الجزء الرابع

من طرف **3del** السبت 15 أكتوبر 2016, 11:22 pm

وبالفعل اتصل منير علي صديقة طارق

منير . الو اية ي طروق معلش اتاخرت عليك

ها اية الحوار بقي

طارق . ولا يهمك ي دوك بص ي سيدي البت مني

متضايقة عشان نفضلتها ف الحفلة ونازلة زن

وعايزة رقم تليفونك

منير . ها وبعدين واديتها رقم التليفون ؟

طارق . عيب عليك ي دوك محصليش الا اما اخدت منها رقم هوايدا صاحبتها

منير . وحيات امك انت بتتصرف من دماغك

طارق . يعم اتقل البنات فورتيكة وفرصة مبتجيش كتير

منير . طب والمطلوب اية دلوقتي ؟

طارق . مالك قفشت لية وبعدين منتا كنت بترسم لدة ولا انا معرفكش

منير . طب الحوار حيمشي ازاي ؟

طارق . ايوة كدا فك وبلاش الوش الخشب

انا حزبطتلك مقابلة النهاردة فالشقة عندي

راكب معايا النهاردة ولا اكنسل الليلة

وصمت منير وتذكر رجاء امة وكلام رباب ف حضور الغداء ف البيت

منير . طب امتي البنات حيجوا ولا قالتلك حتكلمني ولا الظروف اية ؟

طارق .لا ي دوك هي خدت الرقم اسبير وقالتللي شوف ظروفك انت وصاحبك وقولي

منير . خلاص زبط وخليها ع الساعة عشرة وفهمهم انهم جايين علي بيات

طارق . اشطة حزبط وارنلك بس الموكنة عليا والماية والدخان عليك

منير . ماشي مش مشكلة طير وابقي رنلي

وقرر منير انهاء علاقتة ب رباب اليوم وان يكون صارما ف اللقاء

وكانت الساعة قاربت من الواحدة ظهرا

فخرج منير من المكتبة حاملا بعض الكتب

وخرج بسيارتة قاصدا شراء التزامات حفلة الليلة وقرر بعدها

الذهاب لشراء بعض الملابس الجديدة وف طريقة رن هاتفة

منير . الو ايوة ي ماما

الام .خالتك نوال كلمتني من شوية وقالتي انهم علي وصول

عشان خاطري متتاخريش وانا كلمت نور اختك وعرفتها

منير . طيب ي ماما اخلص شوية حاجات وساعة واكون بالبيت

وبالفعل كانت الساعة قاربت علي الرابعة عصرا

وقرر منير التوجهة للبيت

وفي طريقة للبيت توقف في نفس الاشارة القريبة من بيتة

فلمح من بعيد علي الجانب الاخر من الطريق بائعة المناديل

ونظر اليها وهي لا تزال تمسك بكيس المناديل

فنظرت الية الفتاة ثم استدرات بوجهها بعيدة عنة

فضحك ضحكة خبث وسخرية وانطلق بسيارتة بعد فتح الاشارة

ووصل للبيت وركن سيارتة وكانت رباب تقف ف الشباك

وعندما طرق الباب ركضت رباب لتفتح الباب مسرعة

منير . مساء الخير

رباب . حمد الله علي السلامة حبيبي

وصمت منير وكأنة يريد انهاء الامور سريعا

ولم يرد السلام قاطعا ابتسامة رباب قائلا

منير .هي نور مجتش وفين خالتو واونكل ؟

رباب . خالتو في المطبخ بتجهز الاكل وماما وبابا نزلوا يشتروا حاجات وجاين

وقاطعها منير و نور فين ؟

رباب . نور جات من شوية وبتاخد شاور

منير . طب ي رباب ممكن ادخل اغير هدومي دة لو تسمحي

بدل ما انا واقف كدا

واحست رباب بالخجل وقالت

رباب . ايوة ي حبيبي اتفضل حستناك ف البلكونة نتكلم

قبل ما الكل يجتمع ويبقي صعب نتكلم

