نرجس الأخير

من طرف **3del** الأحد 03 نوفمبر 2019, 5:38 am

انتى يا زفتة

قومى قامت قيامتك

عايزة ايه يا ماما

بحلم حلم جميل هكمله واقوم

شوف البت

بقولك قومي

هاتي الصاجات

وامسحيهم عشان نخلص الكحك

وغيري اللي انتي لابساة دة عشان في ناس تساعدنا وتعمل كحك معانا

خلاص انا حقوم اهو

بسرعة متتاخريش وغيري هدومك علشان تعرفى تتحركى براحتك

الام هو ابوكي فين

نرجس معرفش

بت بطلى وردي عليا

شكلة على القهوة مع عم محمد الترزي

وهو مالة ومال الترزي الراجل الغتت دة

مش عارفة ياماما منا قاعدة معاكى اهو

ماشى يختي

ربنا يهديكى

واذا بجرس الباب يرن

انت جيت كنت بتعمل ايه مع الترزي الغتت دة

وانتي مالك يا حشرية

كنت بتفق معاه يفصلي عباية اصلي بيها العيد

ارتحتى

واوعى خلينى اخش وانتي سداة الماية والنور

بت يانرجس

خرجت نرجس من الاوضة

وقالت:ايوة يابا

خشى المطبخ اعمللي شاى

نرجس حاضر يابابا

وصحيت مني على صوت ابوها

وخرجت من الاوضة

مني صباح الفل يا برنس

الاب هههههههه ازيك ياحبيتى

مني بخير يابابا

بقولك ايه كنت عاوزة فلوس

الاب طب لية

مني هنزل اجيب هدوم عشان العيد

الام ابقى خدى نرجس معاكى واشتروا انتوا الاثنين

مني يووة ياماما انتى عارفة مش بحب اروح مع البنى ادمة دى ف حتة

الام بت عيب.. البنى ادمة اللى بتتكلمى عنها دى اختك مينفعش تتكلمى عنها كدا

مني ها يابا هاخد الفلوس ولا لا

الاب العسل يؤمر واحنا ننفذ

افتحى الدولاب وخدي اللي عايزاة

مني ٥٠٠ جنية حلو

الام اعملي حساب اختك

وبدون اهتمام لكلام الام

حسم الأمر الاب بالرفض بحجة انها سوف تساعد امها ف ترتيب البيت وعمل الكحك فردت الام بلاش تفرق بينهم هيا كمان ليها نفس زي اختها

وبحدة انهي الاب الحوار

وبدأت تستعد مني للنزول واذا بنرجس تخرج من المطبخ حاملة الشاي ويبدو على ملامح وجهها انها سمعت كل ما دار

نرجس ممكن يا بابا اروح اقعد مع عفاف شوية

الاب لا مفيش طلوع خليكى قاعدة هنا

نرجس يابابا انا زهقانه وهقعد نص ساعة ولو احتجت حاجة ندينى وانا هنزل ع طول

الاب بعصبية انتي مش مبتفهميش قولتلك لا

الام خلاص بقى خليها تطلع يعنى هتروح فين يعنى دة الباب ف الباب اطلعى ي نرجس بس هى نص ساعة بالكتير

نرجس حاضر ياماما

طلعت نرجس من الشقة لاقيت في وشها الست تغريد جارتهم

نرجس صباح الفل

تغريد اللى عنده جيران زيكوا يصطبح ع فل

نرجس الله يسامحك

تغريد انتي حتعمللي فيها شيخة نقوم وننام على صوت زعيق وخبط ورزع امتى بقى نرتاح من السكنة الهباب دي

نرجس عموما مش هرد عليكى علشان لو عملت كدة هقل منك وانتى ست كبيرة

واحتدم الكلام بينهم وبعصبية

قالت عفاف تقلي من مين

انا طالعة لابوكي عشان يرقعك علقة

زي زمان وتركتها نرجس وتوجهت الي شقة عفاف

وفتحت لها الباب

عفاف مالك؟!

