي ولكم

من طرف **!هادية!** الخميس 01 ديسمبر 2016, 8:44 pm

شكرا لكل من مر هنا ..

وزرع اغصان الورد ببستان الليل ..

مروركم يسعدني ..

وحروفكم تطربني ..

كونوا دائما هنا ...

من طرف **!هادية!** الخميس 01 ديسمبر 2016, 8:46 pm

(خيال .. ليلة )

المح ظلك القادم من بعيد ..

من بقعة مباركة تحتضن تفاصيلك الوديعة ..

اشعر انفاسك تسابق صوت اقدامك ..

ومع كل زفير او شهيق .. يغمرني دفء عميق ..

ثم يخيل الي انني اسمع صوتك ..

يحادثني في رقة متناهية ..

ثم .. ارتبك .. مشوشة انا .. لا اقوي علي التركيز ..

اجتهد ان افهم حديثك ..

ثم بلا تفكير .. ارتمي بين احضانك .. واغفو ..

عندما يأتى الليل وسكُونه

تثيرنى الاحزان!!

يسكُن ما فى الكون

كائنٌ او..... إنسان

أما أنا..فيثور بقلبى بُركان

تنام العيون ملئ الجفون

إلا قلبى وعقلى المجنون

أهيم فى الذكريات

أعشق اجترار مافات

أغرق فى التفاصيل الصغيره

انظر للنجوم المنيره

أعلو على سحابه أحزانى

اصل للقمر.......

انظر للعالم الفانى

التقط أنفاسى المتلاحقه

لاأجد إلا أشباح.....

ليس لى مكان بأرض الافراح

انظر حولى لاأجد....سوى

وهم.....خداع....سراب

تعيدنى صرخات قلبى

لأهوَى....