منير . طيب ماشي خمس دقايق

ودخل منير غرفتة ليغير ملابسة واذا بهاتفة يرن

طارق . ايوة ي دوك كلة تمام والمعاد الساعة 10

والموزز فهموا انهم بايتين متتاخريش بقي

وزبط اللي قولتلك علية

منير . تمام خلاص اتفقنا اشوفك هناك سلام

ولاحظت الام وصول ابنها فتوجهت الية بابتسامة لطيفة قائلة

الام . انا كنت عارفة ان ربنا حيهديك وحتجي

منير . ماما من فضلك ممكن بلاش نتكلم دلوقتي

واحست الام بالاحراج وخرجت تاركة ابنها

ثم توجهة منير للبلكونة للتحدث مع رباب

والي هنا ينتهي الجزء الرابع

الي اللقاء مع الجزء الخامس

من طرف **3del** الأحد 16 أكتوبر 2016, 1:16 am

وبالفعل توجهة منير للتحدث مع رباب وبابتسامة

قابلت رباب منير قائلة

رباب . وحشتني اوووي

وبوجهة عابس صارم قال منير

منير . رباب ممكن ندخل ف الموضوع اعتقد قولتي اخر مرة نتقابل ونتكلم

وانقبض قلب رباب واحست ان حبيبها يريد التخلص منها فعليا

رباب . اسفة اني بقول حبيبي ووحشتني

منير . ممم وبعدين بقي ارجوكِ ندخل ف الموضوع مفيش وقت

وصمتت رباب للحظات ثم قالت

رباب .طب ممكن تسمعني بقلبك مش عقلك

وصدقني اي قرار حتقولة

انا ححترمة ومش حعلق علية خالص

وبنبرة اشبهة بالاستهزاء قال

منير . طيب ماشي

رباب . انا معرفتش معني الحياة الا معاك

ما بحسش بكياني الا وانا ف حضنك

عمري ما تمنيت ولا حسيت اني اكون لحد غيرك

عارف بحس ان انا اتخلقت عشانك انت بس

ومش ببالغ لو سالت كل حتة فيا حتقوالك

انها بتعيش ف اللحظة اللي بتشوفك فيها

وبتموت ف الوقت اللي بتسيبها فية

وقاطعها منير بلجهة قوية قائلا

منير . لاحظي ان اي حد ممكن يدخل علينا

فادخلي ف الموضوع لو سمحتي

ف قاطعتة رباب بنبرة حزن قائلة

رباب . ياتري خايف عليا ولا خايف علي شكلك ؟

منير . وبعدين ي رباب حتتكلمي ولا امشي ؟

رباب . انا بحبك ومقدرش استغني عنك

منير . انا منكرش اننا قضينا وقت حلو مع بعض

لكن الحب مش دايما بيتنهي بالارتباط

وانتي اكيد حتقابلي حد احسن مني وتلاقية معاة الحب

رباب . حد تاني وحب وارتباط بمين

هو انت خليت بقايا لحد

انا بقايت متشهوة خلاص

بعدك منفعيش حد تاني

منير انا مش بورطك

بس انا صدقتك وانت وعدتني مش حتسيبني مهما حصل

منير . ورجعت ف كلامي ومبقتيش احس ناحيتك باي مشاعر

وخلاص لازم ننهي العلاقة اللي بينا لازم لازم لازم

رباب . انا حامل ي منير

منير . بقوالك اية لو فاكرة بكلامك دة كدا حتضغطي عليا

تبقي غلطانة وتفكيرك خانك

رباب . اضغط عليك هو انا رخيصة للدرجة دي

ولا شايفني اية ف نظرك

منير . انا مضربتكيش علي ايدك

وانتي كنتي حابة علاقتنا علي كدا

وحتي سيرة الارتباط اما كنت برفضها

كان ردك طول ما انتا جمبي مش عايزة حاجة تانية

اية غير الكلام دلوقتي

ولا كنتي عايزة تحطني ادام الامر الواقع

رباب . امر واقع هو التزامك بعهدك بقي ادبسك الف خسارة كنت فاكراك راجل وزمان كنت معايا

