الشيش طاووق

من طرف **ياسمين صبرى** الأحد 28 أغسطس 2016, 3:38 am

المقادير
[list=ingredients]
[*] كيلو اوراك فراخ مخليه
[*] التتبيله:
[*] ملح وفلفل وتوم بودر وبصل بودر وتوم فرش وزعتر وجنزبيل وبابريكا وبهارات تكا او بهارات فراخ وزيت ذره وقليل من الكاتشب وهريسه
[/list]

طريقة التحضير

[list=" [*]
بتجيبي اوراك فراخ مخليه وهي بتبقى في السوبر ماركت او الفرارجي معموله جاهزه شيش طاووق بعد مراحل الغسل والنقع كلنا عارفنها

[*]
بتنقعيها في لبن رايب كذا ساعه ولو امكن من بالليل يبقى احسن وبعدين تعصريها من اللبن الرايب وتبليها برشه من كل من التوابل السابقه والكاتشب والهريسه وزيت الذره وتسيبيها شويه حلويين ساعتين مثلا (في ناس بيحطوا اللبن الرايب مع التتبيله بس في الحاله ديه هتعصري التتبيله مع اللبن الرايب علشان لازم تنزل الجريله ناشفه علشان تشد بسرعه من غير ماتجيب ميتها)

[*]
وتعيدي على التقطيعه بتاعة الشيش وتكوني ناقعه اسياخ خشبيه في الميه حوالي نصف ساعه علشان ماتتحرقش وتقطعي فلفل الوان وبصل مربعات كبيره وتبدإي تسيخي قطعة فلفل وبعدها قطعة شيش وبعدها قطعة بصل وممكن معاه فلفل ونرجع تاني قطعة شيش لحد ماتخلصي السيخ بياخد حوالي اربع قطع ونعيد نفس اللي عملناه في باقي الأسياخ لحد مانخلص الكميه

[*]
وبعدين هنسخن الجريله جدا او لومافيش يبقى قلايه تيفال بعد ماتسخن جدا ننزل بالاسياخ بالكتير اربع اسياخ في كل مره علشان ماتجبش مايتها وتفضلي تقلبي الاسياخ لحد ماتاخد اللون اللي بتحبوا انا بالنسبالي بيحبوها غامقه ممكن انتي تعملي اللي انتي عايزاه بس اهم حاجه مجرد ماتاخد لون توطي لحد متحسي انها استوت تعلي وتقلبي ع الوش التاني

[*]وبعد ماتاخد لون توطي برضوا لحد ماتستوي تشيليها من الجريله وتنضفيها بمناديل مطبخ متحطيش الدفعه اللي بعد كده إلا لماتنضفي الجريله وتسخنيها كويس لحد ماتخلصي الكميه وبالف هنا وشفا نسيت اقول اني بتبل الفلفل الإلوان والبصل بنفس التوابل مع شوبة زيت ذره.
[/list]

الشيش طاووق Photo