كابوس ( مسابقة القصة القصيرة )

من طرف **3del** الجمعة 12 أغسطس 2016, 2:35 am

السلام عليكم ورحمة الله وبركاتة

اصدقائي الاعزاء

اسعد الله اوقاتكم

اقدم لكم اليوم قصتي

كابوس

كنت بستني الجمعة عشان اعرف الليل من النهار

باختصار انا ادهم حارس امن شغلي دايما بالليل

من 12 بالليل ل 12 ظهرا مليش الا امي واهي ماشية

وزي اي شاب كنت بحلم اكون غني ومعايا فلوس كتيرة

لكن مش دايما الاحلام بتكون حقيقة ولا حتي شهادة ليسانس تعملك قيمة

وجية يوم الجمعة وكالعادة نزلت بدري اشوف الصبح زي الناس

واحس اني انسان واجيب الفطار لي ولامي ونفطر سوا حتي ولو مرة ف الاسبوع

جايب الفول والطعمية والعيش وماشي ببص يمين وشمال واقول لنفسي اهي ارازق ومتقسمة

لفت نظري علي الرصيف راجل عجوز ودقنه طويلة

ادامه كتب كتيرة قديمة قاعد جمبهم

مش باينة ملامحة من كثافة دخان سجارتة خفيت خطوتي ووقفت ادام الكتب اتفرج

الراجل العجوز : في حاجة يا استاذ حتشتري ولا حتوجع قلبنا علي الصبح

ادهم: مالك يا حج الكلام اخد وعطا هو انا لسة اتفرجت

الراجل العجوز: طيب الكتب ادامك ولو حتشتري قولي مناهدة اتفرج وامشي

كنت ساعتها لفت عيني كتاب لونه فضي قديم اوي وعليه تراب السنين اسمه السحر السفلي

بسرعة مسكت الكتاب ومن غير ما افتحه قلت للراجل العجوز بكام الكتاب دة يا حج

الراجل العجوز: وبعدين بقي في دة صباح خد يابني فطارك وروح علي بيتكم

بلاش مناهدة علي الصبح

ادهم: يا حج انا سالتك سؤال ليه بتقطم فيا من ساعة ما شوفتني

الراجل العجوز: طب يا سيدي دة بالف جنية ومعنديش كلام تاني

ادهم: الف جنية ف كتاب دة مرتبي شهرين يالهوي حتي القراءة بقت احلام وعجبي

وبنبرة غريبة رد العجوز وقال بص خد الكتاب اقراه ورجعه تاني

انا كنت ف حالة ذهول منين بيقول الف ومنين بيقول خده

ادهم: طب اقابلك فين نفس المكان طب اوعدك الجمعة الجاية اجيبة هنا

الراجل العجوز: خده بس وامشي وانا حعرف ازاي الاقيك

قلت لنفسي اكيد الراجل دة مجنون المهم اني اخد الكتاب وامشي

وفعلا اخدت الكتاب ومشيت وعقلي مشغول بالكتاب

هو في اية جواه ووصلت البيت حطيت الفطار وقلت لامي

حدخل الاوضة شوية لحد ما تحضري الفطار وقفلت الباب عليا وبدات اقرا ف الكتاب

كان مليان رموز وحاجات غريبة وف الصفحة الثالثة عنوان

املك الارض بسر السحر السفلي

اقرا هذة الكلمات حتي تملك القوة الخارقة

انثبر & أعور & طراش & دهار & ام الصبيان

وكان الفضول حيقتلني وقررت اقرا الكلمات وقولت لنفسي حيحلصي اية يعني

ومع اخر كلمة ام الصبيان فجاة ظهرلي الراجل العجوز اتفزعت وقولته انت جيت منين

الراجل العجوز: انت دخلت اول جزء ف عالم السحر السفلي وبلاش تسال كتير انت تنفذ وبس عشان تحصل علي القوة

وبلا تتردد قولتة امرك

الراجل العجوز: عشان تملك القوة كاملة لازم تنفذ الشروط دي

1 / تنطق الشهادة باني انا ربك الاعلي

2 / لازم تقتل حد قريب منك وتستحمي بدمه

حسيت بذهول غريب وكان اتربط لساني

وبقايت مش قادر اتكلم وكاني بقيت شخص تاني

كان جوايا رغبة اني اكمل واملك قوة الارض ولسة حنطق بالشهادة

وحد بيخبط علي كتفي جامد وبيقول

اصحي يا ادهم الفجر بياذن اصحي ي بني

عشان تصلي الفجر وتنزل تجبلنا فطار

وكانت امي ومعاها صوت الفجر

وعرفت انه كان كابوس قمت اتوضيت وصليت واستغفرت ربنا

وقولت لنفسي

قوة الارض بداخلنا لكن لازم نؤمن بدة

والي هنا تنهي قصتي كابوس حاولت اختصر بقدر الامكان

اتمني ان تنال اعجابكم جميعا

تحياتي للجميع

من طرف **!هادية!** الجمعة 12 أغسطس 2016, 3:07 am

عالم السحر عالم شيق ومثير

ولكني اتحدث عن ذلك العالم الخيالي .. اما الاخر السفلي فهو حقا كابوس علي حد اطلاعي القليل عنه