دلوقتي خسرت نفسي وخسرتك ي الف خسارة بجد

انت مش قتلت كبريائي وعذريتي لا انت شوهتني

بس وحياة حبي ليك

لتندم ندم عمرك ي منير وانت اللي اخترت

ولاخر لحظة كنت فاكراك بني ادم حتندم فاهم

وابقي افتكر كلامي حتندم وحتشوف

وبخطوات خفية وبصوت مرح همست نور

نور . بتعملوا اية ي عفاريت وسيبنا

ورد منير بلهجة عنيفة

منير . نور انا مضطر انزل طارق ابوة ف المستشفي

اعتذرالي للكل

وذهب منير مسرعا تاركا رباب يملاها الحسرة والخيبة ونور تحاول تجميع

كل الاحداث ولم تفهم شيء واخذت تنادي

نور . طب استني ي منير فهمني ف اية

والي هنا ينتهي الجزء الخامس

الي اللقاء ف الجزء السادس

من طرف **3del** الإثنين 17 أكتوبر 2016, 3:11 pm

وخرج منير مسرعا تاركا كل ما يحدث خلف ظهرة

ولا يرد علي نداء اختة ولا احزان رباب

وظلت نور تنادي علي منير

الي ان اخذ سيارتة وغاب عن الانظار

فنظرت نور الي رباب فوجدتها ف حالة لا يرثي لها فقالت

نور . رباب مالك انتي كويسة

وبصوت خافت اشبهة بالهمسات

رباب . حاسة بدوخة امسكني حقع

وصرخت نور عند سقوط رباب وارتطام راسها بسور البلكونة

فاسرعت الام علي صراخ نور

الام . ف اية ي نور مالها رباب اتصلي بمنير بسرعة

رباب .مالك ي بنتي حد يفهمني حصل اية ومنير راح فين

ووسط ربكة الموقف ومحاولة الام ونور حمل رباب للغرفة

وصل الاستاذ مسعود ومدام نوال

فلم تتمالك مدام نوال نفسها الا واخذت تصرخ قائلة

نوال . حصل اية ي جماعة بنتي مالها

الحقنا ي مسعود ب دكتور حالا

وبالفعل تحرك الاب ليتصل بطبيب

ولكنة لم يفلح فقرر ان ينزل لياتي بطبيب

و ف ظل هذة الاجواء ذهبت نور وامسكت بتليفونها لتكلم منير

ولكن لم يرد منير علي الهاتف فازداد الشك بداخلها

ان ما حدث لرباب السبب فية هو منير

فكتبت رسالة لمنير

منير رباب اغمي عليها ومش عارفين نعمل اية

ارجوك كلمني او هات دكتور ضروري

ثم ذهبت للغرفة للاطمئنان علي رباب فوجدت الجميع ف حالة انهيار

فتذكرت زميلها الدكتور مدحت وعلي الفور قررت التحدث الية

نور . مدحت انا اسفة اني بكلمك بسرعة

مدحت . خير ي نور مالك ف اية ؟

نور . تقدر تجي عندنا البيت رباب بنت خالتو مغمي عليها ومش عارفين نعمل اية

مدحت . مسافة السكة حكون موجود اديني العنوان بالزبط

وبالفعل ف غضون ربع ساعة كان الدكتور مدحت يطرق الباب

فاسرعت نور لاستقبال مدحت وبدون مقدمات قالت

نور . اسفة ي مدحت رباب هنا ف الاوضة دي اتفضل

وعندما دخل مدحت الغرفة لاحظ ارتباك الجميع وحزن عميق فطالب الجميع بالهدوء

ثم بدا ف الكشف علي رباب والجميع ف انتظار ما سوف يقولة مدحت

ثم بصوت يشق الغرفة والجميع

مدحت . لازم عربية اسعاف حالا المريضة ف حالة نزيف حاد ولازم تتنقل المستشفي باسرع وقت