لدنيا العذاب

فأنا.... كما أنا

لم ابرح مكانى وأسافر

ومازال بقلبى جرح غائر

من طرف **!هادية!** الأربعاء 07 ديسمبر 2016, 10:54 pm

اميرتي الجميلة شكرا لمرورك هنا ليلا

ودي وحبي لك

من طرف **فهد الشاعر** الخميس 08 ديسمبر 2016, 4:45 pm

قصيدة فى الليل

الليل ملاح

تايه سواح

لا يبوصل شط

الليل مشحون أسرار وشجون

وألم ونغم

وكاسات ونايات ودموع وآهات

وعبر وحكم

***

ومشيت في الليل

خجلان مكسوف

إكمن الليل عريان مكشوف

أفراح الناس

وجراح الناس

على صدر الليل عناقيد وصفوف

وعيون الليل والضلمة جبال

فاردين على وش السما غربال

ألماظ مبدور

في كاسات بنور

يفرش للنور ع الأرض خيال

***

ويشق سكون الكون

أرغول

ونغم فنان ثاير مخبول

وعليل على فرشه بيتقلب

ويحايل جرحه المداري

ويقول

يا طبيب قلبك طيب

إسمعني

ح أقولك أسراري

لوشلت الشكوى على لساني

ورميتها قريب

ما تكونش جراحي مألماني

أبدا يا طبيب

أنا دقت الجرح وخدت عليه

يسقيني المر

وبرضه اسقيه

من بحر الصبر اللي ف قلبي

ح تقوللي بتشكي امال من إيه؟

ولا من أوجاع

ولا شوق ملتاع

دنا عمري إن ضاع

مش ابكي عليه

أبدا يا طبيب

يا طبيب دنا جرحي ملوعني

وساقيني الحنضل من كاسي

والنار في ضلوعي بتلسعني

وأنا لسه صغار

والعيا قاسي

ولا عمر الليل مرة سمعني

عليت الآه على أنفاسي

أبدا يا طبيب

لكن يا طبيب أنا بابكي صحيح

وباقول الآه

زي المجاريح

ودموعي في عيني بتتألم

وبتتكلم

على قلب جريح

مسكين

كان أمله يحب سنين

ويلم الحب ف عشه اتنين

واتهنى معاه

وإن قال الآه

أنا اقول له يا روح القلب

آهين

بس أنا لا بيدي

ولا بودي

دا قدر مقسوم

قدر لحبيبي يعيش بعدي

في الهوى محروم

أهودا اللي وجعني

وخلاني

حطيت الشكوى على لساني

إنما وحياة اللي قاسيته

وحياة الأمل اللي بنيته

وحياة اللي جرحته

ولا فرحت معاه

ولا هنيته

لوشلت الشكوى على لساني

ورميتها قريب

ما تكونش جراحي مألماني

أبدا يا طبيب؟

***

وينام الصوت

والكون حواليه

ساكن نعسان

وكأنه مات

رمي تقله عليه

سكت العيان

***

الكاس له ناس

والليل مجالات

والحان مليان والناس مزاجات

ومجال الكاس

أشكال أجناس

مليان حواديت

مليان رويات

***

ونزور في الليل دنيا الخمار

ونلاقي الكاس

ع الناس دوّار

ويموت الليل على باب الحان

حيخش ازاي والدنيا نهار

ونفوس وقلوب كده ع المكشوف

عريانه تمام

وتعالي نشوف

***

شوف دا اللي هناك

قدامه كاسين

مع إنه لوحده

ما هوش اتنين

والناس بيبصوا

ومش فاهمين الكاس دا لمين

والكاس دا لمين

أهودا اللي بنظرة عين

شبكوه

وفاتوله كاس مليان

وفاتوه

وحكايته طويلة

وهمه تقيل

وح اقول لك إيه وأعيد لك إيه

رايح يملا عيونه بحلم جميل

بياع السهد ملا له عينه

***

وترن ف جوالحان

ألحان

نشوانه تخلي المولد هس

وغزاله بتتغزل ف حصان

بتقول له

إحبك أنت وبس

ويفز هنا سيدنا المنظور

ويطب الكاس ف إديه

مكسور

ويقول غشاشه

حتلعب بيك

ويرد التاني عليه بفتور:

طب وانت مزعل نفسك ليه

حشري وسخيف

وح قولك إيه

ومانولي يقول

” موش أندك خق”

والسامر يضحك لما يطق

ويحط الحشري عنيه

في الأرض

وكأنه لحن في الدين

والفرض

ويقوم

يطوح مرة يمين

ويميل زي البخت شمال

وف جوف الليل

يغرق مسكين

لا يغير حال

ولا يشغل بال

***

الحظ حمار

من غير حمار فقد التمييز

زي المجانين

هجر البساتين سكن الدهاليز

والحظ بطبع غباوته عنيد

ودماغه حديد

لو يعند حتى على الغزلان

ينسخطوا معيز

ونسيب دهليز

نخش في باب

ونعدي الباب ندخل سرداب

ونلاقي ضحايا الليل واقفين

والحظ بيلعب بالأعصاب

ترابيزة عليها نمر بنظام

من واحد يمكن لما لألف

والدنيا بزي ما هي تمام

على هيئة كورة

تدور وتلف

وشنب مفتول

يصرخ ويقول

اللقمة بتنده أكالها

والرزق نصيب

والدنيا دايرة

ف احولها

زي المجاذيب

الصبح معاك

والضهر عليك

والحظ لو ادى

ما بينقيش

جربها

ويمكن لو تديك

من جودك برضه

ما تحرمنش

قرب قرب

جرب جرب

ودي لعبة حظ

ما فيش تبكيش

***

والكورة تدور

زي المقدور

تحرن على ناس

وتجامل ناس

والشيخ سلمون شعبان مندور

واقف على أعصابه ومتحاس

يعلب ع الستة

الخمسة تصيب

ينقل ع الخمسة

الخمسة

تخيب

وخلاص الحظ اداله قفاه

والحظ أن ولى

بيبقى عجيب

كلها ساعتين

وصريخ

سلمون لعلع مقامات

نهاوند ورست وسيكا وصبا

وحجاز وبيات

يا فلوس الناس

يا خراب البيت

يا نهار مشوم

طب المسكين من طوله ورفص

يظهر مات

والناس ملهيه ف أحوالها

بيدوسوا عليه

وبتاع الكورة مشغلها

ح يبطل ليه

واللقمة بتنده أكلها

طب ودا كل إيه؟

***

الشارع نايم تحت جناح الليل همدان

وعيون النور

تعبانه بتنعس ع العمدان

والكون ملفوف

بعباية

نسجها الليل بالخوف

وف بحر الضلمة رأيت على بعد

شبح

حققت بعيني

لقتها يمامة وكاسرة الطوق

كرابيج الليل

ناقشينها جراح

من تحت لفوق

والأسى ف عينها

مصحي الشكوى تقول حواديت

حواديت

ما لهاش علاقات بالشوق

وليالي الشوق

مسيت

ورميت على الحلو سلام

قالت سلامين

أنا قلت لوحدك ليه يا حمام

ووليفك فين

مالك بالليل وجبال الرعب

خليك يا حمام

عيش للحب

شالت بجناح

حطت بجناح

ورتني جراح

تحت الجناحين

وقالت لي

زمان الحب ما راح

وبقي لنا سنين في الليل ضايعين

خد مني الليل

واداني الليل

ورميت له الغالي بسعر زهيد

وسقاني الشهد ودقت الويل

وكساني حرير ولبست حديد

وعرفت الناس من الراس للديل

وآمنت بأن الكل عبيد

وقالتها وطارت في ثواني

وانا شارد وخيالي يصور

وغمزني الفجر وصحاني

ولقيت الكون بادي ينور

وصحيت من غفوة سرحاني

على صوت بيقول

الله أكبر

احمد فراد نجم

من طرف **Aseed** الإثنين 02 يناير 2017, 10:03 pm

الليلُ دربٌ مزدحمٌ بالساهرين
يتوضئون بدمع الشوق
صلاة العاشقين تقامُ فى الليل

من طرف **Aseed** الأحد 22 يناير 2017, 10:45 pm

فى كل ليلٍ أفرش سجادة الروح
ويُسبـَِح القلب بحصي الشوق ..
فتنة الليل امرأة نائمة بعينيَ رجل.