القصة انعكاس لدهاليز النفس البشرية التي تتنازعها الخير والشر الحق والباطل.. وعند البعض حتي الايمان والعياذ بالله الكفر..

بطل القصة صور له عقله الباطن انه قد يحقق الاماني بلا جهد فقط بترديد عبارة .. ولكن لان الله بصير بعباده.. جاءت امه لتنقذه من وهم الكابوس الذي في مجمله مخيب للاحلام لا محققها

قصة علي قصرها الا انها حملت معني مهم جدا وغاصت في النفس البشرية لتخرج نزاعاتها المختلفة

صدقا اعجبتني

واتمني لك كل التوفيق

وايضا لكل المتسابقين

احترامي ومودتي

من طرف **KaGo0o** الجمعة 12 أغسطس 2016, 12:23 pm

تصدق يا عادل
انا بجد من كتر ما شدتنى القصة
اتضايقت اوى لما انت قولت نهاية القصة
مش ينفع يسطى تكملها و سيبك من المسابقة ؟

الراقي الخلوق عادل

قرات لك من قبل قصتك ولكنك لم تكملها

ولكن برغم اختصارك لها ولكن ...

وصلتنا قصة النزاع الدائم بين الخير والشر بداخل كل منا

راقت لي كثيرا قصتك

واتمني لك وللجميع كل نجاح

من طرف **Dragon * Legend** السبت 13 أغسطس 2016, 3:53 am

تعرف ياعادل ان القصة بتاعتك واسلوب السرد بتاعك للقصة جميل وممتع جدا

خصوصا انك كنت عايز توصل معلومة لكن فى شكل قصة وانتا قلت المغزي من القصة والروايه فى اخر القصة :

( قوة الارض بداخلنا ولكن .. لابد ان نؤمن بالله وبقدرتنا على تحقيق أمانينا واحلامنا )

تسلم ايدك عدولة على القصة الممتعة الجميلة لان الاهم من القصة ... هي ماتقدمه لنا القصة

سواء من نصيحة او من طرف خيط لتجعلنا نفكر أكثر وبعمق أكبر

تسلم ايدك بجد واتمنى نشوف ليك قصص وكتابات تانيه أجمل وأجمل

من طرف **3del** الثلاثاء 16 أغسطس 2016, 2:31 am

!هادية! كتب:
عالم السحر عالم شيق ومثير

ولكني اتحدث عن ذلك العالم الخيالي .. اما الاخر السفلي فهو حقا كابوس علي حد اطلاعي القليل عنه

القصة انعكاس لدهاليز النفس البشرية التي تتنازعها الخير والشر الحق والباطل.. وعند البعض حتي الايمان والعياذ بالله الكفر..

بطل القصة صور له عقله الباطن انه قد يحقق الاماني بلا جهد فقط بترديد عبارة .. ولكن لان الله بصير بعباده.. جاءت امه لتنقذه من وهم الكابوس الذي في مجمله مخيب للاحلام لا محققها

قصة علي قصرها الا انها حملت معني مهم جدا وغاصت في النفس البشرية لتخرج نزاعاتها المختلفة

صدقا اعجبتني

واتمني لك كل التوفيق

وايضا لكل المتسابقين

احترامي ومودتي

عالم السحر هو المكان المثالي حتي تري مالم يراة احد

يسلموا هادية

يسعد اوقاتك

تحياتي الك

من طرف **3del** الثلاثاء 16 أغسطس 2016, 2:34 am

KaGo0o كتب:
تصدق يا عادل
انا بجد من كتر ما شدتنى القصة
اتضايقت اوى لما انت قولت نهاية القصة
مش ينفع يسطى تكملها و سيبك من المسابقة ؟

عيوني الك جارح

وتروح وترجع بالسلامة من تاني وتنور المنتدي

وانت قصتك حلوة كتير

تحياتي الك

كابوس ( مسابقة القصة القصيرة )