فصرخت مدام نوال نزيف بنتي مالها ي دكتور

قولي الحقيقة رباب ردي عليا ي حبيبتي

مدحت . ي جماعة هدوء لو سمحتم تتنقل ونعمل الاسعافات وبعدين تفهموا

وساد الذهول علي وجهة الجميع ثم قالت مدام نوال

نوال . هي بنتي عندها نزيف لية هي حامل ؟؟

والي هنا ينتهي الجزء الساسدس

الي اللقاء ف الجزء السابع

صباح الورد عادل

كنت اتابع قصتك في صمت تام

ولكني جأت إليك لاغبر عن روائع ما يخطه قلمك

فأنت حقا كاتب ومؤلف ناجح

اعود لمكاني لاتابعك مرة اخري في صمت واشتياق و..و

وماذا سيحدث لبطلة قصتك رباب

مع خالص تحباتي وتقديري

من طرف **3del** الخميس 20 أكتوبر 2016, 1:37 am

( أميرة أرق ملاك ) كتب:
صباح الورد عادل

كنت اتابع قصتك في صمت تام

ولكني جأت إليك لاغبر عن روائع ما يخطه قلمك

فأنت حقا كاتب ومؤلف ناجح

اعود لمكاني لاتابعك مرة اخري في صمت واشتياق و..و

وماذا سيحدث لبطلة قصتك رباب

مع خالص تحباتي وتقديري

صباح النور اميرة

اشكرك لا كاتب ولا مؤلف

دة انا بكتب غلط ههه

اشكرك علي تصحيح بعض الاخطاء الاملائية والتنسيقة لي

اما رباب فسيكون ردها عنيف وجديد من منطلق

العين بالعين والسن بالسن والبادي اظلم

وحتي لا احرق الاحداث يسعدني متابعتك ومتابعة الجميع

تحياتي الك

من طرف **3del** الخميس 20 أكتوبر 2016, 2:14 am

فنظر مدحت للام بنظرة حزن يملاها الحيرة وقال

مدحت .ممكن حضرتك تهدي عربية الاسعاف عل وصول

نسعف المريضة وبعدها افهم حضرتك كل شيء

وبالفعل ف دقائق وصلت سيارة الاسعاف

وتم وضع رباب بداخلها واحست الام بان كارثة حدثت لبنتها

فقالت لاختها

نوال . خليكوا هنا

عشان لو مسعود رجع حد يجيبة علي هنا ويطمنة

واحتجت ام نور وقالت

ام نور . ازاي ي نوال نسيبك ف الوضع دة

نوال . يا اختي مفيش وقت وانتوا لسة حتلبسوا

ومفيش وقت وكمان مسعود ممكن يرجع ف اي وقت

ام نور . طب لازم تتطمينا اية اللي حصل

نوال . حاضر اطمن انا بس واطمنكم

وبالفعل اقتنع الجميع بكلام نوال وظلوا ف البيت

وركبت نوال سيارة الاسعاف مع رباب

وعيناها يملاها الدموع وقلبها يرتجف ولسان حالها يقول

اوعي ي رباب تكوني فضحيتنا ابوكِ يروح فيها

وظلت تردد ف سرها استرها ي رب

ووصلت سيارة الاسعاف للمستشفي ووضعت رباب علي ترولي الاستقبال

لدخولها العناية المركزة

ونظرت الام للدكتور مدحت وعيناها تكاد يختفي لونها من الاحمرار

نوال . قولي يبني رباب حامل وسقطت صح ؟

وشعر مدحت بانة ينظر الي امة وبصوت حزين قال

مدحت . ايوة ي امي ربنا يعوضكم

نوال. ي مصبيتي لية كدا ي رباب لية لية

واحس مدحت ان البنت اخطات وانها ليست متزوجة

ولم تتغير نظرت مدحت للام وقال

مدحت . طب ي ماما اهدي وربنا بس يقومها بالسلامة

فامسكت الام يد مدحت واستحلفتة بالله ان يساعدها

ف اخفاء الامر عن الجميع ويعتبرها اختة

وبنظرات عاطفة ورجولة حقيقة

مدحت . اطمني ي امي محدش حيعرف واوعدك الامور حتكون بخير

وحتقوم بالسلامة وكل شيء حيكون تمام

عايزك تطمني نور ومامتها

وتقوليهم ان النزيف كان انفجار الزائدة

عشان كمان يطمنوا بابا رباب والامور تمشي تمام

نوال . ربنا يسترك يبني ويسلم طريقك وسكتك

مدحت . طب انا حطلب لحضرتك عصير

واروح العناية زمانهم حضروا اوضة العمليات

بعد اذنك

وجلست الام وقالت لنفسها لابد ان اتماسك ولا افضح الامر

ولم يترك القلق والحيرة منزل نور فاتصلت علي خالتها

للاطمئنان علي رباب

وطمنتهم الام انها ف غرفة العمليات

وان النزيف نتيجة انفجار الزائدة

وفي هذة الاثناء وصلت مكالمة اخري علي الويتنج لنوال

نوال . طب ارد علي مسعود واطمنة وحخلية يعدي عليكم تجوا هنا

نور . ماشي ي طنط

وبالفعل تحدثت نوال مع مسعود واخبرتة ان رباب

نقلت للمستشفي نتيجة انفجار الزائدة

ووصفت لة عنوان المستشفي وان يحضر نور وامها الي المستفي معة

واغلقت الهاتف واخذت تدعي بان تمر الامور بسلام