نرجس مش عارفة لية دايما الدينا جاي عليا شوي ابويا وشوي الجيران وحبسة وتحكم مع ان انا واختي مني تؤام

بس عمري ما حسيت بالحنية من اي حد

امي بس اللي فاهمني وأخذت تبكي بحرقة مش كفاية مرضاش يدخلني كلية

بحجة اساعد امي زي ما اكون مخلفنني عشان اكون خدامة

عفاف متقوليش كدا انتي حساسة زيادة عن اللزوم وشق صوت الاب حديثهما

الاب بت يا نرجس انزلي تعالي

يتبع

من طرف **3del** الأحد 03 نوفمبر 2019, 9:09 am

وبسرعه توجهت نرجس الي شقتها

وأخذت تمسح بيديها دموعها

واذا بها تجري مسرعة وعند دخولها من باب الشقة ولم تتخطى الباب الا وقابلها ابوها بقلم كادت راسها ان ترتطم بالباب

وفي ظل ترنحها شاهدت جارتهما تغريد وهي تبتسم ابتسامة خبث وتقول خلاص بقى يا حاج حصل خير واحتضنت الام بنتها وهي تبكي بكاءا مريرا وتقول

الام طيب اسمع منها اللي حصل وبعد كدا لو غلطانة اضربها

وردت تغريد يعني انا كدابة يا عيب الشؤم والله لولا عارفة ظروفك الصحية كنت عرفت ارد عليكي

ومع احتدام الكلام خرجت مني من غرفتها للنزول فنظرت الي اختها وقالت

مني مش عارفه لحد امتى حنفضل بمشاكل بسببك انا خارجة يا بابا

وبخروج مني والجارة تغريد

بدا الوضع ف الهدوء غير أن نرجس لم تكف عن البكاء واذا بالاب يقول

الاب لو سمعت صوتك حاجي اموتك

العيب على اللي مرابيكي تربية ساقطة

ولم تنطق الام تفاديا لتصاعد الموقف

ولكن نظرات نرجس لأمها تحاصرها وكانما تقول لها لية ساكتة على البهدلة دي وبعد فترة بدأت الام في مباشرة أعمال البيت من تنظيف ومسح

ولم تجد مفر نرجس من انها تقوم وتساعد امها لأنها كانت تعلم جيدا انها مغلوبة على أمرها ومر الوقت واقتربت ساعة الإفطار ودق الباب وكانت مني

الام تعالي وريني جيبتي اية

مني ملقتيش حاجة عجباني

الام طيب فين الفلوس اللي ختيها من ابوكي وساد على مني حالة من التردد والارتباك وقالت

مني شوفت موديل عجبني دفعت فلوسة بس مفيش اللون اللي عايزاة

يومين وصاحب المحل حيجيبة

الام انتي بتتصرفي من دماغك

مني يووة بقى هو تحقيق بدل متحققي معايا شوفي بنتك ام لسان طويل

وفي ظل الحديث بينهم خرج الاب من غرفتة وقال

الاب فية اية تاني

وحاولت مني بخبث تشوية الحقيقة

وكان رد الاب صاعق وقال ملكيش دعوة

اما تعرفي تربى البت الثانية ابقى اتكلمي

وبحس نية تتدخلت نرجس وقالت

نرجس خلاص يا ماما مدام اختارت كدا براحتها وتدخل الاب بشكل عنيف

الاب متتدخليش في اللي ملكيش فية

ثم توجهت مني الي حجرتها وكأن شيئا لم يكن وترك الاب المنزل كعادتة وذهب للجلوس على المقهى

يتبع

من طرف **3del** الأحد 03 نوفمبر 2019, 7:44 pm

وبعد خروج الاب توجهت نرجس لغرفة مني طارقة الباب

مني خير في أية

نرجس انا عايزة افهم انتي لية بتعاملني كدا مع اني بحاول اتجاهل كل امورك وببعد عن أي صدام بينا

