قبل الأخير

من طرف **3del** الأربعاء 13 نوفمبر 2019, 9:57 pm

انا قررت اخد امكم ونروح نعمل عمرة

العشر الأواخر من رمضان

تفاجأت الام وقالت

الام عمرة اية لية مقولتيش الكلام

من بدري

الاب يعني كنتي حتعملي اية حتلبسي سوراية يعني مرضتيش اروح لوحدي

ولو رحت لوحدي تزعلي مش عارف اعمل اية وقاطعتة الام قائلة

الام مش قصدي يخويا بس البنات

حيقعدوا لوحدهم

الاب يعني القطة حتاكلهم دول يفتحوا بيوت

الام ومين اللي طلع الفكرة براسك ولا مين حيخلص الموضوع والورق

الاب انا من يومين كلمت عم محمد الترزي واعطتة جواز السفر بتاعي وبتاعك وبكرة حيجيب التأشيرات

والجوازات

فضحكت الام وقالت مش قولت كنت قاعد معاة عشان يفصلك جلبتين

يووة عليك راجل

وباركت نرجس لأمها وابيها بعمرة مقبولة

وقال الاب لنرجس خلي بالك من اختك ومفيش خروج من البيت هما عشر ايام وتاني يوم العيد حنكون هنا وعمكم محمد حيودينا ويجيبنا

وتنفست مني الصعداء واحست براحة

وأخذت تقول في نفسها يمكن دة حصل

عشان اعرف الاقي حل للموضوع بتاعي

وقالت الام يلا يا بنات ساعدوني نخلص الشقة والحاجات اللي ورانا قبل السفر

وقال الاب انا نازل اشتري حاجات لزوم السفر وخرج الاب وبالفعل دبت الحركة ف البيت وبدأ الجميع في ترتيب وتجهيز البيت وفي ظل انشغال الام في المطبخ

نظرت مني الي نرجس واحتضنتها

وقالت لها

متزعليش يا نرجس انا اسفة على كل حاجة عملتها وحشة معاكي

ويمكن ربنا خلي ماما وبابا يروحوا العمرة عشان نقرب من بعض

واحست نرجس بصدق كلام اختها

واحضنتها بقوة قائلة

بلاش هبل احنا اخوات ولو في اي مشكلة عندك انا ستر وغطا عليكي ونحلها سوا احست مني بالخوف

وقالت طبعا انا ماليش حد غيرك ربنا ميحرمني منك

ثم تابعا عملهما ولا تعلم نرجس ما يخبئة القدر لها

يتبع

من طرف **3del** الأحد 17 نوفمبر 2019, 12:10 am

وبدأ الاب والام في تجهيز أنفسهم للسفر

وتوالت مع التجهيزات العديد من النصائح للتؤامين نرجس ومني من قبل الاب والام

وفي صباح اليوم التالي كان موعد السفر قذ حان وكان الجار محمد مستعد لتوصيلهم للمطار وبالفعل غادرا الاب والام البيت ووقتها احست مني بالراحة نوعا ما وانك هناك مهلة لديها للتخلص من مشكلتها وقررت ان تواجهة العشيق وتجد معة حلا للمشكلة

مني الو يا محمد انت فين

محمد حكون فين يعني في الشغل

مني مالك بتكلمني كدا لية

محمد وبعدين انتي جاية تتخانقي

ولا اية ظروفك بالزبط

مني محمد انا بموت كل دقيقة ومش عارفة اتصرف وحاطط ايدك بالماية الباردة

محمد بقولك اية انا قولتلك اللي عندي

وقاطعتة مني يعني آخر قرار عندك

اننا ننزل البيبي ولا همك اية ممكن يحصلي وسيبك مني انشل اموت واروح ف داهية مش همك بابا او ماما يعرفوا

وتكون بكدا دمرتني ودمرت اهلي وكل دة عشان وثقت فيك وصرخ محمد قائلا

محمد وبعدين بقى مش حنخلص من الموال والكلام الفارغ دة

وحبست مني دموعها وانهيارها وقالت

طيب ي محمد انا ماما وبابا راحوا يعملوا عمرة وحيغيبوا عشر ايام

ياريت نخلص من الموضوع في أقرب وقت وتعرفني قبلها عشان اكون رتبت نفسي واحس محمد بالارتياح وقال

عمرة مقبولة يا قلبي

وتظاهرت مني بالانسياق لكلام محمد

وتابعت معة الحديث وانهيا الحوار على انة في أقرب سوف يتم الانتهاء من الموضوع باكملة

يتبع

من طرف **3del** الخميس 21 نوفمبر 2019, 5:45 am

ووصلت الطائرة

واستعد الاب والام لاداء مناسك العمرة وهاتفا البنتين للاطمئنان عليهما

وجرت مكالمة يسودها الحب والود

ووقتها احست مني بانة حان الوقت للانتهاء من الأمر باكملة

وقبل العيد بيومان دار حديث بين مني ونرجس

مني انا حنزل اروح الكلية اجيب محاضرات ومش حتاخر

لم تعترض نرجس على كلام ولكنها فاجئتها ونظرت إليها قائلة

نرجس انتي بردة مش عايزة تفتحلي قلبك وتقوللي مالك فنظرت إليها مني

دون أن تتكلم وتابعت نرجس كلامها

نرجس من الضروري يا اختي اننا نغلط

لكن الصح اننا نفوق من الغلط

ونحاول نرجع للطريق الصحيح

مفيش حد فينا

مبيغلطيش

وساعات ربنا بيحط ناس في طريق ناس بيكونوا سبب لرجوعهم

للطريق الصحيح

وناس سبب للطريق الخطأ

وانا عشان اختك وبحبك بقول كدا

لاني

خايفة عليكي وحاسة انك في مشكلة

تمساكت مني وقالت

مني صديقني مفيش حاجة ولو تقصدي

علاقتي بمحمد انا فعلا اعطيتة ٥٠٠ جنية

لاني كنت بحبة فقاطعتها نرجس

كنتي ممممم

ايوة ي نرجس كنت لاني اكتشفت انة مبيحبنيش ومن قبل ما ماما وبابا يسافروا وانا قررت ابعد عنة وبالفعل عملت كدا وقررت اخد بالي من مستقبلي