ولا ينفضح الامر وتتطمن علي بنتها

والي هنا ينتهي الجزء السابع

الي اللقاء ف الجزء الثامن

من طرف **3del** الجمعة 21 أكتوبر 2016, 7:54 pm

وفي ظل انتظار نور وامها للاستاذ مسعود قالت الام

الام . متكلمي ي بنتي منير يجي معانا

وهو خرج لية اصلا وسبنا مش عارفة امتي الولد

دة ربنا حيهدية

وصمتت نور وقالت

نور . حاضر ي ماما حروح اكمل لبس وارن علية واشوفة

ودخلت نور حجرتها وف داخلها مليون سؤال وهل حقا سبب حالة رباب

اخيها وهذة المرة رد منير علي الهاتف

نور . كدة ي منير تنزل بسرعة ومتردش عليا

منير . خير ي نور مقولتلك ان طارق ابوة تعبان

وانا نازل اعمل اية يعني وبصراحة مش فاضي

لدلع للي اسمها رباب دي

وبلهجة استهجان ردت نور قائلة

نور , دلع اية منا بعتلك رسالة وقولتلك انها اغمي عليها وجالها

نزيف واتنقلت المستشفي

منير . طب وانا مالي شايفني دكتور وبتقولي راحت المستشفي

نور . انت شايف انك طبيعي وانت اخويا اللي اعرفك

مش فاهمة فين رجولتك وانسانيتك

وبلهجة غضب شديدة انفعل منير علي اختة قائلا

منير . بقوالك اية بلاش حكم ومواعظ انا عارف بعمل اية

وقولتلك مش فاضي للدلع

نور . عموما دة عنوان المستشفي وانا مضطرة اقفل عشان شكل اونكل

مسعود وصل وحننزل نروح المستشفي

وقفلت نور الهاتف واذا بالام ف وجهها قائلة

الام . كلمتي اخوكي ي نور

وردت نور بنبرة ضعيفة

نور . ايوة ي ماما وقال حيحصلنا علي هناك

وبالفعل توجهوا جميعا للمستشفي للاطمئنان علي رباب

وظل الصمت سائد طوال الطريق

الي ان وصلوا للمستشفي فارتمت نوال ف احضان زوجها باكية

وحاول مسعود ان يهدا من روع زوجتة الي خرج الدكتور مدحت عليهم

واخبرهم ان الامور مرت بسلام وف غضون الساعة

سوف تنقل رباب ف حجرة عادية وانها تجاوزت الازمة

فنظرت الام الي مدحت وشكرتة شكرا بالغا

وتمنيت ان تقبل يدية علي ما فعلة معها

وعدم فضح الامر ونظرت نوال الي مسعود

نوال . روح انت عشان انت تعبان وكمان وراك سفر بكرة

رباب الحمد لله الدكتور طمنا

ورفض مسعود تركهم رفضا شديدا الي ان انهالت

علية عبارات الطمأنينة وقالت ام نور

ام نور . منير ابني جاي ف السكة متقلقيش

وكلنا هنا لحد ما تقوم بالسلامة

ووقتها شعرت نور بالخزي لانها كذبت علي امها فيما قالة اخيها لها

وبالفعل رضخ مسعود للامر وودع الجميع وانصرف

وعلي الطرف الاخر كان منير يقف بجانب البيت ينتظر ماذا سيحدث

وبعدما تاكد ان الجميع خرج عاد للمنزل

لاخذ بعض اغراضة وقرر ان يترك البيت لبعض الوقت ويقيم بشقة صديقة

طارق وف هذة الاثناء اتصل منير علية

منير . ايوة ي طارق فينك

طارق . انا ف مشوار وساعة وحروج اجيب المموز واروح ع الشقة

منير . طيب انا حسبقك ع الشقة و ع فكرة انا حقعد

يومين ف الشقة واما تجي حفهمك

طارق . المكان مكانك ي دوك واهي فرصة نعيشلنا يومين صح

وانهي منير حديثة مع صديقة وغادر شقتة

غير مبالي بكل ما حدث وركب سيارتة متوجها الي شقة طارق

وف طريقة وبالقرب من اشارة المرور وجد علي الجانب الاخر

بائعة المناديل وباستهتار وضمير غافل

نزل من سيارتة وتوجها اليها واوقفها وقال

منير . ممكن سؤال ؟

ولم تبالي الفتاة بنظرات وكلام منير وظلت صامتة الا ان كرر

منير سؤالة

فاجابت الفتاة قائلة

الفتاة . انا اللي ممكن اعرف انت عايز مني اية ؟

منير . بصراحة دخلتِ مزاجي وعجبتني

الفتاة .وبصراحة اكتر انت كلك عل بعضك

احتقرت مزاجي ومش لاقية حاجة فيك تعجبني

والي هنا ينتهي الجزء الثامن

الي اللقاء ف الجزء التاسع

هكذا / الجزء الاول .. الجزء الثامن عشر

الجزء الرابع

رد: هكذا / الجزء الاول .. الجزء الثامن عشر

الجزء السادس

رد: هكذا / الجزء الاول .. الجزء الثامن عشر

رد: هكذا / الجزء الاول .. الجزء الثامن عشر

رد: هكذا / الجزء الاول .. الجزء الثامن عشر

رد: هكذا / الجزء الاول .. الجزء الثامن عشر