مني عايزة تعرفي انا لية بعمل كدا

حاجة غريبة والله انتي نسيتي عمايلك واحنا صغيرين اما كنت دايما ب ضرب بسببك لحد ما كرهت الشبهة اللي بينا

وانك كنتي دلوعة ماما وبابا افكرك بمواقفك البايخة في البيت والمدرسة

يوووة يما كنت ببات وانا مش عارفة

اعمل حاجة

نرجس معقولة كل دة جواكي وشايلة ليا

ومش حكدب وانكر بس كنا صغار وبرغم كدا كنت دايما بقف أدام بابا اما كان بيضربك على الاقل كنت باخد موقف مش زيك ونسيتي اما وافقت مش اكمل تعليم بعد الثانوية عشان تعب ماما واني شايلة البيت شيل وما بخليكي تعملي حاجة لية بتفتكري الوحش وتنسى الحلو

مني قبل متمثيلي دور الضحية

انتي غصب عنك وافقتي لان بابا واقف جمبي وهو اللي حكم بكدا

نرجس غلطانة صدقني غلطانة وبكرة الايام تثبتلك

ضحكت مني وبسخرية طيب بكرة امتى

ونظرت إليها نرجس طيب وقالت

نرجس ياترى محمد حيرجعلك ٥٠٠ جنية

ولا بح على كدا

ونظرت إليها مني وقالت

مني اية الكلام الأهبل اللي بتقولية دة

نرجس فعلا هبل طيب رسائل الواتس والفيس هبل ولا مكالمات الليل ولا لا

قوللي خاتمك اللي ضاع جاب كام

عموما مش بطلب منك تقفي معايا أدام ظلم بابا على الاقل متتدخليش ودة احسن وانا للاخر مبخلطيش الأمور

ولم تنطق مني بكلمة واحدة

وخرجت نرجس وذهبت لتساعد امها

يتبع

من طرف **3del** الثلاثاء 12 نوفمبر 2019, 5:55 am

وأخذت مني تفكر ماذا تفعل

وكيف عرفت نرجس كل أسرارها

وهل ستخبر ابويها بما تعرف

وامسكت بهاتفها واتصلت بمحمد

واخبرتة بما حدث فصمت للحظات وقال

محمد طيب اعمل ايه دلوقتي حاولي تمشي امورك معاها لحد ما اشوفلنا حل

وأخذت تبكي مني وتتوسل لمحمد بأن يجد حلا لهذة المشكلة ثم أخبرها محمد ان تحاول أن تساير الأمور معها حتى يجد حلا واقفلت مني الهاتف وبدأت ف توقع السيناريو الذي حيحلق بها ان تخلي محمد عنها ونرجس أخبرت أهلها

وقررت مني أنها لابد أن تساير أمورها

حتى لا ينفضح أمرها وهنا قررت أن تذهب لتساعد امها واختها ف أعمال البيت بحجة شعورها بمرض امها وعدم قدرتها على القيام بمهام البيت

وبالفعل خرجت مني متوجهة الي المطبخ لتجد امها ونرجس يقومان بعجن الدقيق استعدادا لعمل الكحك

ونظرت الام باستغراب الي مني قائلة

الام في أية عايزة حاجة

وبصوت خافت يملاة الخبث قالت

مني ابدا ي ماما جاية اساعدكم زهقت من المذاكرة فابتسمت نرجس ونظرت الي اختها فلمحت في عيناها كلام فيما معناة ارجوكي لا تخبري احد ودق جرس الباب فاسرعت مني لفتح الباب

فوجدت الاب رجع فنظر إليها وقال

الاب انتي اللي بتفتحي الباب

امال البت نرجس فين

فاجابت مني بتساعد ماما وايديها مش فاضية فنظر إليها الاب وقال طيب خليها تعملي قهوة والغريب ان مني ذهبت إلى المطبخ ولم تخبر اختها بما قال ابيها