واقفل قلبي ومفتحوش الا للي يستاهل

فمتخافيش عليا انا زي الفل

وهممت نرجس وقالت

طيب متتاخريش وانا عقبال متجي حطلع اقعد مع عفاف شوي وإما تجي

ابقى نادي عليا وخرجت مني واحست انها افلحت في اقناع اختها بأن الأمر انتهى وامسكت هاتفها وحدثت مكالمة بينها وبين نشوي صديقتها انها للتو خرجت من البيت ومتوجهة الي الجامعة وطلبت منها ان نتظرها في كافتيريا الجامعة لأنها تحتاج بعض المحاضرات

واغلقت الهاتف وذهبت الي سنترال وطلبت موبيل ثم قامت بمكالمة مع محمد وقالت لة

مني الو ي محمد انت فين

محمد حكون فين في البيت

مني طيب مش اتفقنا اننا نروح للدكتور اليوم

محمد يوووة معلش ي روحي راحت عليا نومة طيب بقولك فوتي عليا تشربي حاجة عقبال ما اجهز وننزل على طول

وبابتسامة باهتة احست مني أن خطتها تسير ف الطريق الصحيح ومثلما توقعت

وان محمد سيحاول ان يجلبها لبيتة كسابق عهدة للنيل منها واخذ حقوقة الغير شريعة قبل الإجهاض

وافقت مني وبنبرة دلع قالت

انت حجزت عند الدكتور

فرد محمد يا قلبي الناس دي

مش محتاجة حجز والموضوع كلة

حيخلص في نص ساعة

ماشي يخويا بس عايزة اخلص النهاردة

وبضحكة عالية قال محمد

متخافيش يا قلبي كل حاجة حتكون تمام واغلقت الهاتف وتابعت السير نحو شقة محمد

يتبع

من طرف **قلبي معك ~** الخميس 21 نوفمبر 2019, 11:30 am

من طرف **3del** الخميس 21 نوفمبر 2019, 8:09 pm

habiba maged كتب:

من طرف **3del** الخميس 21 نوفمبر 2019, 8:14 pm

وصلت مني الي شقة محمد وأخذت تطرق الباب برفق وتتلفت حولها

وفي التؤ فتح محمد الباب وكان لا يزال بملابس النوم فاقترب منها ف محاولة منة لاحتضانتها وتقبليها ولكن مني دفعتة بعيدا وقالت

مني حنستهبل من اولها بطل مش وقتة

محمد استهبال شكلك مبقتيش تحبني زي الاول

مني قصدك مبقتيش هبلة زي الاول

اوعا خليني ادخل بلاش حد يشوفنا

وروح اللبس عشان ننزل ونخلص الموضوع دة فضحك محمد وقال

محمد طيب اقعدي بس عشان افهمك حاجة

مني وبعدين يا محمد معاك انا قايلة لاختي اني رايحة الجامعة ومش حتتاخر

فقاطعها محمد قائلا

اسمعي بقى العيادة بتفتح الساعة أربعة العصر عايزة نقضي اليوم مع بعض وبعدها ننزل نروح العيادة حكون اسعد الناس مش عايزة خدي الباب ف ايدك وانزلي خليني ادخل اخد شاور وافوق

فنظرت آلية مني وكادت تنفجر من البكاء

ولكنها تماسكت وصممت فقال لها محمد

انا داخل اخد شاور وعايز فنجان قهوة من ايد حبيتي اما اطلع

وهزت راسها ف إعلان صريح بالموافقة على كل ما قال محمد وبالفعل توجهة محمد للتواليت وهنا قررت مني تنفيذ خطتها والانتقام من محمد

ومر وقت قصير حتى سمعت محمد ينادي ويقول

محمد هاتلى الفوطة ي منى من على الكرسي وقامت مني لتناولة الفوطة

فامسك يديها في محاولة ان يدفعها داخل التواليت وهي تقاوم حتى جذبها محمد الي التواليت وجذبها نحوة

ولكنها فاجئتة بطعنة في منتصف بطنة

فاخذ يترنح حتى افلتت يدية وسقط أرضا عند الباب

فاسرعت مني بترتيب ملابسها وذهبت ناحية الباب وخرجت وقبل ان تغلق الباب وراها سمعت صوت أقدام على السلم فخرجت مسرعة وتوجهت الي الدور الأعلى محاولة اكتشاف من صاحب الأقدام وهنا كانت الصاعقة

من طرف **قلبي معك ~** الخميس 21 نوفمبر 2019, 10:48 pm

نرجس الأخير

قبل الأخير

رد: نرجس الأخير

رد: نرجس الأخير

رد: نرجس الأخير

رد: نرجس الأخير

رد: نرجس الأخير

رد: نرجس الأخير