وعملت القهوة وذهبت واعطاتها للاب

وهنا رن هاتفها فاستاذنت من ابيها وذهبت لغرفتها

يتبع

نرجس
الاسم ذاته له معي قصص وحكايات
ذكرني بنرجسه الظلام
كل الأشياء تعيد ذاتها
والايام تتكرر
لكن شئ واحد لا يمكن أن يبقي ع حاله
الظلم
وان طال الامد
منور الدنيا ي عادل
متابعه حتي التتمه ان شاء الله

من طرف **3del** الثلاثاء 12 نوفمبر 2019, 6:28 pm

habiba maged كتب:
نرجس

الاسم ذاته له معي قصص وحكايات

ذكرني بنرجسه الظلام

كل الأشياء تعيد ذاتها

والايام تتكرر

لكن شئ واحد لا يمكن أن يبقي ع حاله

الظلم

وان طال الامد

منور الدنيا ي عادل

متابعه حتي التتمه ان شاء الله

مساء الخير حبيبة

لازم اروح اشكر نرجس عشان

خلتك تجي هنا

النور نور من اضاء المكان

يسعدني وجودك ومتابعتك

اما عن ان الظلم لا يدوم

لا دة كلام روايات وقصص وحودايت يا صديقتي

اما الحقيقة هناك ملايين البشر تموت من الظلم َوالقهر

ويمكن احنا اما بنكتب بنحاول ننصف المظلوم

لكن لا مكان للضعفاء والمقهورين في هذا الزمن

في مقولة بتقول

طول ما الحمار ساكت العربجي حيفضل يزود الحمل

ما علينا

كوني دائما بالجوار

اسعدني مرورك

تحياتي الك

من طرف **3del** الثلاثاء 12 نوفمبر 2019, 6:33 pm

وامسكت بالهاتف في لهفة وقالت

مني الو ايوة يا محمد لقيت حل للمشكلة بتاعتنا

وبكل برود وتنهيدة باهتة

محمد ايوة يا منى

لازم تعملي إجهاض في عيادة ف الزاوية الحمراء ممكن تخلصنا من الجنين دة

وقاطعتة مني بحدة انت بتقول اية

افتكرتك حتقولي انا جاي اتقدملك

وباغت محمد مني بضحكة استهزاء قائلا

جواز مين منتي عارفة الظروف وبعدين

انتي عارفة كل حاجة من الاول وانا مضربتكيش على ايديك ولا غصبتك

ورجولة مني حقف معاكي ننزل العيل

وتفضلي معايا لحد مظروفي تتعدل

وقاطعتة مني

فين الحب

فين الغرام

فين الوعود

فين كلامك ووعودك

وظلت تبكي بحرقة وقاطعها محمد قائلا

اسمعي بقى بلاش شغل الأفلام العربي دة انا حرتب معاد نخلص فية الحوار دة

ويا تجي معايا او شيلي الليلة لوحدك

وأغلق السكة بوجهها

وانهارت مني ولا تدري ماذا تفعل

واحست انها اضاعت نفسها

واخترق بكاء مني صوت ابيها ينادي

عليها فمسحت وجهها وتوجهت الي غرفة الضيوف حيث وجدت امها جالسة بجانب ابيها ونرجس تقف بجانب امها

فقال لها الاب

اقعدي يا منى عشان عايزاكم في موضوع فقاطعتة الام

الام خير في أية

وفي هذة الاثناء انخلع قلب مني خوفا

ان يكون انكشف سرها وحاولت إخفاء خوفها

فنظر إليهم الاب قائلا

يتبع

نرجس الأخير

نرجس الأخير

الجزء الثاني

رد: نرجس الأخير

رد: نرجس الأخير

رد: نرجس الأخير

رد: نرجس الأخير

رد: نرجس الأخير